LEZHË - Komisariati i Policisë së Lezhës filloi procedimin penal në gjendje të lirë ndaj një shtetase, banuese në fshatin Shtoj të rrethit të Shkodrës, pasi akuzohet për veprën penale të "Mbajtjes pa leje të armëve luftarake e municionit".
Burime zyrtare nga Drejtoria e Policisë së qarkut të Lezhës, bëjnë të ditur për ditur për ATSH-në se "D.Gj., 44 vjeç gjatë kontrollit nga shërbimet e Institucionit të Ekzekutimit të Vendimeve Penale (I.E.V.P) Shënkollë, Lezhë, në kohën që do të hynte për të takuar djalin e saj A.Gj., i janë gjetur brenda në batanije tre fishekë mod.54 kalibër 7.62 mm dhe një mod.56 kalibër 7.62 mm".
Materialet në fjalë iu kaluan Prokurorisë së Rrethit Gjyqesorë Lezhë, për hetime të mëtejshme./ATSH/