Lehtësimi i masave anti-COVID, Tomini: Duhet ta mbajmë situatën e pandemisë nën kontroll! Grumbullimet deri në 50 persona, për festa që u kanë munguar njerëzve

Përmirësimi i situatës së pandemisë në vend, ka sjellë edhe lehtësimin e masave antiCOVID ngsa Komiteti Teknik i Ekspertëve, si heqja e maskës në ambiente të jashtme, shtyrja e orës policore nga ora 23:00-06:00 dhe lejimi i muzikës në lokale deri në orën 22:00.

Zv.ministrja e Shëndetësisë Eugena Tomini tha se ndonëse pritshmëritë ishin që masat të lehtësoheshin edhe më shumë, shtoi se situata mund të mbahet nën kontroll vetëm duke respektuar masat. Lehtësimi i masave në mënyrë graduale ka qenë një taktikë e ndjekur nga komiteti që nga fillimi i pandemisë.

“Shpresat dhe entuziazmi i përfshirë edhe i popullatës përkundrejt shifrave në trend zbritës bënë që pritshmëritë mund të ishin dhe më të mëdha. Komiteti e ka vëzhguar në mënyrë sistematike situatën dhe kjo situatë mund të vijojë duke respektuar masat, por edhe lehtësimi i tyre të bëhet gradualisht. Ky lehtësim e ka personifikuar ecurinë e masave të marra në vend. Masat merren duke vlerësuar indikatorët. Duhet lënë kohë, fushata po përvijon dhe ndërkohë grupmosha që frekuenton këto ambiente është më e predispozuar, sepse fasha e tyre nuk është e favorizuar për tu vaksinuar. Prandaj dhe sugjerimi ka qenë që baret e mbrëmjes të vazhdojnë deri në 23:00. Edhe lehtësimi i tyre duhet të jetë i ngadaltë.

LEXO EDHE:
Nga Sao Paolo në Kukës për turizëm, çifti brazilian: Kemi udhëtuar mbi 70 shtete, Shqipëria na ka surprizuar

Nga data 15 Qershor grumbullimet në ambientet e jashtme nga 10 persona bëhen 50 persona, duke respektuar rregullat e distancës sociale në zbatim të protokolleve të ISHP. Kjo sipas Tominit është bërë sepse shumë për të zhvilluar festa që u kanë munguar njerëzve.

“Me shumë vend edhe rekomandimi sepse kanë qenë grupe të privuara nga pandemia. Mbështetur në kriterin e 30% të kapaciteteve do të vijojnë aktivitetin e tyre. Favorizimi i këtij grumbullimi ne kemi qenë në nivelin e 10 individëve, dhe kemi rekomanduar të jetë familjar. Duke mësuar faktin e zgjerimit në 50 individë bëhet fjalë për ditëlindje dhe festa të këtij niveli për të mundësuar festa që i kanë munguar popullatës. Ky protokoll është i sugjeruar përgjithësisht brenda ambienteve të jashtme”, shtoi Tomini.

Ndonëse vijon të ketë masa kufizuese kjo verë sipas Tominit do të jetë ndryshe nga ajo e kaluara.

“Është verë ndryshe nga ajo e kaluara por nënë masa të kujdesshme. Ndoshta edhe veshi i qytetarëve është lodhur nga thirrja që u bëjmë. Vazhdojmë të bëjmë thirrje të mos neglizhojnë asnjë shenjë, të kërkojnë ndihmë dhe të ndjekin masat. 1 milion banorë të vaksinuar deri në fund të qershorit, do e arrijmë këtë objektiv. Kjo i ka dhënë efektet duke mos pasur raste të rënda dhe fatalitete”, shtoi ajo.

Duke filluar nga 1 qershorit hiqet detyrimi i mbajtjes së maskës mbrojtëse janë ambientet e jashtme, por ajo do të jetë e detyruar të mbahet në ambientet e brendshme. Gjithashtu ora policore shtyhet më 60 minuta dhe fillonnga ora 23:00-06:00. Megjithatë klubet e natës dhe diskot do të jenë të mbyllura ndërsa muzika do të lejohet deri në orën 22:00.

Masat që lehtësohen:

Nga 1 Qershori
• hiqet detyrimi per mbajtjen e barrieres mbrojtese ne ambientet e jashtme. Do vijoje te mbetet detyrimi i mbajtjes se maskes ne ambjentet e mbyllura si dhe ne mjetet e transportit publik. Rekomandohet mbajtja e maskes kudo ku nuk mund te ruhet distancimi sociale si edhe per ata qe ende nuk kane bere dy dozat e vaksines qe konsiderohen persona ne risk.
• ora policore shtyhet ne oren 23:00 -06:00. 
• Klubet e nates, diskot, vijojne te mbeten te mbyllura. Muzika do lejohet deri ne oren 22:00.

Nga 15 Qershor
• grumbullimet ne ambjentet e jashtme nga 10 persona behen 50 persona, duke respektuar rregullat e distances sociale ne zbatim te protokolleve te IShP.

Nga 1 Korriku
• ora policore shtyhet ne oren 24.00 -06:00. 
• Orari per  muziken nuk ndryshon, pra do mbetet ora 22:00.
• lejohen kampionatet sportive me prezence te tifozeve me kapacitete te reduktuara deri ne 30% sipas protokollit te IShP.
•lejohen aktivitetet e teatrove, shfaqeve artistike dhe kulturore, konferencave, me kapacitet te reduktuar deri ne 30% te spektatoreve apo pjesemarresve, sipas protokolleve te IShP

TAG:
• sezoni turistik
• Eugena Tomini
• koronavirusi ne shqiperi
• masat anticovid