POP 5

Lajmet më të lexuara të 5 minutave të fundit

Kronikë

Lear Kurti vdiq nga mbidoza pas arrestimit, Prokuroria e Tiranës nuk gjen shkelje nga efektivët, kërkon në gjykatë pushimin e çështjes

Një vit hetime nga prokuroria e Tiranës nuk kanë gjetur shkelje nga efektivat e policisë në vdekjen e 32-vjeçarit Leart Kurti. Grupi i hetimit ka vendosur pushimin e çështjes pasi nuk ka vepër penale ndërsa vendimi është dërguar për konfirmim në gjykatë. Ekspertiza mjekësore, ka evidentuiar se vdekja e të riut ka ardhur nga gëlltitja e dy qeseve me kokainë.

Tiranë- Vdekja e 32-vjeçarit Lear Kurti nuk ka ardhur si pasojë e shkeljeve të punonjësve të policisë. Pas një viti hetime për ngjarjen, Prokuroria e Tiranës ka vendosur të pushojë çështjen për të riun i cili vdiq pas shoqërimit nga policia në  komisariatin nr 3 me disa doza kokaine, 22 tetor 2022

Vendimi erdhi pas rezultateve të ekspertizave mjeko-ligjore si dhe nga kqyrja e kamerave te sigurise të Spitalit të Traumës ku u dergua 32 vjeçari pasi shfaqi probleme shëndetësore, por edhe verifikimeve në komisaritin 3 ku u shoqërua. 

Mjekët ligjorë kanë shënuar në akt ekspertimin e tyre se vdekja e 32-vjeçarit ka ardhur nga helmimi (mbidozim) akut me lëndë narkotike, të llojit kokainë, që ka sjellë për pasojë ndalim e menjëhershëm të zemrës. Sipas aktit të ekspertimit mjeko-ligjor, diagnoza e përcaktuar është Anatomo-Patologjike: Mbidozim (Helimim) akut me lëndë narkotike.

I riu ka pasur gjithashtu ishemi akute Hypoksite e miokardit e shoqëruar me kontraktim dhe deformim të miofibrilive, edemë të trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent. Përfundimisht grupi me 5 ekspertë të mjekësisë ligjore ka përcaktuar se shkaku i vdekjes se shtetasit Lear Kurti ka qenë gëlltitja e qeses me lëndë narkotike të llojit kokainë, çka i ka sjellë ndalimin e menjëhershëm të zemrës.

Ngjarja ndodhi më 20 tetor të vitit të kaluar pasi policia ndaloi në orët e vona Leart Kurtin, i cili më pas ndërroi jetë. Sipas policisë, gjatë ndjekjes i riu gëlltiti dy doza të vogla të kokainës për t’i shpëtuar sekuestrimit të saj dhe arrestimit nga efektivat. Gjatë shoqërimit në komisariat 32 vjecari pati perkeqësim të shëndetit dhe u shoqerua në spital ku dhe humbi jetën. Krahas hetimit penal, AMP pezulloi nga detyra efektivët që e shoqëruan të riun në komisariat deri në përfundim të hetimeve.

Vdekja e të riut shkaktoi një sërë përplasjesh, pasi opozita akuzoi policinë e Shtetit se ishin ato që e vranë Lear Kurti, e për ketë thirrën edhe protesta duke kërkuar drejtësi, e deri në sqarimin e plotë të ngjarjes.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • zalua: 29/11/2023 06:19

    alamet djali,i marre ne qafe nga police shqiptare=police idiote e pa tru...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33