POP 5

Lajmet më të lexuara të 5 minutave të fundit

Sport

Liverpool luftë pë Champions, Chelsea mposht edhe Manchester City-n! Bayern feston duke shkatërruar Gladbach (VIDEO)

Liverpool do jetë në garë për një vend në Champions League deri në fund të Premier League. Skuadra e Kloop mposhti 2-0 Southampton për llogari të javës 35, ndërsa supersfida mes Manchester City-t dhe Chelsea është mbyllur me fitoren e londinezëve.

Liverpool ka marrë një fitore shumë të rëndësishme në luftën për të siguruar një vend në Champions League pasi ka mposhtur 2-0 Southampton. Skuadra e drejtuar nga Kloop në ‘Anfield’ ai doli falë golit të Mane-s në pjesën e parë dhe Alcantara-s në fundin e kohës së rregullt. Me këtë fitore Liverpool vijon në vendin e 6 me 6 pikë më pak se Leicester që është i fundit që shkon në zonën Champions, por ‘the reds’ kanë një ndeshje më pak se rivalët.

Sakaq po në javën e 35 të Premier League Chelsea ka mposhtur 1-2 me përmbysje Manchester City-n e vendit të parë, që sot gjithsesi mund të shpallet kampion nëse nuk Manchester United nuk fiton kundër Aston Villa-s. Gjithsesi kjo fitore e londinezëve tregon edhe njëherë formën e mirë të ekipit pasi siguroi finalen e Champions League. Golat e ndeshjes u realizuan fillimisht nga Stërling për Manchester City-n, ndërsa për skuadrën e Tuchel Ziyech barazoi para se Alonso në përmbyste në ekstrem.

Ndërkohë në Gjermani Bayern Mynchen e ka festuar titullin kampion duke shkatërruar 6-0 Monchengladbach. Skuadra e Flick është treguar e papërmbajtshme duke realizuar me Leëandoëski ‘tripletë’, Myller, Coman dhe Sane.

Të njëjtën gjë si Bayern ka bërë edhe Inter në Seria A, që titullin e ka fituar duke shpërtalluar 5-1 Sampdorian. Serinë e golave e nisi Gagliardini, më tej Sanchez realizoi ‘dopietë’, ndërsa nga një herë rrugën e rrjetës e gjetën Pinamonti dhe Martinez.

Sakaq në Seria A Lazio ka humbur shansin për të luftuar për një vend në Champions League sezonin e ardhshëm, pasi është mposhtur 2-0 nga Fiorentina. Golat në këtë sfidë u realizuan nga Vlahovic.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

18 Nëntor, 08:05 nga Gianluca Di Feo*