Babai i një vajze 3 vjeçe Jetmir Shehu jetonte prej vitit 2000 në Chicago të Amerikës, bashkë me familjen e tij fitues të llotarisë Amerikane. Në vitin 2017 ai u njoh përmes rrjeteve sociale me Besianën, e cila kishte shkuar me vizë në Boston, tek e motra. Cifti kurorëzuar dashurinë e tyre në martesë, fryt i së cilës është dhe vajza e tyre 3-vjeçare. Ata u zhvendosën drejt Bostonit, në një shtëpi të marr me qira, ku Jetmiri ushtronte profesionin e tij si laborant mjekësor dhe Besiana si inxhinieri ndërtimi. Por nuk zgjati shumë dhe në pak kohë nisën mosmarrëveshjet në çift, mosmarrëveshje të cilat do të çonin drejt divorcit. Për shkak të pandemisë çështja mbeti pezull, ndërsa kjo ndarje, prej një viti edhe pse jo ende ligjërisht, u përjetua keq nga Jetmiri. Ai u kthye në shtëpinë e prindërve në Chicago nga ku kaloi një situatë të vështirë depresioni. Ky ishte momenti, kur ai vendos të kthehet në Shqipëri, dhe kur sistemi TIMS zbuloi se ai kishte hyrë më datë 19 qershor 2021, nga aeroporti i Rinasit. Prindërit e Jetmirit Gëzim dhe Mimoza Shehu mbërritën me urgjencë në Shqipëri, ndërsa bënë denoncimin në polici, si edhe një kërkesë pranë ambasadës amerikane në Tiranë, për humbjen e të birit.
Ai ka mbërritur 12 vjeç ne Amerikë. Atje u shkollua për mjekësi dhe ishte student shumë i mirë. Kohët e fundit i thonte të ëmës se donte ikte ne Shqipëri. Ne kemi mësuar se ai ka mbërritur më datë 19 qershor të të këtij viti. Dhe dukej se ishte i përgatitur shpirtërisht për të bërë këtë hap. Unë kërkoj vetëm t’i dëgjoj zërin. Djali është i gjatë 1.76. Ai ishte një djalë perfekt. Nuk akuzoj dot askënd pa ndonjë bazë. Ai u kthye në gusht të vitit 2020 tek familja jonë në Chicago, kur u nda nga bashkeshortja dhe është baba i një vajze.
Familjarët kanë bërë të pamundurën për verifikuar çdo të dhënë të marr në mënyra të ndryshme, por deri më tani nuk kanë mundur të arrijnë në një informacion zyrtar. Verifikimet e bëra në rrugë operative nga policia në të gjitha hyrje-daljeve, tregojën se pas hyrjes në Shqipëri në qershor të 2021 Jetmiri nuk rezulton të ketë kaluar kufirin përgjatë këtyre 5 muajve, ç’ka dyshohet se ai ndodhet brenda territorit shqiptar. Në emisionin ‘Pa Gjurmë‘ në Report TV gjatë transmetimit live mbërritën një lumë informacione, që lokalizonin vendndodhje të ndryshme të të riut, i cili dyshohej se kishte përshkuar disa qytete, nga jugu në veri të vendit si në Sarandë fillimisht ku një zotëri pretendoi se e kishte takuar në një pikë të këmbimi valutor ku kishte thyer 100 dollarë. Në Shkodër gjithashtu dyshohet se ishte parë gjatë kësaj jave një person i ngjashëm me Jetmirin i shoqëruar nga një vajzë. Por dëshmia më e fundit, që mbërriti në minutat e fundit të transmetimit lokalizoi vendndodhjen e 32-vjeçarit pranë Terminalit të Kamzës në Tiranë.
E kam parë mbrëmjen e djeshme, aty ku rri çdo natë tek Terminali i Kamzës. Madje kam biseduar me të dhe më ka treguar kartën si dhe pasaportën. Më ka pohuar se rri në Amerikë dhe është me origjinë nga Fieri-tha dëshmitari live
Të dhënat që përcolli live ky dëshmitar bënë që bashkë me të në vendin ku dyshohet se është parë Jetmiri të nisej menjëherë edhe grupi i xhirimit, me shpresën se personi për të cilin bëhet fjalët të jetë pikërisht i humburi 32-vjeçari që po kërkohet në emisionin ‘Pa Gjurmë‘, në Report TV.
Emisioni i plotë
Lajme të tjera
-
Salianji çon raportin e Komisionit për TIMS në SPAK: U ndërhy nga persona të paautorizuar! Pas skandalit Balla e Çuçi ikën, Rrumbullaku u dorëhoq, Muça në arrest
6 Shtator, 14:06 -
‘TIMS’/ Kuvendi miraton me 76 vota pro raportin e PS! Salianji: Gjetjet tona i çojmë në SPAK, kush i bën emërimet e paligjshme në Polici?
26 Korrik, 22:58 -
PD kërkon zgjatjen e hetimit për komisionin 'TIMS': Të thërrasim edhe Ramën! Salianji: Të dhëna të llahtarshme
15 Korrik, 10:26 -
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
TIMS/ Dëshmon me dyer të mbyllura drejtoresha e SHISH! Hyseni hedh poshtë akuzat e Salianjit: S'jam shmangur, isha në Bruksel
2 Korrik, 10:52 -
Salianji zbardh dëshminë e Ervin Muçës në Komisionin TIMS: Sistemi mund të jetë përdorur nga persona të krimit të organizuar
26 Qershor, 13:03
-
Mblidhet 'TIMS'/ Drejtoresha e SHISH nuk paraqitet, Salianji: Nuk është datë dasme, e papranueshme të thuhet 'nuk vij se kam punë'
26 Qershor, 11:40 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
‘TIMS’/ Balla, Rrumbullaku e Ervin Muça 12 orë dëshmi me dyer të mbyllura! Salianji: Zbuluam të dhëna befasuese, i publikojmë shumë shpejt
5 Qershor, 08:53 -
Komisioni ‘Tims’ mbyll dyert/ Dëshmon për 3 orë Balla! Rrumbullaku: ‘Rrëfej’ sekrete hetimore! Salianji: Doni ta bëni mbledhjen në terr
4 Qershor, 15:26 -
Agjencia e Inteligjencës së Mbrojtjes kërkon akses në TIMS! Drejtori: Po s’erdhi në kohë, informacioni s’ka vlerë
3 Qershor, 17:06
