POP 5

Lajmet më të lexuara të 5 minutave të fundit

Shëndeti

Lehtësohet procedura për skanerin

Gjatë inspektimit në Poliklinikën e Specialiteteve nr.2 në Tiranë, Ministrja e Shëndetësisë pa nga afër investimet në pajise dhe laboratorë që ju shërbejnë 270 mijë banorëve

Ndryshon procedura për regjistrimin e ekzaminimeve terciare.

“Mjekët specialistë në Poliklinikat e Specialiteteve të Tiranës dhe në spitalet rajonale, i caktojnë menjëherë në sistemin elektronik pacientit datën për të kryer një ekzaminim, pa qenë nevoja për konsultë në QSUT, duke lehtësuar kështu burokracitë, sorollatjet dhe kohën e pritjes për pacientët”. Deklarata u bë nga Ministrja Manastirliu gjatë inspektimit në Poliklinikën e Specialiteteve nr. 2 në Tiranë. Poliklinika e specialiteteve nr. 2 në zonën e 21 Dhjetorit është pajisur me aparatura diagnostikuese të teknologjisë së lartë, pjesë e kredisë italiane për fuqizimin e 5 poliklinikave.

“Me aparaturat e reja mundësuam 3 kabinete për herë të parë në këtë poliklinikë, të endoskopisë, ezhesë dhe fushës vizive. Janë fuqizuar shërbimet e kardiologjisë, ORL, okulistikës, dermatologjisë me pajisje të reja, duke siguruar shërbim më të specializuar për 270 mijë banorë”, tha Manastirliu.

Me investimet e realizuara janë shtuar edhe pajisje të reja për laboratorin, që kanë zgjeruar me 35% analizat e kryera në këtë poliklinikë specialitetesh.

“Zgjerimi i shërbimit të laboratorit ka rritur numrin e analizave të kryera në 4 muajt e parë 2019, krahasuar me të njëjtën periudhë të vitit të kaluar, duke rritur cilësinë e shërbimeve afër vendbanimit dhe pa burokraci për qytetarët”, tha Manastirliu.

 Pas investimeve në Poliklinikën qendrore, vijojnë investimet në shërbimin e specializuar në poliklinikat e Tiranës, duke lehtësuar rradhët e pritjes së pacientëve në QSUT.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Finalja kundër Interit, Conceiçao gjen Leaon: Milani kërkon trofeun, na duhet goli

Finalja kundër Interit, Conceiçao gjen Leaon: Milani kërkon trofeun, na duhet goli

5 Janar, 17:43