Partia Socialiste ka prezantuar listat e kandidatëve me të cilët do të konkurrojë në 25 Prill dhe Edi Rama ka zbuluar të disatën lëvizje të tij të befasishme. Në krye të listave të çdo qarku, ai nuk vendosi njerëzit e fortë të partisë, por figurat e reja, domethënë kandidatët më të dobët që në këtë mënyrë me siguri do të fitojnë një vend në parlament. Për ministrat, deputetët në detyrë dhe për veten e tij, Edi Rama ka zgjedhur pozicionin më të rrezikshëm në listë, atë që shënon kufirin midis fitores dhe humbjes socialiste. Duke vendosur veten në kufirin e të ashtuquajturës zonë e mbrojtur e listave, Rama ka vendosur kështu të bëjë një sfidë ndaj vetes dhe të gjithë njerëzve të tij në qeveri: kush nuk është në gjendje të japë kontributin e nevojshëm për partinë për sa i përket votave për të arritur shumicën absolute (të cilën ai, duke ekzagjeruar, e llogarit të paktën në 78 mandate), nuk do të zgjidhet as deputet.
Rezultati i këtij revolucioni strategjik është që Edi Rama, në garën për mandatin e tretë, po ndryshon një pjesë të madhe të grupit të tij parlamentar, duke ofruar një frymë të freskët në parti, gjë që do t'i kishte takuar Lulzim Bashës për ta propozuar. Ndryshe nga Rama, në fakt, lideri i opozitës ka zgjedhur metodën e vjetër '' Berisha '', duke rezervuar vende të sigurta në listë për vete dhe për baronët e PD-së, Basha ka përsëritur të njëjtin model të ndjekur në zgjedhjet e vitit 2017, duke mos mundur të prodhojë qoftë edhe një risi të vetme. Vetëm emra të vjetër, duke filluar nga Sali Berisha që pas 30 vitesh në politikë, ka pretenduar prapë një vend të sigurt në listë në Tiranë.Premtimet e ndryshimit, madje të përfshira në emër të koalicionit të tij, janë tradhtuar edhe këtë herë. Asnjë ndryshim as në listat e LSI. E vetmja risi, si për të thënë, është Monika Kryemadhi. Pjesa tjetër e listës përbëhet nga emrat e zakonshëm nga Petrit Vasili e poshtë.
Zgjedhja e Luljeta Bozos ose Najada Çomos (që futi në panik opozitën) ishin vetëm shenja e parë e një plani shumë më të gjerë rinovimi dhe që sot Edi Rama e ka zbuluar duke prezantuar listat e të gjitha qarqeve. Emra të rinj kryesojnë listën për të cilën fitorja është e garantuar, ndërsa socialistët e vjetër do të duhet të djersitin gjatë fushatës. U kuptua që Rama po përgatiste disa nga lëvizjet e tij të befasishme pas nismës "deputeti që duam", një konkurs në internet për të hapur dyert për propozimet e reja, duke zgjedhur kështu një listë të të rinjve të interesuar për të hyrë në politikë dhe për t’u regjistruar në radhët e Partisë Socialiste. Rama i ka hapur rrugën sot një vendi të sigurt në parlamentin e ri
Lulzim Basha nuk e kuptoi lëvizjen e kryeministrit dhe ai ndoqi rrugën e kundërt, duke shpikur nismën e çuditshme '' deputeti që nuk duam '': duke ftuar bazën të votojë kandidatin më të keq dhe jo atë më të mirë, ai ka shkaktuar pakënaqësi, urrejtje personale dhe largime nga partia, në vend që të motivonte të gjithë drejt fitores. Me kalimin e kohës u pa që Komisioni i Përzgjedhjes ishte thjesht tym në sy, dhe kështu, në fund, listat e lindura nga kjo procedurë e ngatërruar janë të njëjtat me ato të hartuara për vite në zyrën e Sali Berishës dhe në të tijat, duke mbyllur dyert për çdo emër të ri. Edhe Sali Berisha në 2005 bëri sikur e rinovoi imazhin e partisë përmes KOP, për të dëbuar më pas të gjithë intelektualët që naivisht e besuan atë. I vetmi ndryshim, kësaj here, është se krahas baronëve më të vjetër të PD, Lulzim Basha duhej të rezervonte një vend të sigurt në listë edhe për baronët e partive aleate, të gjithë emra të sterkonsumuar në politikë gjatë 25 viteve të fundit që do të transformojnë grupin e tij parlamentar në panteonin e një partie të mbaruar.
Por sfida e vërtetë dhe padeklaruar e hedhur nga Edi Rama për 25 prillin është të rinovojë partinë duke qëndruar në pushtet. Atë që Berisha dhe Basha nuk ishin të zotët ta bënin në 2013 dhe as guxuan ta bëjnë në 2017. Një gabim që po e përsërisin edhe për zgjedhjet e 2021, kur ëndërrojnë të kthehen në pushtet, pa ndryshuar asgjë.
Komente
Lajme të tjera
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Berisha në sulm: Bollino është anëtar i organizatës kriminale të SPAK! Bollino i përgjigjet: E vlerësoj, por jam thjesht një gazetar i fakteve!
18 Shtator, 17:17 -
Carlo Bollino: ''Vakëf'' dhe ''VKM e personalizuar'', Berisha dhe dhëndri do të përgjigjen penalisht për shpifjet e presionet ndaj meje!
11 Shtator, 21:09
-
Carlo Bollino: Opozita në duart e Berishës dhe rrjeta e merimangës që po e çon drejt humbjes së dhjetë
9 Shtator, 19:07
-
Në Bunk’Art2 hapet 'Dhoma e Manipulimeve': Për herë të parë tregohet lidhja mes iluzioneve optike dhe propagandës komuniste
5 Gusht, 16:08 -
Carlo Bollino: Mbyllja e “Gazetës Shqiptare”, pak hipokrizi, por shumë histori e vlera ikin me të
1 Gusht, 20:01
-
Carlo Bollino: Nga Franca paralajmërim për Berishën, populli mund të bashkohet kundër opozitës kur e konsideron më të rrezikshme se qeverinë
9 Korrik, 13:16
-
Carlo Bollino: Onkologjiku një akuzë për të gjithë, por dhe detyrim për ndryshim!
27 Qershor, 18:27
Perfekt dhe kuptimplote.
PërgjigjuSi githmone ke te drejte o Bos
Përgjigju