Lindita Nikolla, përshëndet vogëlushët në Ditën Botërore të Fëmijëve: Ligjet më të mira për ta janë prioritet i Kuvendit

Kryetarja e Kuvendit, Lindita Nikolla ka përshëndetur festën e Ditës Botërore të Fëmijëve. Ajo shkruan se ligjet më të mira për ta janë prioritet i Kuvendit të Shqipërisë. 

“Me rastin e Ditës Botërore të Fëmijëve, si nënë, mësuese, deputete dhe Kryetare e Kuvendit, përshëndes të gjithë fëmijët shqiptarë. 1 Qershori është një festë njerëzore dhe familjare, që bën thirrje për reflektim për të gjithë ne, prindët, mësuesit, ligjvënësit dhe komunitetet.  Për t’u dhënë fëmijëve dashuri e mbështetje të pakufishme e të pakushtëzuar, mirëqenie e mbrojtje të garantuar, arsimim cilësor, t’i mësojmë të dallojnë të mirën nga e keqja, dashurinë nga urrejtja. Ligjet më të mira për fëmijët janë e do të jenë prioritet i Kuvendit të Shqipërisë.”, shkruan Kryetarja e Kuvendit. Nikolla.

LEXO EDHE:
1 qershori ‘i munguar’ i Deborës, 12-vjeçarja shet bizhu të bëra vetë në Instagram e në terren: E siguroj vetë jetesën dhe jam nxënëse ekselente

Lajmi kryesor:

Sot 1 qershori, dita ndërkombëtare e fëmijëve, vogëlushët në festë! Rama dhe Begaj: Gëzuar

G.MO/Shqiptarja.com

TAG:
• 1 Qershori