Leonora Jakupi: Muzika nuk duhet të jetë biznes!

Leonora Jakupi thotë se dashuria për një punë është çelësi kryesor për të pasur sukses. Këngëtarja kosovare ka dhënë një prononcim për gazetën Tribuna rreth asaj nëse muzika duhet të shihet si biznes

.
“Së pari duhet ta duan cilëndo punë që e bëjnë, qoftë ajo muzikë apo një profesion tjetër. Nuk duhet të hyjnë e ta marrin si biznes cilëndo fushë”.


“Nëse e duan me të vërtet atëherë gjithçka është e mundshme dhe natyrisht që edhe punët do të ecin më mbarë. E nëse nuk e do, është më mirë të mos i futet asaj pune. Dashuria për këngën është shumë e rëndësishme”, ka thënë këngëtarja e cila si prioritet të saj ka vetëm muzikën këto kohë, pasi në jetën e saj private nuk ka asnjë ndryshim.

Deri më tani këngëtarja nuk është përfolur për ndonjë histori dashurie, aq sa jeta e saj private duket tërësisht misterioze për faqet rozë të gazetave.

(J.H.shqiptarja.com)