Liverpool “ngrin” Barcelonën:
Kutinjo nuk është në shitje

Filipe Kutinjo nuk është në shitje. Liverpool nëpërmjet një qëndrimi zyrtar i jep fund dilemës për të ardhmen e brazilianit që kërkohej me ngulm nga Barcelona për të zëvendësuar Neymar.

Skuadra angleze i mbyll dyert Barcelonës që ishte gati të paguante me shumë se 100 milion euro për Kutinjon.Nëpërmjet një komunikate zyrtare Liverpool shpjegon shumë qartë se braziliani Kutinjo nuk do të shitet.

“Duam ta bëjmë të qartë të ardhmen e Filipe Kutinjos.Pozicioni përfundimtar i klubit është se nuk do të marrim në konsideratë asnjë ofertë për Kutinjon.Lojtari do të mbetet tek Liverpool edhe kur merkato të ketë mbaruar” thuhet në njoftimin e skuadrës angleze.

Ndërkaq mediat bëjnë me dije se futbollisti dëshiron të transferohet tek Barcelona dhe i ka kërkuar klubit leje kalimin.

Redaksia Online
D.T/Shqiptarja.com