Lajmi për vdekjen e akademikut Kolec Topalli ditën e sotme në moshën 80-vjeçare ka hidhëruar ndër shumë të tjerë edhe gjuhëtaren e njohur, Ledi Shamku Shkreli.
Kolec Topalli ka dhënë një kontribut të madh në lëmin e studimeve etimologjike të shqipes, dhe la pas, ndër të tjera, veprën e madhe “Fjalori etimologjik i gjuhës shqipe”. Këtë vepër prof. Topalli arriti ta botojë pak para se të largohej prej nesh.
Në një status të saj në facebook, Ledi Shamku zbulon me dhimbje detajet që e bëjnë më të çmuar kontributin e gjuhëtarit Topalli që ia dedikoi gjithë jetën gjuhës shqipe.
Shamku duke rendur në kujtime e nëpër fjalë të rralla të zbuluara nga Kolec Topalli shprehet e hidhëruar për mungesën e tij, pas largimit nga jeta. “M’ke pikë” thotë gjuhëtarja me një shprehje të vjetër të shqipes, duke i drejtuar fjalët si më poshtë:
I vyemi Kolec, i nderti prof, i miri koleg, janë tu m’kalu tash para syve t’kujtesës gjithë kohët e jetume me ty. Kohë që udhakojnë prej Shkodre në Zagreb e ndalen gjatë në Tiranë, n’daç te kthina jote e vogël n’Institut, përballë times, ku hyja pa trokit e vija me t’i çatrafillu skedat etimologjike që rendisje në skedar secila mbështjellë në zarfin e vet; e në daç te kafja jonë bri Institutit, ajo me mprojtse të blertë prej shiut, ku mundoheshe me më msu si me duru e me u matë.
I shtrenjti Kolec, më kujtohet se m’u deshën plot tri kafe rresht me e kuptu sa hollë e bukur e kishe shpjegu etimologjinë e fjalës “kem” (timjan) duke ia kthy ma në fund atë fjalë tanësisë së fjalëve autoktone të trungut shqip.
Kemi i shejtë ty t’shëlboftë sot e të dhashtë pushimin e pasosun, ndonëse e dij se mendja jote e msume me kureshtu s’ka me pushu as n’atë jetë!Kam me dashtë me t'kujtu mbas sodit me nji poezi shkodrane, që ma pate msu ti, tu ma recitu buzagaz sa herë që për arsye jo shkencore po sigurisht ideologjike a thjesht vulgare, ndigjonim për veten emra si: të shitur, përçarës kombi e kësi marrinash që vijojnë edhe sot. Unë nxefesha e ti fisnikisht qesheshe, e recitoje për hoka njikët poezi:
Po ti mos moj flutur ma
mos ju sjell aq fort kanilit.
Nuk e din ç’ka je tuj bà
A mendon se flaka djeg?Kish ta dijshe se ta kànde
at drit t’rrejshme që t'pershkohet..
e tuj ndjek at mendjen tànde
shkon e ven vedin n’rrezik".Fort i dashtun Kolec, paç Dritën që pasioni yt u dha fjalëve të terratisuna të shqipes!
M’ke pikë mu në zemër sot, mu thellë n’lug të zemrës! Kam me t'kërku dasht e padasht, siç kërkohen ata miq e kolegë që kur ikin, nuk të kanë ikë.
Komente
Lajme të tjera
-
Ledi Shamku homazh për Bahri Becin: Një lamtumirë që nuk do doja ta shkruaja...
21 Gusht 2023, 17:50
-
Auditi/ Si veproi ‘Arsimi’ për ‘shkrirjen’ e Akademisë së Studimeve Albanologjike! Shamku: Akademia e Shkencave s'i punëson dot studiuesit, s’ka ligj! Gjinushi: Do i shtojmë
29 Maj 2023, 18:53
-
Akademia e Shkencave përjashtoi Shamkun nga konferenca e drejtshkrimit? Këshilli organizativ i Prishtinës e përgënjeshtron: Shpifje
19 Nëntor 2022, 15:14 -
Vijon përplasja në distancë, studiuesja Ledi Shamku për kreun e Akademisë së Shkencave: Sovjetin Gjinushi e provova në kurriz
18 Nëntor 2022, 22:01 -
Vetëm 4 dhjeta në gjuhë-letërsi, Shamku: Nxënësit kanë probleme serioze me formulimin e mendimit! Gjuhëtarët të bëjne tekste më të thjeshta
28 Qershor 2022, 11:52 -
‘Gjuhët e Parajsës’, Ledi Shamku: Teza për purizmin e shqipes, teza më antikombëtare (VIDEO)
7 Prill 2021, 17:11
-
“Muaji i kujtesës” në muze, nderohet Kolec Topalli. Gjuhëtari: Kritikat për Fjalorin e tij Etimologjik s’janë shkencore!
8 Shkurt 2021, 14:49
-
Ledi Shamku në Report Tv: Mësimi online të largojë çdo gjë të tepërt nga mësimdhënia! Nxënësit duhet të mësojnë pasionin për dijen
14 Shtator 2020, 13:44 -
Edhe njëherë për ty që nxë
13 Shtator 2020, 15:07
Komplet idiote!
Përgjigju