POP 5

Lajmet më të lexuara të 5 minutave të fundit

Kronikë

Lëpushë/ U bllokuan në liqenin e Shtrazës prej problemeve shëndetësore, policia iu vjen në ndihmë dy turistëve belgë

Dy turistë belgë ishin bllokuar në liqenin e Shtrazës në Lëpushë të Shkodrës. Pas 4 orë kërkimesh në terren të vështirë malor, ata u gjetën nga policia dhe u dërguan në spital për asistencë mjekësore ku ndodhen në gjendje të mirë shëndetësore.

MALËSI E MADHE - Dy turistë belgë ishin bllokuar tek liqeni i Shtrazës në Lëpushë të Shkodrës, pasi kishin shfaqur probleme shëndetësore gjatë eksplorimit të liqenit. Policia mori njoftim mëngjesin e sotëm për bllokimin e dy turistëve në Lëpushë.

Operacioni për dhënien ndihmë ndaj tyre zgjati 4 orë dhe u krye nga SPK Grabom, PKK Bashkim si dhe në bashkëpunim me policinë malazeze.

Kjo për shkak se lokacioni ku ata kishin ngecur ishte më i aksesueshëm nga Mali i Zi.

Pas kërkimesh në një terren shumë të vështirë malor, belgët u gjetën dhe u transportuan në spital për asistencë mjekësore, ku ndodhen në gjendje shumë të mirë shëndetësore.

'Mëngjesin e sotëm, sapo janë njoftuar se 2 turistë belgë kërkonin ndihmë sepse kishin shfaqur probleme shëndetësore gjatë eksplorimit të liqenit të Shtrazës në Lëpushë, SPK Grabom dhe PKK Bashkim, në bashkëpunim me Policinë malazeze (për shkak se lokacioni ishte më i aksesueshëm nga Mali i Zi), kanë organizuar punën për të gjetur dhe ndihmuar turistët.

Pas 4 orësh kërkime në një terren shumë të vështirë malor, ata janë gjetur dhe janë transportuar në spital, për të marrë asistencë mjekësore.

2 turistët janë aktualisht në gjendje të mirë shëndetësore. Ata kanë falenderuar punonjësit e Policisë për gatishmërinë dhe humanizmin e treguar.', thuhet në njoftimin e policisë.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ngjarja në Pogradec, jeni dakord me akuzën si vrasje nga pakujdesia?

Lajme të tjera



×

Lajmi i fundit

Ja përse çanta nuk duhet lënë në tokë

Ja përse çanta nuk duhet lënë në tokë

15 Gusht, 20:15