POP 5

Lajmet më të lexuara të 5 minutave të fundit

Politikë

Libri autobiografik/ Bamir Topi: 21 Janari, si më kërkuan Berisha e Basha të ndërhyja tek Kryeprokurorja

Rrëfimi i ish-Presidentit në librin me kujtime,‘Nocturn” (Kur arsyeja errësohet nga pushteti): “Luli më kërkoi në emër të Berishës të ndërhyrja tek Ina Rama që të tërhiqte urdhër-arrestet për zinxhirin komandues të Gardës, i thash Luli shiko letrat e tua”

Akuzojnë sot shumicën qeverisëse për gjithçka kanë bërë vetë kur ishin në pushtet. Ish-kryeministri Sali Berisha dhe Lulzim Basha, të cilët akuzojnë kryeministrin Edi Rama për kapjen e drejtësisë, janë përpjekur të ndikojnë në mënyrë të paligjshme tek drejtësia, përmes ish-presidentit Bamir Topi, për të mbyllur dosjen e 21 Janarit. Detajet e mënyrës se si Sali Berisha e shikon dhe e ka përdorur drejtësinë i rrëfen ish-Presidenti Bamir Topi, në librin e tij me kujtime, me titull ‘Nocturn” (Kur arsyeja errësohet nga pushteti).

Duke përdorur Lulzim Bashën si ndërmjetës, Sali Berisha, në 23 janar 2011, i ka kërkuar Bamir Topit, në atë kohë President, që të ndikonte tek Ina Rama, në atë kohë kryeprokurore, që të tërhiqte urdhër-arrestet për zinxhirin komandues të Gardës së Republikës. Arrestimi dhe zbërthimi i zinxhirit komandues të Gardës në Prokurori, mund të nxirrte zbuluar orkestruesit kryesorë të vrasjes së protestuesve dhe eliminimit të provave të krimit. Ndaj, mëngjesin e 23 janarit 2011, Lulzim Basha është shfaqur tejet i shqetësuar në shtëpinë e Bamir Topit, ndërsa i ka kërkuar në emër të Sali Berishës, që të ndërhynte tek Ina Rama që tërhiqej nga hetimi i paanshëm i vrasjet se këtë protestuesve të pafajshëm.

Po pse Berisha i ka kërkuar Topit të ndikonte tek Ina Rama? Dy janë arsyet. Së pari, Ina Rama, e quajtur fillimisht nga Berisha ‘Silvia Konti’, refuzonte t’u bindej urdhrave të Berishës dhe për pasojë u vu në shënjestër të sulmeve të tij, me epitete të rënda dhe akuza si puçiste. Së dyti, Bamir Topi si President ishte në atë kohë edhe kryetar i Këshillit të Lartë të Drejtësisë, duke pasur autoritet mbi drejtësinë. Ndërhyrja konfirmon edhe një herë se si Sali Berisha i ka parë presidentët e zgjedhur nga PD si një instrument për të kapur KLD dhe KLD për të kontrolluar gjyqësorin. Ndërkaq, kur Bamir Topi ka refuzuar kërkesën e Berishës për të ndërhyrë tek Ina Rama, Berisha ka rrethuar shtëpinë e tij me gardistë, njerëz të Shërbimit Informativ të Ushtrisë dhe persona të tjerë të besuar. Në të njëjtën kohë, Berisha me deklaratat e tij publike e ka futur Topin në grupin e puçistëve me Ina Ramën. Më vonë, Berisha ishte vendimtar për emërimin e Adriatik Llallës në vend të Ina Ramës dhe të Bujar Nishanit në vend të Bamir Topit. Ndërkaq, prej pesë vitesh, si Berisha, ashtu edhe Basha, ankohen se shumica në pushtet po kap drejtësinë.  

Basha në shtëpinë e Bamir Topit
Në librin e tij, Bamir Topi, rrëfen se si Basha u shfaq në shtëpinë e tij mëngjesin e 23 janarit 2011, dy ditë pas vrasjeve në bulevard. “Të nesërmen, më datë 23 janar, ditë e diel, herët në mëngjes mora një telefonatë nga Lulzim Basha, ministër i Brendshëm dhe pas përshëndetjes së rastit kërkoi të më takojë. Rreth orës nëntë të atij mëngjesi e prita Lulin në zyrë të improvizuar në banesën time. Ishte i shqetësuar, nuk e fshinte dot gjendjen e tij dhe ndërrimin e kursit të ngjarjeve.

–Mirëmëngjesi, mirë se erdhe! –hapa bisedën.
–Mirëmëngjesi! Ndoshta herët se është dhe e diel! –më tha.
–Jo, i thash. Jam pothuajse pa gjumë gjithë natën duke ndjekur ç’po ndodh. Meqenëse jemi këtu, ç’po ndodh në këndvështrimin tënd në marrëdhëniet me prokurorinë? – vazhdova bisedën. Pas një hezitimi të shkurtër më thotë: “Në fakt për këtë çështje erdha të bisedoj! Ne jemi të shqetësuar për urdhërndalimet e zinxhirit komandues të Gardës”! Ai jo vetëm kishte ardhur me urdhrin e Saliut, por po përsëriste besnikërisht të njëjtat fjalë që shefi i tij i kishte thënë publikisht një ditë më parë. -Erdha të them edhe në emër të kryeministrit të ndërhyni të Prokurorja e Përgjithshme për t’u tërhequr nga kjo iniciativë! – tha Luli duke mbyllur kërkesën e tij”, rrëfen Topi.

Përgjigja e Topit
Ish-kreu i shtetit shkruan se jo vetëm e ka refuzuar këtë kërkesë të Lulzim Bashës për të ndërhyrë tek Ina Rama, por shton se i ka dhënë edhe një këshillë Bashës. “Kjo ishte sipas meje çasti që do të kuptohej nëse presidenti merrte pozicion në favor të qeverisë apo të kryetarit të shtetit, ku shërbimi i tij duhet të jetë kushtetues dhe jo arbitrar. Tashmë gjithçka ishte e qartë dhe vendosmëria për të mbështetur prokurorinë ishte e palëkundur. -Dëgjo, Luli! Besoj se biem dakord që ka ndodhur një ngjarje e përmasave tragjike, me implikime të rënda të politikës dhe shtetit. Unë jam kryetar shteti dhe interesi është që me qetësi të vendosemi të zbulojmë shkaktarët, duke filluar me politikanët, demostruesit, policët, gardistët e kushdo qoftë pas tyre. Unë nuk mund të marr përgjegjësi historike për të devijuar të vërtetën. I kam dhënë besimin kryeprokurores në një takim të zhvilluar dje, nga ku rezulton se qeveria dhe garda apo policia nuk po bashkëpunojnë për mbledhjen e provave dhe hetimin. Në fund, para se të ndaheshim, duke dashur të ruaj një komunikim me njerëzor, ndoshta i dhashë një këshillë të panevojshme. –Shiko letrat e tua nëse i ke në rregull se kjo punë parashikoj se do të shkojë jo mirë”, shkruan Topi.

Berisha nisi sulmet pas refuzimit të kërkesës
Sali Berisha ka nisur sulmet ndaj Bamir Topit, pasi ky i fundit kishte refuzuar kërkesën e tij, për të ndërhyrë tek Ina Rama, për dosjen e 21 Janarit. “Të dielën në mbrëmje ai (Berisha) mblodhi Parlamentin, ku deputetët besnikë të Sali Berishës bërtisnin për grusht shteti. Dita iku shpejt dhe lufta mediatike ishte vendosur në gojë të gazetarëve apo analistëve, të cilët ishin pozicionuar në llogoret e palëve. Ndërkohë unë isha në kontakt me miqtë në ndërkombëtarë te të cilët ndihej shqetësimi në rritje. Nuk kishte ndodhur kurrë më parë, që kryeministri, veç opozitës, ishte futur në konflikt me shtetin dhe përfaqësuesit e tij. Në mbledhjen e qeverisë, djallëzia e Berishës kishte arritur kulmin. Ai foli këtu për sever të paprishur të Kryeministrisë, që ta ketë si alibi se kishte dijeni për këtë gjë, duke ia hedhur fajin Gjergj Lezhjes, sekretar i Përgjithshëm i Kryeministrisë. Në fakt severi ishte fshirë natën e 21 janarit, ku Berisha ishte fshehësi si së vërtetës së hidhur që do të tregonte se çfarë ndodhi brenda zyrave të tij, çfarë urdhrash u dhanë dhe kush ishte atë ditë atje”, shkruan Topi.

Berisha i rrethon shtëpinë
Pas akuzave, Berisha rrethoi shtëpinë e Bamir Topit me njerëzit e tij, në kuadër të sulmeve dhe hakmarrjes pas refuzimit për të ndërhyrë tek drejtësia. “Nuk kishin kaluar disa minuta kur më telefonojnë me radhë Sali Shehu, Sami Gjergji, Aleksandër Biberaj, duke kërkuar takim për t’u konsultuar për situatën së bashku me Bensik Mustafajin. Pa kaluar 30 minuta nga fjalimi kërcënues i Sali Berishës në, banesa ima ishte blinduar me oficerë të Gardës, njerëz të SHIU dhe besnikë të Sali Berishës. Kryetari i shtetit ndihej i rrethuar dhe gati-gati si në arrest shtëpie. Thërrita shoferin tim, Kujtimin, një mikun tim dhe të familjes, njeri besnik, duke i thënë se si ishte situata rreth e qark shtëpisë. Shkova, u vesha sportiv dhe u futa në makinë i ulur mbrapa. Makina po dilte nga rruga e shtëpisë sime duke shkaktuar lëvizje e dyshime tek rojet e shumtë që raportonin direkt tek eprorët e tyre, të cilët duhet të ishin ndalur për përfshirje në ngjarjet e dy ditëve më parë. Përfytyrohet që siguria e jetës sime ishte tashmë në duart e miqve të kryeministrit... Makina kaloi postbllokun kryesor dhe u fut në rrugicat plotësisht në errësirë dhe pas dy manovrimeve në zonën e Kinostudios u kthye për të marrë rrugën e Dajtit, duke u siguruar se askush nuk kishte mundur të na ndiqte....Kujt mund t’i shkonte në imagjinatë që kreu i shtetit po udhëtonte në ato kushte në errësirë e në një natë të ftohtë dimri, me erë dhe pa hënë”.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • $$$$$: 12/05/2019 06:07

    Ne te gjith historin e shqiperise bamir topi eshte nje ndyresire politikan dhe maskara njeriu me i urryer ne politike.

    Përgjigju
  • Nostradini: 12/05/2019 01:24

    Ik ore mashtrus se ti ja ke fut vllajt tat I ke marr tokat, Pse nuk denoncove kur ishe ne detyr po tashi Si perfundove Si lyps ke hall me shit noj liber me rrena .

    Përgjigju
  • Floku ballaboks: 12/05/2019 01:05

    Respekte per Flamur Topin kurse ky tjetri eshte skrap

    Përgjigju
    • $$$$: 12/05/2019 06:08

      Respekti sateme bamir seshte vec nje maskara dhe palaco

  • Zjarri: 11/05/2019 18:03

    Po per leket qe thinin se merrjeper emerime bashke me kreshnik spahiun ke shkruar gje, apo per dekretet e anetarebe te gjykates se larte

    Përgjigju
  • kastrioti: 11/05/2019 16:22

    respekte pere Bamirin

    Përgjigju
  • xxx: 11/05/2019 15:55

    Shkruj edhe ndonje fakt nga emerimet ne drejtesi gjyqesor apo prokurori sa ishte tarifa per nje emerim qe beje ?

    Përgjigju
    • Tyçi: 11/05/2019 16:54

      Edhe shumica këta fundërrina që vazhdojnë e marrin ryshfet akoma pa i hyrë gjemb në këmbë

  • Luti: 11/05/2019 15:54

    Z topi cfardo te besh je politikan qe ke perfunduar ne kosh te plehrave

    Përgjigju
  • azgani: 11/05/2019 14:33

    me fito leke--thjeshte-brawo-

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34