Londër, ‘Parlamenti i Zhdukur’ me shimpanze i Banksy-t,  shitet për 11.1 milion euro

Një pikturë e Banksy-t, është shitur në ankandin e Sotheby, në Londër, për 11.1 milion euro, një shifër rekord për artistin britanik, i njohur për muraturat e tij provokuese në rrugë.

Është "Parlamenti i Zhdukur", i cili trajton me një stil akademik, Dhomën e Komunave të Westminster-it, në të cilën deputetët janë të gjithë shimpanze.

Rekordi i mëparshëm i ankandit të pikturave për një vepër të Banksy i përkiste "Keep it Spotless", e cila në vitin 2008, në ankandin e Sotheby's në New York u shit për 1.8 milion dollarë.

Çmimi fillestar për pikturën u vendos të ishte 1.5-2 milion paund, por me rritjen e interesimit, madje edhe në internet, ajo kapi shifrën rekord 11.1 milion euro.

"Sot bëmë histori", komentoi përgjegjësi i shitjeve në fund të ankandit.

Piktura, pothuajse katër metra e gjysmë e gjerë dhe dy metra e gjysmë e lartë, përshkruan një parlament majmunësh, me titullin "Parlamenti i Zhdukur", që duket se godet veprimin e fundit të Kryeministrit Britanik Boris Johnson për të shpërndarë parlamentin.

TAG:
• Londër
• Banksy
• banksy devolved parliament
• Ankandi Sotheby