Një tjetër gjyqtare është vënë në shënjestrën e Inspektorit të Lartë të Drejtësisë. Pas vendimit nga KLGJ për shkarkimin e Markelian Kuqos, ILD kërkon shkarkimin e gjyqtares Enkelejda Hoxha. Gazetari Arsen Rusta raporton se gjyqtarja ka qenë në hetim që prej qershorit të kaluar, pasi ka liruar disa të dënuar përjetë.
Hetimi ka përfunduar dhe raporti me shkelje të argumentuara disiplinore i është dërguar KLGJ, bashkë me kërkesën për shkarkimin e gjyqtares nga detyra për shkelje të rënda profesionale që diskretitojnë pozitën dhe figurën e gjyqtarit gjatë ushtrimit të detyrës.
Veprimet dhe sjelljet e magjistrales përbëjnë shkelje disiplinore që kanë sjellë përfitim të padrejtë për palët në një proces gjyqësor në kundërshtim me ligjin. 6 vendime të dhëna prej gjyqtares në harkun kohor nga maj 2017- shkurt 2019, përbëjnë akte që diskreditojnë pozitën dhe figurën e gjyqtarit.
Një vendim i tillë erdhi në atë periudhë si rezultat i ankesës së bërë nga Ministria e Drejtësisë për lirimin e shumë personave të dënuar me burg për jetë, mes tyre dhe Endrit Doklen, ish-numri dy i bandës së Durrësit.
Kush është Enkelejda Hoxha? Emri i gjyqtares së Krujës Enkeleida Hoxha tashmë lidhet me lirimin nga burgu të disa të dënuarve, përmes vendimeve të dyshimta, para se ajo të përballej me Vetingun. Enkeleida Hoxha u ka hapur dyert e burgut ish-numrit dy të bandës së Durrësit Endrit Dokle, duke i shuar dënimin përjetë, Genc Tafilit, i dënuar për vrasjen e komisarit të Policisë Arben Zylyftari si dhe Ilir Pajës, të cilit i kishte mbetur mbi një vit dënim. Shqiptarja.com ka sjellë në vëmendje ekskluzivisht historinë e 15 gjyqeve, se si Endrit Dokle përdori gjyqtaren e Krujës, me pasurinë e pazakontë, për të fituar lirinë. Në një dalje të veçantë për mediat, lirimin e Dolkes, ministrja Etilda Gjonaj, e cilësoi një kambanë alarmi për drejtësinë. Ministrja deklaroi se ka kërkuar pezullimin e gjyqtares Enkeleda Hoxha, si edhe ka kërkuar prokurorisë ndjekje penale për të.
Lajme të tjera
-
ILD kërkon shkarkimin e gjyqtarit të Gjykatës Administrative në Lushnje, Ken Dhima! Vonoi zbardhjen e 32 dosjeve në 6 muaj
26 Dhjetor 2023, 12:38 -
“Ligjet” shtojnë fondet e institucioneve të drejtësisë, Bushka: Ky buxhet i pagave, pa shpenzime luksi për makina
24 Nëntor 2023, 17:45
-
Qytetarët bënë 2104 ankesa për gjyqtarët, ILD propozoi 3 shkarkime, 5 ulje page dhe 1 vërejtje publike
20 Nëntor 2023, 13:55 -
Vonesa në zbardhjen e vendimeve, ILD heton 3 gjyqtarë! 2 magjistratë zbardhën vendimet me 107 dhe 120 ditë vonesë! Hetimi: Një prej tyre s’i dorëzonte fare vendime
6 Tetor 2023, 17:16 -
Mero Baze: Armiqtë e rinj të Berishës për inceneratorët
5 Gusht 2023, 19:35
-
Berisha i përgjigjet Metanit: Jep dorëheqjen, je i përfshirë tek inceneratorët
5 Gusht 2023, 17:59 -
Metani i përgjigjet Berishës: Nëse ke akuza shko në Prokurori, s'më bën dot presion
5 Gusht 2023, 15:06 -
ILD përfundon verifikimin sesi u lirua vrasësi serial Dan Hutra para masakrës të 1 marsit: Gjykatësi ka vepruar në përputhje me ligjin
16 Maj 2023, 09:20 -
ILD përfundon hetimet për 2 gjyqtarë, zvarritën çështjet, kërkohet ulje me 40% e pagës për Bujar Mustën! Vetëm ‘vërejtje’ për Ramazan Avdiun
11 Maj 2023, 11:08 -
Akuzat e politikës për magjistratët/ Metani në ‘Kontrast’: Drejtësia nuk bëhet me deklarata! Drejtohuni ILD
16 Janar 2023, 19:39 -
Liroi të dënuarin me burgim të përjetshëm, KPA nxjerr përfundimisht nga sistemi i drejtësisë gjyqtarin Markelian Kuqo
6 Janar 2023, 22:29 -
Mbrojti HEC-et e Bashkim Ulajt në Valbonë, kërkohet ndëshkimi i gjyqtarit Sami Ujkashi, i dha para me fajde edhe babait të tij
4 Dhjetor 2022, 09:28
