POP 5

Lajmet më të lexuara të 5 minutave të fundit

Opinion

LSI-ja mund të ringrihet po denoncoi 2008!

Është e vërtetë që LSI është ngritur që nga themelimin i saj dhe pika e saj e kthesës ishte pak muaj pasi hyri viti 2009, kohë kur LSI-ja përfitoi pikërisht nga ajo që kishte anatemuar më shumë.
LSI-ja mund të ringrihet po denoncoi 2008!

Monika Kryemadhi

Goditja që ka marrë LSI-ja, paçka rezultateve të zgjedhjeve të fundit, është goditje në bosht. Është e vërtetë që LSI është ngritur që nga themelimin i saj dhe pika e saj e kthesës ishte pak muaj pasi hyri viti 2009, kohë kur LSI-ja përfitoi pikërisht nga ajo që kishte anatemuar më shumë. Më 2008 në kohën kur dy partitë e mëdha bën flirtin për ndryshimin e Reformës Zgjedhore, akt që po e rëndon edhe sot politikën shqiptare, ishte LSI-ja, që me shumë konsekuencë luftoi për denoncimin e saj. Ishte ky momenti, kur kjo parti do të ngjitej pa fund në skakierën e politikës shqiptare. Paradoksalisht, ai sistem që e kishte nxjerrë teorikisht nga loja, fatmirësisht e ndihu që me ndihmën e vetëm katër votave, kjo forcë e vogël, të dominonte në skenën politike shqiptare.

Ajo zuri mesin e artë nga ku mund të ndikonte direkt në politikën shqiptare dhe madje të mendonte dhe për fuqizimin e saj në kurriz të atyre që e kishin përbuzur. LSI-në e shfrytëzoi këtë sistem, që fillimisht e anatemoi, dhe atë që bëri duke u bashkuar me PD-në më 2009, e përsëriti pa skrupuj pas pak vitesh me PS-në, në një lidhje që për hir të së vërtetës i shërbeu vendit, sepse u ndërmorën shumë reforma. Realisht reformat përmbanin në thelb fuqinë e votës së masës së PS-së dhe peshën artificiale të numrave të LSI-së, që moralisht ishte bjerrur nga qeverisja e gjatë me PD-në. Krisja kish filluar sepse pozicioni i kësaj partie nuk ishte real. Në të dy qeverisjet, paçka shumë dikastereve që mbajti, LSI-ja do të mbahet mënd më shumë si një parti e favoreve dhe tarafeve. Kjo i bën të dy partitë e mëdha që të mos u vinte keq kur e lanë pas dere në marrëveshjen e tyre të pak muajve më parë dhe që sot pothuaj nuk e llogarisin, paçka se lidërshipi i saj po shikon me kujdes trandjet e PD-së nga njëra anë dhe të çarat nga mund të futet në ndërtesën e PS-së për të qëndruar në strehën e saj.

LSI-së, sot, i mbetet një rrugë pas humbjes së krejt fizionomisë së saj. Me ato që kanë ndodhur, dhe me zbehjen e fuqisë së liderave të saj tashmë i duhet të fillojë atje ku nisi ngjitjen, që është denoncimi i ashpër i këtij sistemi zgjedhor, mu këtij që e denoncoi dikur dhe që e mbajti paradoksalisht në këmbë. Kjo forcë politike duhet të denoncojë dhe të luftojë për ndryshimin e sistemit zgjedhor për të krijuar një mundësi që të ketë garë dhe për forca të tjera politike në vend. Ky hap mund të kurojë imazhin e saj të drobitur dhe fjalët e tepërta dhe shpesh pa sens të njerëzve të saj. LSI-ja duhet t’i kthehet racionalizmit politik dhe jo interesit të ngushtë me të cilën u familjarizua për fatin e saj të keq në vitet e fundit. Është një ndërmarrje e vështirë porse në thelb mund të kurojë atë pak gjë që ka mbetur nga partia, që shërbeu si patericë në dy legjislatura për dy forcat që e dominojnë politikën shqiptare. (Javanews)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • raul: 24/08/2018 07:46

    ka mbaruar koha kur me 4 deputete gjysem te vjedhur me gjela deti mori gjysmen e qeverise leshelija , kjo force politike tejet e urryer ne popull per korin e sharebajgave qe ka sjelle ne parlamnet dhe per nivelin e larte te korrupsionit qe demonstruan drejtoret e leshit dhise,,,

    Përgjigju
  • Timi: 23/08/2018 00:54

    LSI me 4 deputetw u be zoje e rende. Pastaj me.mbi nje duzine filloi tw beje ligjin. Ashtu si partite e mwdha, nuk perfaqeson asnje shtrese konkretw,ndaj ringritja behet vetem duke mbrojt disa segmente te shoqoerise si fasonet biznesi i vogel etj. Me llafe teorike nuk shkon gjekundi se nuk e lene videot qe dolwn

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu