“Viluni”, në Gjykatë mungon Pllanaj
që u fsheh tek makina e M.Frrokut
PDF/ Njoftimi zyrtar i Prokurorisë

Një vit pas përfundimit të operacionit antidrogë koduar “Laguna e Vilunit” në të cilin u përfol se ishin përfshirë dhe deputet të parlamentit shqiptarë prokuroria mbyll hetimet për 7 të arrestuarit dhe kërkon nga gjykata dënimin e tyre.

Në listën e personave për të cilët është mbyllur hetimi mungon Bardhok Pllanaj tashmë i shpallur në kërkim ndërkombëtar nga policia. Më 30 shtator të një viti më parë policia do të prangoste 7 persona mes tyre, Mikel Hoxha i cili perdor dhe emrin (Ermal Mehmeti), Indrit Rraja, Ervis Sulo, Leonidha Dhimojani i njohur dhe me emrin (Robert Abazi), Mirjan Vitaj, Alfred Syli dhe Kristian Çokaj.Këta shtetas janë në akuzë për trafik narkotikësh kryer në bashkëpunim i mbetur në tentativë dhe gjykimi i tyre do të bëhet në gjykatën e krimeve të rënda.

Akuzat për përfshirjen e deputetëve në trafik
Asokohe në media u përfol se Pllanaj mundi ti shpëtoj arrestimit pasi u fut në automjetin Audi A8 me targë AA 827 GX në pronësi të deputeti Mark Frroku. Vetë Frroku e mohoi këtë akuzë duke deklaruar se skishte asnjë lidhje dhe në mjetin e tij ska patur asnjëherë të fsehur trafikant.

Por ç’farë ndodhi me operacionin Laguna Vilunit?
Rreth orës 21:00 më 30 shtator policia kufitare dhe guardia di finanza në zonën e njohir si “Rana e Hedhur” identifikoi disa persona të cilët nga një skaf po hidhnin në det disa çanta të zeza. Këto çanta pas ndërhyrjes së policisë rezulton të mbushura me cannabis sativa me një peshë në 780 kg.

Po ashtu në këtë operacion u sekuestrua dhe skafi që përdorej nga trafikantët për të dërguar drogën e prodhuar në malësin e shkodrës drejt italisë, si dhe u shpallën në kërkim 5 persona mes tyre dhe Bardhok Pllanaj që mundi ti shpëtoj prangosjes.

TAG:
• bardhok pllanaj