Lezhë- Policia e Lezhës lokalizon dhe arreston brenda 24 orëve autorin e dyshuar të plagosjes së mbrëmshme me armë zjarri në hyrje të qytetit.

Burime zyrtare konfirmuan sot (12 Shkurt) arrestimin e të kërkuarit Ledjon Ndoj, 23 vjeç.

I riu akuzohet se ka plagosur pas një sherri 29-vjeçarin Egzon Gegaj. 

Ndoj është mbyllur në ambientet e qelive të paraburgimit të Komisariatit Lezhë, në pritje të hetimeve të mëtejshme nga Prokuroria dhe masës së sigurisë në Gjykatë. 

Gegaj është qëlluar 3 herë, duke i shkaktuar një plagë në gjoks dhe një në shpatull.

Fillimisht, 29-vjeçari është dërguar i plagosur në spitalin e Lezhës nga një qytetar, por më pas është nisur me urgjencë drejt spitalit të Traumës në Tiranë, për shkak të gjendjes së rëndë, për ndihmë më të specializuar mjekësore.