Leja prindërore për gjyqtarin Gjin Gjoni, reagon KLD: Deklarata e ministres e pasaktë, vendimi ishte ligjor

Leja prindërore për gjyqtarin Gjin Gjoni, reagon KLD: Deklarata e ministres e pasaktë, vendimi ishte ligjor

Një mbledhje e Këshillit të Lartë të Drejtësisë

TIRANË- Këshilli i Lartë i Drejtësisë ka reaguar pas deklaratës së ministres së Drejtësisë, Etilda Gjonaj, se KLD i ka dhënë një leje prindërore gjyqtarit  Gjin Gjoni, në mënyrë të paligjshme. KLD sqaron me anë të zëdhënësit të këtij institucioni, se më datë 11 tetor, është zhvilluar mbledhja për shqyrtimin e kërkesës së Gjonit. KLD thotë se ministrja Gjonaj nuk ka qenë e pranishme në këtë mbledhje, dhe se deklarata e sotme ka qenë e pasaktë. KLD thekson se vendimi për leje është marrë me kuorum të plotë, dhe se vetë gjyqtari Gjonaj nuk ka qenë i pranishëm  në këtë mbledhje.

Reagimi i plotë i Këshillit të Lartë të Drejtësisë:

Këshilli i Lartë i Drejtësisë ka zhvilluar mbledhjen e tij më datë 11.10.2018, në të cilën përveç dy çështjeve të caktuara në rendin e ditës është miratuar dhe përfshirja për shqyrtim në këtë mbledhje edhe kërkesa e gjyqtarit të Gjykatës së Apelit Tiranë z.Gjin Gjoni për leje prindërore. Pas shqyrtimit të kësaj kërkese KLD ka vendosur: “Të miratojë kërkesën për leje prindërore për një periudhë 2 vjeçare, gjyqtarit Gjin Gjoni, për funksionin si gjyqtar pranë Gjykatës së Apelit Tiranë”.

Në lidhje me deklaratën e Ministres së Drejtësisë, shprehim keqardhjen për pasaktësitë në përmbajtjen e saj, pasi së pari duhet sqaruar se anëtarja e KLD-së zj.Etilda Gjonaj, nuk ka marrë pjesë në këtë mbledhje, megjithëse është njoftuar për zhvillimin e saj. Në kushtet kur Ministrja Gjonaj nuk ka qenë prezent në mbledhjen e zhvilluar, deklarata e saj për mungesë transparence nga KLD, nuk është objektive dhe aspak korrekte në citimet e saj. 

Është i pavërtetë gjithashtu dhe deklarimi se Këshilli i Lartë i Drejtësisë, nuk ka patur kuorumin e nevojshëm për vendimarrje, pasi kuorumi vendimmarrës i KLD-së mbi këtë çështje pasqyrohet qartësisht dhe në mënyrë transparente në procesverbalin e mbledhjes të publikuar. Gjithashtu sqarojmë se z.Gjin Gjoni, nuk ka marë pjesë në votimin e kësaj pike shtesë të rendit të ditës.

Në funksion të pyetjes suaj, sqaroj se, çdo pretendim apo kundërshtim që mund të ketë, jo vetëm Ministrja e Drejtësisë, por dhe çdo anëtar tjetër i KLD-së, është i mirëpritur t’i paraqesë së pari me pjesëmarrje e tij në mbledhjet e Këshillit të Lartë të Drejtësisë, duke përmbushur kështu funksionin e anëtarit të këtij organi përsa kohë ky organ do të jetë funksional.

Si e shkeli Meta ligjin për Gjin Gjonin. Rendi i ditës u ndryshua në kundërshtim me nenin 22

Këshilli i Lartë i Drejtësisë, në mbledhjen e tij të fundit, në datë 11 tetor në rendin e ditës ka pasur për diskutim 2 çështje: Komandimi i kryetarit të ri për Gjykatën e Apelit të Korçës dhe delegimi i disa gjyqtarëve sipas kërkesave të gjykatave të ndryshme.

Paraditen e sotme, ministrja e Drejtësisë, Etilda Gjonaj ka denoncuar në një dalje mediatike edhe një vendim të tretë të marrë në mbledhjen e KLD dhe që sipas saj është future në mënyrë të paligjshme në rendin e ditës. Bëhet fjalë për akordimin e lejes prindërore për gjyqtarin Gjin Gjoni, i cili edhe më herët ka qenë objekt debatesh në KLD dhe që mesa kohët e fundit është bërë baba i një vajze. 

Ministrja Gjonaj deklaroi se e gjithe procedura e ndjekur për mirëtimin e këtij vendimi është e paligjshme, pasi mungonte korumi i duhur. Ndërkohë në mbrëmje KLD reagoi përmes zëdhënësit duke pretenduar se e gjithë procedura është e ligjshme.

Po çfarë thotë Ligji Nr. 8811, datë 17.5.2001 (Ndryshuar me ligjin nr. 9448, datë 5.12.2005) “Për organizimin dhe funksionimin e Këshillit të Lartë të Drejtësisë”, i cili është në fuqi deri në ngritjen e KLGJ dhe KLP? Në nenin 22, të këtij ligji përcaktohet se “Përjashtimisht, me 2/3 e votave të të gjithë anëtarëve, Këshilli i Lartë i Drejtësisë mund të marrë në shqyrtim dhe të vendosë për çështje që nuk janë përfshirë në rendin e ditës”.

Në mbledhjen e KLD kanë qenë të pranishëm 9 anëtarë, përfshirë Gjin Gjonin, i cili duket se ka votuar edhe vetë për t'i dhënë leje 2-vjeçare vetes.

KLD ka gjithsej 15 anëtarë dhe duket qartësisht se korumi për të futur një çështje në rendin e ditës nuk ka qenë.  KLD duket se ka shkelur të gjitha pikët e nenit 22 të ligjit “Për organizimin dhe funksionimin e Këshillit të Lartë të Drejtësisë”, çka e ka detyruar ministren Gjonaj të kërkojë shfuqizimin e kësaj vendimarrjeje, si absolutisht të pavlefshëm dhe në shkelje të rëndë e flagrante të ligjit.

Rregullorja e rendit të ditës në Këshillin e Lartë të Drejtësisë

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Geni: 24/10/2018 21:46

    Cfare burri legen e frikacak, Dy vjet leje, turp, burrec hajdut, po Rama cfare ben? xhin xhoni thonin gjermanet NE cdo mbledhje me qeverine

    Përgjigju
  • Agai: 21/10/2018 10:54

    Si mund ti japesh Gjin Gjonit 2 vjet leje. Kjo duket ashiqare sa per mos ta kaluar vettingun. Po nuk ke ku te shpetosh o Gjin Gjoni

    Përgjigju
  • Gjin gjoniii: 21/10/2018 10:50

    Aman shkriheni fare kete KLD se eshte bere misherim i korrupsionit

    Përgjigju
  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

Euro 2024/ 'Djajtë' kërkojnë pikët e para, titullarët e përballjes Belgjikë - Rumani

Euro 2024/ 'Djajtë' kërkojnë pikët e para, titullarët e përballjes Belgjikë - Rumani