I dogjën makinën e efektivit të Lezhës, zbardhet ngjarja, arrestohen dy autorët e dyshuar, i kapi kamera e sigurisë (EMRAT)

Lezhë- Policia e Lezhës ka identifikuar dhe arrestuar autorët e djegjes së makinës së efektivit të Lezhës paraditene e sotme, të parkuar pranë Komisariatit të qytetit.
Në orët e pasdites njoftoi se kishte bërë të mundur kapjen e dy autorëve të dyshuar të ngjarjes, Klaudio Gjokhilaj, 24 vjeç dhe Klaudio Kovaçi 22 vjeç, të dy banues në Lezhë.

'Si rezultat i hetimeve dhe provave të siguruara gjatë hetimit në kuadër të operacionit policor të koduar “Reagimi", nga Seksioni për Hetimin e Krimeve të Komisariatit të Policisë Lezhë, bazuar dhe në inteligjencën policore u bë i mundur identifikimi  dhe arrestimi në flagrancë i shtetasve:

- Klaudio Gjokhilaj, 24 vjeç dhe Klaudio Kovaçi, 22 vjeç, të dy banues në Lezhë.

LEXO EDHE:
Rrezikuan jetën e pushuesve, bllokohen 2 jet ski në plazhet e Ksamilit dhe të Shëngjinit

Këta shtetas, në bashkëpunim me njëri-tjetrin, mëngjesin e sotëm, dyshohet se për shkak të detyrës, i kanë djegur automjetin shtetasit  R. Z., me detyrë oficer i Patrullës së Përgjithshme, trup shërbimi në Komisariatin e Policisë Lezhë.', thuhet në njoftimin e policisë.

Dy autorët janë identifikuar nga kamerat teksa vraponin pasi i kishin vënë flakën makinës së oficerit të patrullës R.Z., dyshohet për shkak të detyrës. 

S.G/G.K/Shqiptarja.com

TAG:
• Lezhe
• Klaudio Kovaçi
• Klaudio Gjokhilaj
• digjet makina