POP 5

Lajmet më të lexuara të 5 minutave të fundit

Kronikë

Lezhë, banorët e lagjes ‘Spitali’ jetesë mes ujërave të zeza! Vërshojnë në rrugë, problematika prej 1 viti

Prej më shumë se një viti banorët e lagjes ‘Spitali’ në Lezhë jetojnë mes ujërave të zeza që kanë vërshuar në rrugë. Sipas tyre problematika është shfaqur me nisjen e punimeve të rindërtimit të maternitetit të qytetit. Ndërsa pavarësisht ankesave ende nuk ka marrë zgjidhje kjo situatë.

Jetesa në lagjen e ‘Spitalit’ në qytetin e Lezhës është bërë mjaft e vështirë dhe e rrezikshme për shëndetin e njerëzve. Ujërat e zeza kanë dalë në sipërfaqe dhe vërshuar në rrugët dhe rrugicat e kësaj lagje.

Kjo situatë vijon prej gati një viti, duke shkaktuar erë të rëndë dhe ndotje në këtë zonë. Banoret thonë se problematika është shfaqur me nisjen e punimeve për ndërtimin e maternitetit të qytetit. Pavarësisht ankesave në institucionet shtetërore, problemi sipas banorëve ende nuk ka marrë zgjidhje.

"Ujërat e zeza, është mikrob, është sëmundje, është çdo gjë. Kanë ardhur e kanë parë të Bashkisë, inxhiniera të gjithë, nuk dimë ta bëjmë. Është problem, këtu na luajnë fëmijët. Ka mbi 8 muaj që kur është bërë materinteti i ri.

E ka fajin spitali me kanalin e ujërave të zeza. Nuk mund t'i hp dritaret se të mbyt era.

Problem janë kthyer shumë. Ujërat e zeza si këtu nën rrugë e këtej, më keq se jemi s'ka. Vjen era me të zënë frymën", u shprehën banorët.

Burime nga bashkia e Lezhës, bëjnë me dije se ky shqetësim do të marrë zgjidhje me zbatimin e projektit të kanalizimeve të ujerave të zeza, i cili do të prekë të gjithë qytetin, por nisja e këtij investimi ende nuk dihet.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça