Aksioni për lirimin e hapësirave publike në Orikum ka hyrë në një fazë kyçe dhe, sipas qeverisë, po i hap rrugë realizimit të plotë të projektit Lungomare 3 në vijën bregdetare të Vlorës.

Kryeministri Edi Rama publikoi sot në rrjetet sociale pamje nga ndërhyrja e IKMT-së, ndërsa e cilësoi këtë proces si një hap të rëndësishëm për transformimin e zonës.

“Mbyllet lirimi i hapësirave publike, që i hap rrugë realizimit të plotë të projektit Lungomare 3 Vlorë-Radhimë-Orikum, i cili po e transformon vijën bregdetare në atë zonë”, u shpreh Rama.

Gjatë ditës së sotme, IKMT po vijon prishjen e 18 objekteve pa leje në Orikum. Sipas të dhënave, bëhet fjalë për ndërtime me konstruksion betonarme me sipërfaqe totale rreth 480 metra katrorë, ndërtime druri me sipërfaqe 450 metra katrorë, si edhe tenda me konstruksione metalike.

Projekti Orikum-Lungomare 3, që përfshin edhe bajpasin mbi kodrat e aksit Vlorë-Orikum, pritet t’i japë një tjetër frymëmarrje qytetit dhe të zgjerojë hapësirën e zhvillimit turistik në këtë pjesë të bregdetit.

Sipas qeverisë, ky investim strategjik krijon kushtet edhe për vijimin me Lungomare 4 në zonën e Orikumit, me synimin që Vlora të kthehet në qytetin bregdetar me shëtitoren më të gjatë në Mesdhe.

Lungomare 3 pritet t’u shërbejë jo vetëm banorëve të zonës, por edhe turistëve vendas e të huaj që zgjedhin çdo vit Rivierën Shqiptare.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera