POP 5

Lajmet më të lexuara të 5 minutave të fundit

Dosje

Liri Belishova: Ja ç’di për Mehmet 
Shehun, Nexhmijen e Ramiz Alinë

Një rrëfim i verës së 2011 për albanologun Robert Elsie, ku Liri Belishova zbulon shumë anë të errëta në rangjet udhëheqëse të Partisë Komuniste dhe mënyrës si udhëhiqte Hoxha gjatë luftës dhe mënjehrë pas saj, lidhjen e saj me Partinë Komuniste, zhgënjimet që pësoi gjatë viteve të regjimit, dhe kujtimet për shumë personazhe komunistë të njohur e të shumëdiskutuar, si Mehmet Shehu, Koçi Xoxe, Nako Spiro, Nexhmije Hoxha, Ramiz Alia, apo opozitarë si Kostë Boshnjaku, Musine Kokalari, etj...
Liri Belishova: Ja ç’di për Mehmet <br />Shehun, Nexhmijen e Ramiz Alinë
TIRANE - Mehmet Shehu ishte stalinist i bindur. Enver Hoxha ishte njeri tjetër. U lidh me komunistët dhe vendosi të bënte karrierë. Po të ishte lidhur me social-demokratët apo edhe me fashistët, prapë qëllimi kryesor do të kishte qenë karriera e tij. Ai njeri çdo gjë ia ka nënshtruar karrierës. Nuk ka parë cila është e drejta, por cila është ajo që do t’i shërbente atij. Ai e identifikonte kolltukun e tij diktatorial, interesat e tij personale me socializmin, me Partinë.

Ama, në esencë ishte kjo. Kurse Mehmet Shehu (unë zemrën s’ia kam çarë, kur i thonë), përshtypja ime ishte se ai ishte një stalinist idealist dhe thoshte se besonte te diktatura, te revolucioni, te Partia Bolshevike, te lufta e klasave, te socializmi, te këto gjëra. Por, Mehmet Shehu në krahasim me Enver Hoxhën ka disa anë pozitive. E para, që ai njeri ka qenë i sinqertë, d.m.th. ai, siç thashë, se lidhet me këtë gjë, vepronte kështu se kështu mendonte, kurse Enver Hoxha ishte që e kthente pllakën nga të duash.

U lidh me jugosllavët deri në atë pikë sa kërkoi bashkimin e Shqipërisë me Jugosllavinë, dëbimin e specialistëve sovjetikë nga Shqipëria që të mbeteshin vetëm jugosllavët dhe pastaj, menjëherë kur erdhën letrat e Stalinit, tha se “unë i kam bërë këto se kam qenë i imponuar nga Koçi Xoxe” dhe e hëngri të tërë Koçi Xoxe. Mehmet Shehu kështu nuk bënte. Mehmet Shehu ka qenë kundër ndërhyrjes jugosllave. E mbaj mend shumë mirë se atëherë merrja pjesë edhe unë në mbledhjet e Byrosë, kur ishte Nako Spiru gjallë dhe shtronte kontradiktat që kishin në fushën ekonomike.

 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04