Rusia godet bazën ushtarake në kufirin polak, 35 të vdekur! Shpresë për progres në negociatat Moskë-Kiev më 14-15 mars! Burimet amerikane: Rusia i kërkon Kinës ndihmë ushtarake

Këshilltari amerikan i Sigurisë Kombëtare Jake Sullivan do të takohet të hënën në Romë me kryediplomatin kinez Yang Jiechi për të diskutuar rreth sulmit të Rusisë ndaj Ukrainës dhe ndikimit të tij në sigurinë rajonale dhe globale. Takimi kishte qenë i planifikuar prej kohësh, si pjesë e një përpjekjeje më të gjerë nga Uashingtoni dhe Pekini për të mbajtur kanale të hapura komunikimi dhe për të menaxhuar çështjet tregtare, por ai shtoi se lufta në Ukrainë do të ishte një temë e rëndësishme.

“Ky takim po zhvillohet në kontekstin e një lufte të pajustifikuar e brutale të Rusisë kundër Ukrainës dhe ndërsa Kina është rreshtuar me Rusinë për të avancuar vizionin e saj për rendin botëror. Ndaj pres që ata të diskutojnë mbi ndikimin e luftës së Rusisë ndaj sigurisë rajonale dhe globale”, tha i njëjti burim.

Uashingtoni i ka bërë thirrje Kinës, vendeve të Gjirit apo edhe atyre që nuk e kanë dënuar sulmin rus të bëhen pjesë e masave për izolimin e Rusisë nga ekonomia globale.Pekini, një partner kryesor tregtar i Rusisë, shprehu shqetësimin për ndikimin e sanksioneve në financat globale, furnizimin me energji, transportin dhe zinxhirët e furnizimit, mes shenjave në rritje se sanksionet perëndimore po e kufizojnë aftësinë e Kinës për të blerë naftë ruse.

Nga ana tjetwr Rusia tha se po mbështetej te Kina për ta ndihmuar atë të përballonte goditjen ndaj ekonomisë së saj nga sanksionet e vendeve Perëndimore, por Shtetet e Bashkuara paralajmëruan Pekinin që të mos e sigurojë atë shpëtim.

Zëvendësministri i Jashtëm i Polonisë Marcin Przydacz tha se sulmi rus pranë kufirit pola ishte shumë provokues.

Sulmi u zhvillua në bazën ushtarake në Yavoriv, vetëm 15 milje nga kufiri me Poloninë, ku mbetën të vrarë 35 persona.

“Këtë hap të ndërmarrë nga Rusia ne e konsiderojmë po aq provokues sa është aq afër kufijve tanë.”, shprehen zv. ministri.

Ai tha se vendi ku ndodhi sulmi është edhe pranë një korridori humanitar, ku kalojnë çdo ditë me qindra refugjatë ukrainas drejt Polonisë.

"Unë besoj se ushtria ruse e di shumë mirë se ku është kufiri, dhe ky nuk është vetëm kufiri midis Polonisë dhe Ukrainës, por midis një vendi të NATO-s dhe një vendi jo të NATO-s.", u shpreh Przydacz.

"Ne nuk duam asnjë luftë. Ajo që duhet të bëjmë është të mbështesim Ukrainën tani për të ndaluar këtë masakër që po kryen Rusia mbi civilët.", shtoi ai.

Kryeministri i Mbretërisë së Bashkuar Boris Johnson foli me presidentin ukrainas Zelenskyy këtë pasdite.

Një zëdhënës i kryeministrit tha se Johnson përgëzoi presidentin dhe popullin ukrainas për qëndrueshmërinë e tyre.

“Kryeministri tha se veprimet barbare të Putinit po testonin jo vetëm Ukrainën, por të gjithë njerëzimin. Udhëheqësit dënuan vrasjet e Brent Reynaud dhe ukrainasve të panumërt të pafajshëm, si dhe rrëmbimin e kryebashkiakëve të Dniprorudne dhe Melitopol.”, u shpreh ai.

Zëdhënësit nënvizoi faktin se kryeministri shprehu mbështetjen që Mbretëria e Bashkuar vazhdon t'i japë Ukrainës.

Një telefonatë është zhvilluar mes presidentit ukrainas Volodymyr Zelensky dhe presidentit të Këshillit Evropian, Charles Michel.

Zelensky tha se u diskutua "rritja e mbështetjes financiare" për Ukrainën dhe sanksionet për të ushtruar presion mbi "agresorin" rus.

“Vëmendje e veçantë iu kushtua procesit të ardhshëm të negociatave për anëtarësimin e Ukrainës në BE”, raporton presidenti ukrainas.

Administrata e qytetit Mariupol ka konfirmuar se autokolona e madhe e ndihmave humanitare e destinuar për në qytetin jugor të Ukrainës të rrethuar nga Rusia nuk ka mbërritur dhe është ende e bllokuar në Berdyansk të kontrolluar nga Rusia, rreth 75 kilometra në perëndim.

Rusia i ka kërkuar Kinës ndihmë ushtarake për të mbështetur pushtimin e Ukrainës. Këtë e raporton Financial Times, duke cituar burime amerikane, sipas të cilave Moska ka kërkuar pajisje ushtarake dhe ndihmë të tjera ushtarake nga Pekini që nga fillimi i pushtimit.

Qytetarët e Berlinit kanë zgjedhur që ditën e tyre të pushimit t’ia dedikonin paqes duke protestuar rrugëve të qytetit kundër agresionit rus në Ukrainë.

Mijëra njerëz me parulla dhe flamuj ukrainas nëpër duar marshuan para Portës së Brandenburgut.

Ministri i Jashtëm ukrainas Dmytro Kuleba pati një bisedë telefonike me homologun e tij nga Katari, Mohammed bin Abdulrahman Al Thani, me të cilin "diskutoi mënyrat për t'i dhënë fund agresionit barbar kundër Ukrainës". 

Vetë Kuleba e shkroi atë në Tëitter, i cili gjithashtu falënderoi Katarin për "ndihmën humanitare" të ofruar për popullsinë ukrainase.

Korridori humanitar në Mariupol dështoi përsëri. Rusët filluan të bombardojnë korridorin humanitar nga ajri, ka shumë viktima civile. 

Tre agjenci të OKB-së po bëjnë thirrje për një fund të menjëhershëm të sulmeve ndaj objekteve shëndetësore në Ukrainë, duke i quajtur ato "një akt mizorie të pakonceptueshme". Në një deklaratë të përbashkët, Fondi i Fëmijëve, Organizata Botërore e Shëndetësisë dhe Fondi i Popullsisë thanë se "sulmet e tmerrshme po vrasin dhe shkaktojnë lëndime serioze te pacientët dhe punonjësit shëndetësorë, duke shkatërruar infrastrukturën jetike shëndetësore dhe duke detyruar mijëra njerëz të heqin dorë nga aksesi në shërbimet shëndetësore pavarësisht nevoja katastrofike”. 

Që nga fillimi i luftës në Ukrainë, 31 sulme ndaj kujdesit shëndetësor janë dokumentuar përmes sistemit të mbikëqyrjes së OBSH-së. Sipas këtyre raporteve, objektet shëndetësore janë dëmtuar ose shkatërruar në 24 incidente, ndërsa autoambulancat janë dëmtuar ose shkatërruar në pesë raste. Këto sulme lanë të paktën 12 të vdekur dhe 34 të plagosur, dhe ndikuan në aksesin dhe disponueshmërinë e shërbimeve thelbësore shëndetësore. Sulmet vazhdojnë të raportohen pavarësisht thirrjeve për mbrojtje shëndetësore. 

Presidenti ukrainas, Volodymyr Zelenksy ka vizituar mesditën e kësaj të shtune ushtarët e plagosur të cilët po rikuperohen nga dëmtimet nëpër shtretërit e spitaleve të vendit.

Ishte ministri i Mbrojtjes së Ukrainës ai që bëri publik lajmin me një postim në Twitter.

Ditën e nesërme do të zhvillohet raundi i katërt i bisedimeve mes Moskës dhe Kievit, por ketë herë përmes një videokonference.

Megjithëse tre herët e para delegacionet e dy vendeve janë takuar në Bjellorusi për të diskutuar rreth mundësive për negociata, nëse do të bëhet online takimi i tyre,

Këtë e ka bërë të ditur zëdhënësi i Kremlinit, Dmitry Peskov, cituar nga TASS.

Furnizimi me energji elektrike i termocentralit bërthamor të Çernobilit ka rifilluar rregullisht. Kështu deklaroi kompania shtetërore ukrainase që menaxhon termocentralet bërthamore, Energoatom, e cituar nga kanali bjellorus Nexta , duke nënvizuar se sistemet e ftohjes janë kthyer në funksionimin normal. Në orët e fundit, Agjencia Ndërkombëtare e Energjisë Atomike kishte raportuar se termocentrali vazhdon të funksionojë falë gjeneratorëve të jashtëm me naftë.

Një sulm ruse goditi një shkollë në Mykolaiv, në jug të Ukrainës, rreth 100 km në lindje të Odessa. Këtë e ka bërë të ditur guvernatori i rajonit, Vitaly Kim, duke shpjeguar se për momentin ekipet e shpëtimit po gërmojnë në rrënoja pasi ka civilë. Deri tani raportohet për 4 të vdekur dhe 3 të plagosur.

Ushtria ruse vrau 180 "mercenarë të huaj" në sulmet në Staritchi dhe bazën ushtarake Yavoriv në kufirin me Poloninë. Zëdhënësi i Ministrisë së Mbrojtjes së Rusisë, Igor Konachenkov, tha në një konferencë se "Ne do të vazhdojmë të eliminojmë mercenarët e huaj që mbërrijnë në Ukrainë."

"Nga sot ne i ndalojmë gazetarët të hyjnë në Irpin. Në këtë mënyrë duam t'u shpëtojmë jetën atyre dhe mbrojtësve tanë. U bëj thirrje të gjithë përfaqësuesve të mediave, si dhe të gjithë ukrainasve, të mos publikojnë ushtrinë tonë, pajisjet e tyre apo ndonjë gjë tjetër. tregon vendndodhjen e tyre! Është shumë e rëndësishme." tha kryebashkiaku Oleksandr Mrkuscyn pas vrasjes së Brent Renaud dhe plagosjes së dy kolegëve të tij.

Disa qytetarë holandezë thuhet se u plagosën në sulmin në bazën ushtarake në Lviv.  

Zyrtarët rusë dhe ukrainas dhanë vlerësimet e tyre më optimiste të dielën për përparimin në bisedimet e tyre mbi luftën në Ukrainë, duke sugjeruar se mund të ketë rezultate pozitive brenda disa ditësh, ndwrsa raundi i negociatave do tw zhvillohet mw 14-15 mars.  Zëvendës Sekretarja e Shtetit e SHBA, Ëendy Sherman tha se Rusia po tregonte shenja vullneti për t'u përfshirë në negociata thelbësore për përfundimin e një konflikti në të cilin mijëra njerëz kanë vdekur dhe mbi 2.5 milionë njerëz janë larguar.

Ukraina ka thënë se është e gatshme të negociojë, por jo të dorëzohet apo të pranojë ndonjë ultimatum.

"Ne nuk do të pranojmë në parim për asnjë pozicion. Rusia tani e kupton këtë. Rusia tashmë ka filluar të flasë në mënyrë konstruktive," tha negociatori ukrainas dhe këshilltari presidencial Mykhailo Podolyak në një video të postuar në internet.

Këshilltari i presidentit ukrainas Volodymyr Zelensky dhe negociatori i Kievit, Mykhailo Podoliak, tha sot se ai priste "rezultate konkrete" në ditët në vijim në bisedimet me Rusinë.

Moska "është bërë shumë më e ndjeshme ndaj pozicionit ukrainas" dhe "ka filluar të flasë në mënyrë konstruktive", shtoi Podoliak.

Agjencia e lajmeve RIA citoi një delegat rus, Leonid Slutsky, të thoshte se bisedimet kishin bërë përparim thelbësor.

"Sipas pritshmërive të mia personale, ky përparim mund të shndërrohet në ditët në vijim në një qëndrim të përbashkët të të dy delegacioneve, në dokumente për nënshkrim," tha Slutsky.

Asnjëra palë nuk tregoi se cili mund të jetë qëllimi i ndonjë marrëveshjeje.

Prindërit e deputetit ukrainas, Dmytro Gurin janë mes 350,000 njerëzve të bllokuar në qytetin jugor të Mariupolit, të uritur, pa energji, ngrohje.

“Unë fola me ta dje në mëngjes, për 30 sekonda. Janë gjallë, kjo ka rendësi për momentin”, tha ai.

Lagjja e tyre siç tha deputeti është shkatërruar plotësisht.

“Dje, rusët filluan të qëllonin në blloqe banimi nga tanket. Universiteti im është shkatërruar, shkolla ime është shkatërruar, po ashtu edhe shtëpia e prindërve të mi.”, tha ai.

“Kjo nuk është një luftë, është vrasje masive. Jam pesimist”, shtoi ai.

Kryetari i qytetit të Lviv në Ukrainë, ka bërë sërish thirrje që të mbyllet hapësira ajrore për të parandaluar sulmet ruse. Ai gjithashtu la kërkuar edhe ndihmë ushtarake.

“Lviv sot është një qendër e madhe e refugjatëve të luftës, më shumë se 200,000 njerëz vijnë në Lviv dhe detyra ime është t’i mbështes dhe të bëj maksimumin. Ne kemi nevojë të mbyllen hapësirat ajrore, kemi nevojë për pajisje ushtarake sot, jo nesër. Nesër raketa ruse përfundon në Bashkimin Europian”, tha Andriy Sadovyi.

2187 banorë të Mariupolit janë vrarë që nga fillimi nga 24 shkurti nga bombardimet ruse.

Mariupoli është i rrethuar prej 12 ditësh, ndërsa kujtojmë se është një nga qytetet me problematikat më të mëdha sa i përket evakuimeve.

Bombardimet janë kthyer në diçka të përditshme mbi qytetet ukrainase, por pavarësisht kësaj njerëzit nuk e humbin besimin dhe qetësinë e shpirtit disa prej të cilëve e gjejnë atë nëpër kishat e qyteteve.

Në Lviv njerëzit nuk harruar të shkonin edhe këtë të diel në kishën më të afërt nga shtëpia e tyre për t’u lutur që kjo luftë e egër të mbarojë.

Fotografitë e mëposhtme janë nga Kisha e Apostujve të Shenjtë Pjetër dhe Pal, mëngjesin e sotëm.

Pas kryebashkiakut të Melitopolit, ushtarët rusë kanë rrëmbyer edhe kreun e Këshillit të qytetit. Ajo quhet Pryma Serhii.

Kreu i diplomacisë evropiane Josep Borrell kritikoi ashpër teknikën ruse të rrëmbimit.

"Ky është një tjetër sulm ndaj institucioneve demokratike në Ukrainë", shkroi ai në Twitter, duke akuzuar Moskën se dëshiron të imponojë “struktura qeveritare alternative jolegjitime”.

Rusia do të vuajë "pasoja të rënda" për atë që po bën: tha këshilltari i sigurisë kombëtare i Shtëpisë së Bardhë, Jack Sullivan, i intervistuar nga CNN menjëherë pas përhapjes së lajmit për një video operator amerikan të vrarë në Ukrainë. Sullivan shpjegoi se ai do të kontrollojë lajmet me aleatët. "Ne do ta ndjekim qartë këtë zhvillim të fundit me shumë kujdes dhe do të përgjigjemi në përputhje me rrethanat."

Presidenti ukrainas  Volodymyr Zelensky tha se deri më tani janë evakuuar 125 mijë njerëz përmes korridoreve humanitare.

Ai tha se në këto momente përpjekjet për evakuime janë intensifikuar në Mariupol.

“Përpjekja jonë diplomatike është e fokusuar në ndihmën për të arritur qytetin", u shpreh ai.

Bisedimet ndërmjet Ukrianës dhe Rusisë pritet që të zhvillohen sërish në datat 14-15 mars, për negociata të reja mes dy shteteve ndërkohë që lufta vazhdon.

Policia e rajonit të Kievit deklaroi sot se një gazetar amerikan u vra nga forcat ruse në Irpin, Ukrainë, ndërsa një tjetër gazetar amerikan u plagos nga trupat ruse. Këto janë pamjet e publikuara nga mediat sociale në Ukrainë, ku shihet gazetari teksa po transportohet në spital.

 Kolegu i gazetarit amerikan Brent Renaud i cili u vra, Juan Arredondo, një tjetër gazetar amerikan i cili   mbeti i plagosur gjatë këtij sulmi, ka treguar momentin e ngjarjes kur u sulmuan.

“Ishim në një nga urat e para Irpin, duke shkuar për të filmuar refugjatët që po largoheshin. Hipëm mbi makinë dhe dikush na orientoi drejt një ure tjetër , kaluam një pikë kontrolli dhe në ato momente filluan të qëllojnë mbi ne. Në atë kohë shoferi u kthye, por sulmet nuk u ndalën. Nuk e di çfarë ka ndodhur më tej me Brent, e pashë vetëm kur e qëlluan në qafë dhe në atë çast jemi ndarë", tha ai.

Kishte një bombë në dronin që mbërriti nga zona e luftës në Ukrainë dhe u rrëzua të enjten mbrëma në Zagreb, kryeqyteti i Kroacisë, pasi fluturoi mbi Rumani dhe Hungari.

Kështu ka bërë të ditur sot ministri kroat i Mbrojtjes, Mario Bono, pasi fragmentet e avionit janë nxjerrë nga krateri me diametër prej tre metrash.

“Janë gjetur gjurmë eksplozivi dhe ka të dhëna se ky nuk ishte një dron zbulues”, tha ministri, duke nënvizuar se avioni mbante një bombë ajrore të prodhimit sovjetik, e cila shpërtheu dhe tani nuk përbën më rrezik.

"Deri më tani nuk është konstatuar se kujt i përkiste avioni dhe të dhënat e para për trajektoren e tij nuk mund të përjashtojnë as palën ruse dhe as atë ukrainase. Nuk është ende e qartë nëse bomba shpërtheu para apo pas goditjes në tokë. Kroacia ka kërkuar që në territorin e saj të vendosen bateritë kundër raketave Patriot".

Vritet gazetari i New York Times, Brent Renaud. Ai është fitues i çmimit 'Pulitzer' në gazetari.

"Korrespondenti 51-vjeçar i New York Times u vra sot në Irpin. Një tjetër reporter u plagos. Ata po përpiqen t'i nxjerrin nga zona e luftimeve.", shkruan La Republica.

Lajmi është dhënë fillimisht nga drejtuesi i policisë së rajonit të Kievit, 

“Pushtuesit vrasin në mënyrë cinike edhe gazetarë të mediave ndërkombëtare që po përpiqen të tregojnë të vërtetën për mizoritë e trupave ruse në Ukrainë. Sot është qëlluar për vdekje në Irpin një korrespondent 51-vjeçar i medias me famë botërore New York Times. Një tjetër gazetar mbeti i plagosur. Aktualisht po tentojnë ta nxjerrin viktimën nga zona e luftimit”, ka shkruar Nebitov në Facebook.

Ai ka publikuar edhe një letërnjoftim dhe pasaportë gazetareske editoriale, sipas së cilës kjo video është një gazetar, shtetasi amerikan Brent Renaud (Brent Renaud).

Papa Françesku ka dënuar ashpër sulmin rus në Ukrainë.

“Në emër të Zotit, le të dëgjohet britma e njerëzve që po vuajnë dhe le të ndalen bombardimet e sulmet”, ka thënë ai në lutjet e së dielës në Vatikan.

“Në emër të Zotit, po ju lus të ndalni këtë masakër”.

Bombardimi i spitaleve të fëmijëve dhe shënjestrimi i civilëve është gjë “barbare” dhe “nuk ka arsye valide strategjike”, ka thënë Papa.

"Ne kemi deklaruar vazhdimisht se askush nuk po përjashton mundësinë e një takimi midis Vladimir Putin dhe Presidentit Zelensky. Por ne duhet të kuptojmë se cili duhet të jetë rezultati i këtij takimi dhe çfarë do të diskutohet." Kështu deklaroi zëdhënësi i Kremlinit, Dmitry Peskov, duke komentuar deklaratat e ministrit të Jashtëm turk, Mevlut Çavusoglu, për një takim mes presidentëve të Rusisë dhe Ukrainës.

Bilanci i sulmit rus mbi bazën stërvitore ushtarake në Ukrainë është rënduar. Guvernatori rajonal i Lviv njoftoi se baza stërvitore ushtarake në Ukrainën perëndimore u sulmua nga forcat ushtarake ruse. Numri i viktimave ka arritur në 35 persona dhe 134 të tjerë janë plagosur

Pa slogane, pa postera por një prani në shesh sa e heshtur aq edhe e fortë. Një grup rusësh u mblodhën në Ekaterinburg për të demonstruar kundër luftës në Ukrainë.

Disa demonstrues u ndaluan nga policia ruse, disa në mënyrë paqësore, disa me dhunë. Pamjet në rrjetet sociale tregojnë një furgon të tërë njerëzish të ndaluar pranë sheshit Truda.

Gazetarët dhe fotografët që dokumentuan arrestimet ishin gjithashtu në vend: policia u kërkoi atyre "të mos ndërhynin në punën e policëve"

"70% e qytetit është nën kontrollin e ukrainasve, në 30% të mbetur ka luftime". Këtë e ka bërë të ditur në një video kryetari i bashkisë Irpin, Oleksandr Mrkuscy.

Ministri i Financave në Britani të Madhe, Rishi Sunak, u ka bërë thirrje më shumë kompanive britanike që të zvogëlojnë investimet ekzistuese në Rusi, dhe ka thënë se investimet e reja duhet të ndalen, pas vendimit të presidentit rus, Vladimir Putin për të pushtuar Ukrainën.

“Ndonëse e dimë se mund të jetë sfidues zvogëlimi i investimeve, besoj se nuk ka argument për investime të reja në ekonominë ruse”, ka thënë Sunak në një video-mesazh në Twitter.

“U bëj thirrje pronarëve të aseteve që të mendojnë me shumë kujdes për ndonjë investim të ri, që në ndonjë mënyrë do të mbështeste Putinin dhe regjimin e tij”.

Disa kompani të mëdha britanike kanë njoftuar se do të shesin apo do të zvogëlojnë interesat e tyre në Rusi. Në mesin e tyre janë kompanitë e energjisë Shell, BP dhe ajo për investime, Aviva.

Presidenti polak Duda ngriti mundësinë e ndërhyrjes së NATO-s, duke thënë se përdorimi i armëve të shkatërrimit në masë nga Putin do të ndryshonte plotësisht skenarin. Në atë rast, NATO duhet të mendojë seriozisht se si të reagojë. Për disa ditë, inteligjenca perëndimore ka paralajmëruar për një përdorim të mundshëm të armëve kimike nga Rusia.

Grupi i hakerave 'Anonymous' u dërgoi një mesazh qytetarëve rusë duke u kërkuar atyre të ngrihen kundër Putinit dhe ta largojnë atë nga pushteti.

Guardian e raporton këtë duke cituar një përkthim nga rusishtja nga komentues të ndryshëm në Tëitter.

“Ju jeni bllokuar pas një perde të hekurt propagande, me qeverinë tuaj që përpiqet t'ju mbajë në errësirë ​​për marrëveshjen ndërkombëtare, nga frika se çfarë mund të mësoni.

Regjimi i Vladimir Putin po kryen krime lufte me pushtimin e fundit të Ukrainës, i cili ka shkaktuar një krizë të madhe refugjatësh dhe vdekje të panumërta. Është një situatë e tmerrshme në të cilën jeni vendosur, por shansi juaj i vetëm për të parandaluar kolapsin e afërt ekonomik dhe një luftë të mundshme botërore është të ndërmerrni veprime për t'i rezistuar luftës dhe regjimit të Putinit”, thotë Anonymous.

“Putini e ka ekspozuar popullatën ndaj një sakrifice. Në këtë pikë, mënyra më paqësore që mund të përfundojë ky konflikt është që populli rus të ngrihet kundër Putinit dhe ta largojë atë nga pushteti”.

Ushtria ruse ka lëshuar 30 raketa në bazën ushtarake ukrainase afër kufirit me Poloninë në orët e para të mëngjesit të sotëm. Objekti 360 kilometra katrorë është më pak se 25 kilometra larg kufirit polak dhe një prej qendrave më të mëdha në pjesën perëndimore të Ukrainë. Ukraina mban aty shumicën e stërvitjeve me vendet anëtare të NATO-s. Ministri i Mbrojtjes në Ukrainë, Oleksii Reznikov, ka thënë se instruktorë të huaj ushtarakë punojnë në këtë bazë ushtarake.

“Ky është një tjetër sulm terrorist ndaj paqes dhe sigurisë afër kufirit të Bashkimit Evropian dhe NATO-s”, ka thënë Reznikov në Tëitter.

Një dëshmitar ka thënë për agjencinë e lajmeve, Reuters, se ka parë 19 ambulanca me sirena të lëshuara duke lëvizur nga drejtimi i bazës ushtarake. Ukraina nuk është ndalur me kaq. Kryetari i qytetit Ivano-Franvisk në perëndim të Ukrainës, ka thënë se aeroporti i qytetit është shënjestruar nga sulmet.

“Sipas informacionit preliminar, shpërthimet e këtij mëngjesi janë dëgjuar pas sulmeve në aeroport”, ka thënë kryetari i qytetit, Ruslan Martsinkiv në një postim në Facebook.

Kryetari i bashkisë së Dniprorudne, Yevhen Maveev, është rrëmbyer nga rusët në Ukrainë. Këtë e ka bërë të ditur në faqen e tij në Facebook kreu i administratës shtetërore rajonale të Zaporizhia, Oleksandr Starukh. Dniprorudne ndodhet në Ukrainën jugore, rreth pesëdhjetë kilometra në veri të Melitopolit, qyteti në Detin Azov, kryetari i bashkisë së të cilit u rrëmbye (dhe u torturua, sipas Presidentit Zelensky) nga rusët dy ditë më parë.

Guvernatori i Rajonit Lviv përpiloi një vlerësim fillestar të sulmit rus në bazën Yavoriv, ​​vetëm 30 kilometra nga kufiri me Poloninë dhe me NATO-n. Baza ushtarake u godit nga 30 raketa ruse. 9 persona humbën jetën dhe 57 të tjerë u plagosën.

Një makinist treni vdiq dhe një tjetër u plagos nga predha nga një plumb që goditi një tren pasagjerësh në rajonin Donetsk të Ukrainës lindore.

Oligarkët rusë të goditur nga sanksionet lëvizin në Emiratet e Bashkuara Arabe. Hotelet ultra luksoze në Dubai po shiten për super të pasurit në Moskë, të cilëve u janë ngrirë asetet në Saint Tropez dhe Costa Smeralda.

Të dëbuar nga bankat britanike dhe zvicerane, ata gjejnë parajsë mikpritëse tatimore dhe bankare në brigjet e Dubait dhe Abu Dhabit.

Ministria e Mbrojtjes e Mbretërisë së Bashkuar thotë se forcat ruse "po përpiqen të rrethojnë" forcat ukrainase në lindje të vendit ndërsa ato përparojnë nga drejtimi i Kharkiv në veri dhe Mariupol në jug.

“Forcat ruse që përparojnë nga Krimea po përpiqen të anashkalojnë Mykolaiv-in ndërsa synojnë të lëvizin drejt perëndimit drejt Odesës”, shton ai.

Refugjatët në Ukrainë kanë vazhduar të shkojnë në drejtim të Moldavisë, duke bërë që lideri i vendit të bëjë thirrje për ndihmë ndërkombëtare për të përballuar fluksin.

“Tani kemi mbi 270,000 njerëz që kanë kaluar kufirin”, tha kryeministrja e Moldavisë Natalia Gavrilița për Shërbimin Botëror të BBC-së.

"Më shumë se 100,000 njerëz që kanë zgjedhur të qëndrojnë - të paktën përkohësisht. Për një vend si Moldavia këto janë shifra mjaft të larta."

Moldavia, një vend i vogël me rreth 2.5 milionë banorë, i vendosur mes Ukrainës dhe Rumanisë, është një nga më të varfrit ekonomikisht të Evropës. Numri i refugjatëve ukrainas përfaqëson një rritje prej rreth 4% të popullsisë së tyre.

Zyrtarët ukrainas kanë thënë se forcat ruse kanë sulmuar me raketa një qendër të stërvitjeve ushtarake jashtë qytetit të Lvivit. Është raportuar se nuk ka pasur shpërthime në qendër të Lvivit. Lvivi është vetëm 80 kilometra larg kufirit me Poloninë dhe qytet drejt të cilit janë nisur shumë ukrainas, të cilët i kanë ikur luftës nga rajone tjera.

Në ditët e para të pushtimit rus, forcat e Rusisë kanë shënjestruar rajonet në veri, lindje dhe jug, duke përfshirë kryeqytetin, Kievin. Mirëpo në ditët e fundit ka pasur raportime edhe për shpërthime në qendër të shtetit, sikurse në Dnjipro dhe perëndim në qytetin Ivano-Frankvisk.

Lvivi është qytet i njohur për trashëgiminë kulturore. Deri më tani nuk është prekur nga pushtimi rus.

“Ne duhet të jemi vigjilentë sepse është e mundur që Rusia të mund të planifikojë operacione të armëve kimike” dhe ky do të ishte një “krim lufte”. Kështu ka thënë sekretari i përgjithshëm i NATO-s, Jens Stoltenberg, në një intervistë për gazetën gjermane Welt am Sonntag të raportuar nga Cncb.

Sulmet ajrore ruse goditën Qendrën Ndërkombëtare të Paqeruajtjes dhe Sigurisë (IPSC) pranë qytetit veriperëndimor të Lviv të dielën herët në mëngjes me orën lokale, sipas zyrës së shtypit të qeverisë rajonale të Lviv. 

IPSC është një bazë e madhe ushtarake që përfshin një qendër trajnimi për ushtarët, kryesisht për misionet paqeruajtëse.

Sipas të dhënave paraprake, Rusia lëshoi ​​tetë raketa pranë Lviv, tha qeveria rajonale. Zyrtarët po shqyrtojnë nëse ka viktima. 

Shpërthime të shumta u dëgjuan edhe pak para orës 6 të mëngjesit me orën lokale pranë qytetit, sipas një ekipi në terren të CNN.

Një çift i moshuar ukrainas të patrembur, u përballën me ushtarët rusë, të cilët u futën në pronën e tyre.

CCTV tregon se çifti shkon tek trupat e Vladimir Putin, në oborrin e përparmë të shtëpisë së tyre dhe fillojnë të debatojnë me ta përpara se t'i nxjerrin jashtë. Rusët me mjete luftarake mund të shihen teksa mbërrijnë në portën e mbyllur të shtëpisë së çiftit dhe hyjnë me armët e tyre në pozicionet e qitjes. Por kur dëgjuan ushtarët, dyshja e moshuar dalin nga shtëpia e tyre dhe kërkojnë të dinë se çfarë po ndodh. Burri fillon t'u bërtasë atyre dhe gruaja e tij e ndjek me çiftin duke bërë gjestikulacione ndaj ushtarëve që të dalin jashtë.  Në një moment, çifti të dy duket se i shtyjnë ushtarët.

Në mesin e shumë atyre që shpërndanë videon ishte ambasada e SHBA-së në Ukrainë , e cila postoi hashtagun #UkrainianHeroes: “Sot ne përshëndesim këtë çift të moshuar, i cili u përball me tre ushtarë rusë”.

Shpërthime janë dëgjuar në Ivano-Frankivsk. Dëshmitarët okularë kanë thënë gjithashtu për BBC Ukrainian se kanë dëgjuar shpërthime në qytetin perëndimor të Ivano-Frankivsk.

Mediat ukrainase të lajmeve po raportojnë gjithashtu shpërthime të ngjashme.

“Sipas informacioneve paraprake, shpërthimet e mëngjesit të sotëm ishin nga një sulm në aeroport”, tha kryebashkiaku Ruslan Martsinkiv.

Donald Trump ka pohuar se personaliteti i tij e mbajti SHBA-në jashtë luftës gjatë katër viteve të tij në detyrë, duke thënë në një tubim në Karolinën e Jugut: "Unë isha i vetmi president në gati katër dekada që nuk e futi Amerikën në ndonjë konflikt të ri".

Ish-presidenti tha se SHBA duhet të eliminojë varësinë nga energjia ruse, duke shtuar se ai ka frikë se konflikti mund të çojë në Luftën e Tretë Botërore.

"Nëse mendoni se Putini do të ndalojë, do të bëhet gjithnjë e më keq," i tha ai turmës.

Shpërthime të shumta u dëgjuan pak para orës 6 të mëngjesit me orën lokale të së dielës në periferi të qytetit veriperëndimor të Lviv, pranë kufirit të Ukrainës me Poloninë.

Shpërthimet u dëgjuan nga një ekip i CNN. 

SHBA, Britania e Madhe dhe BE-ja kanë vendosur gjoba financiare dhe sanksione të paprecedenta ndaj Rusisë për pushtimin e saj në Ukrainë dhe qindra kompani ndërkombëtare janë tërhequr nga vendi.

Ndikimi i këtyre masave sapo ka filluar të ndihet, me rritjen e kostos së produkteve bazë. Këtu janë disa nga mënyrat se si ka ndryshuar jeta e përditshme.

Vaj gatimi, sheqer dhe ilaçe për presionin e gjakut:

Çmimet e konsumit u rritën me 2.2% në javën e parë të pushtimit, me ushqimin ndër rritjet më të mëdha 

• Disa dyqane po kufizojnë shitjen e artikujve kryesorë.

• Shitjet e barnave nuk i nënshtrohen sanksioneve, por me kompanitë kryesore të transportit që pezullojnë shërbimet, furnizimet janë të prekura.

Rubla ka rënë që kur Rusia pushtoi Ukrainën, duke bërë që shumë shitës me pakicë të rrisin çmimet e tyre. Daria, e cila jeton në qendër të Moskës, thotë se nuk i ka parë ende rafte bosh. "Ushqimi nuk do të zhduket, por do të bëhet më i shtrenjtë," thotë ajo. "Sa më e shtrenjtë, nuk mund ta imagjinoj, dhe kam frikë të mendoj edhe për të."

Jan, është një qytetar i BE-së që jeton dhe punon në Moskë. “Më 20 shkurt porosita sende ushqimore për 5,500 rubla [rreth 57 dollarë; 44 £] dhe tani e njëjta shportë kushton 8,000,” thotë ai.

Çmimi i qumështit është pothuajse dyfishuar në dy javët e fundit, shton ai. Çmimet e sheqerit dhe drithërave janë tashmë rreth 20% më të larta se një vit më parë. Agjencia shtetërore ruse e lajmeve Tass tha se disa shitës me pakicë kishin rënë dakord të kufizonin rritjen e çmimeve në disa produkte kryesore në 5%. Të tjerët po kufizojnë sasinë e gjërave bazë si mielli, sheqeri dhe vaji që klientët mund të blejnë.

Daria ka bërë rezerva. “Kemi blerë 4 kg kafe, 4 litra vaj luledielli, 4 litra vaj ulliri dhe katër shishe uiski”. Ajo gjithashtu ka porositur një furnizim tre mujor me ilaçe për presionin e lartë të gjakut, e ndërsa ajo thotë se disa ilaçe tashmë janë më të vështira për t'u marrë.

• Kostoja e smartfonëve dhe televizorëve është rritur me më shumë se 10%.

• Markat e mëdha si Apple, Ikea dhe Nike nuk i shesin më produktet e tyre në Rusi.

Edhe makinat e reja janë rritur në çmim. "Ne blemë filtra dhe vaj për makinën kur ajo ka nevojë për shërbim," thotë Daria. “Ne ia dolëm t'i blinim me çmimet e vjetra para se të dyfishoheshin para syve tanë.

Bankat ruse hiqen nga sistemi ndërkombëtar i pagesave Swift.

 • Visa, Mastercard, American Express, Apple dhe Google Pay kufizuan shërbimet e tyre në Rusi 

• Banka qendrore ruse thotë se ekonomia mund të tkurret deri në 8%

Mbylljet e mediave dhe kujtimet e Luftës së Ftohtë:

Ligji i ri kërcënon të burgos këdo që mendohet se ka përhapur lajme "të rreme" mbi pushtimin 

• Media e pavarur dhe ndërkombëtare, subjekt i kufizimeve të rënda. 

• Më shumë se 13,000 njerëz të arrestuar në protestat kundër luftës.

Ngjarjet e sotme sjellin kujtime të viteve 1990, kur ekonomia e Rusisë u shemb pasi Bashkimi Sovjetik u shpërbë. 
 

Sipas zyrtarëve dhe raporteve të dëshmitarëve, një dron u rrëzua nga forcat e sigurisë ukrainase në Kiev të shtunën.

Thuhet se droni përmbante një eksploziv prej tre kilogramësh. Ai u rrëzua në lagjen Podil të Kievit, duke shkaktuar një zjarr të vogël në një bankë.

Gjeolokacioni i imazheve u verifikua edhe nga BBC.

Një zyrtar i lartë i Vatikanit ka shprehur shqetësimin se pushtimi rus i Ukrainës është një tregues se bota "po bie përsëri në të kaluarën në vend që të guxojë të ndërmarrë hapa drejt një të ardhmeje tjetër".

Sekretari i Shtetit i Vatikanit, Kardinali Pietro Parolin, i konsideruar gjerësisht si njeriu i dytë më i fuqishëm në kishën katolike pas Papa Françeskut, i bëri thirrje Rusisë të hyjë në negociata me Ukrainën, duke thënë se liderët "që bëjnë luftë mbështeten në logjikën djallëzore të armëve dhe harrojnë njerëzimi”.

Ai përsëriti ofertën e qytetit të Vatikanit për të pritur bisedime ndërmjetësimi dhe tha se është e rëndësishme të ndërmerren hapa drejt "një të ardhmeje bashkëjetese paqësore".

"Lufta është si një kancer që rritet, zgjerohet dhe ushqehet me vetveten. Është një aventurë pa kthim, të përdorësh fjalët profetike të Shën Gjon Palit II," tha Parolin.

“Por dua të them gjithashtu se kurrë nuk është vonë, nuk është kurrë vonë për të bërë paqe, nuk është kurrë vonë për të riparuar hapat dhe për të gjetur një marrëveshje”, shtoi ai.
 

Ministri i Jashtëm i Moldavisë, Nicu Popescu i ka thënë BBC-së se vendi i tij po i afrohet një pike kritike për të strehuar ata që ikin nga konflikti në Ukrainë.

Popesku ka paralajmëruar se vendi i tij është afër limiteve, ku do rrezikohet që të mbeten pa ndërtesa për të strehuar refugjatët, ose mjete për t'i mbajtur ata ngrohtë dhe të sigurt. Numri i refugjatëve që qëndrojnë në Moldavi është i ulët sipas standardeve rajonale, pak më shumë se 100,000, por kjo përfaqëson një rritje prej 4% në popullsinë kombëtare dhe do të ishte e barabartë në proporcion me 2.5 milionë refugjatë në Mbretërinë e Bashkuar brenda dy javësh.

Popesku i tha BBC-së se Moldavia ishte "fqinja më e brishtë e Ukrainës" me më pak burime financiare dhe më pak elasticitet në siguri, kujdes shëndetësor dhe arsim. Një sulm rus në qytetin e tretë më të madh të Ukrainës, Odesa, 30 milje (48 kilometra) nga kufiri i Moldavisë, ka të ngjarë të shkaktojë një fluks "të madh" refugjatësh. Ai shtoi se do të ishte një “katastrofë për situatën humanitare”.
 

Një manastir ortodoks ukrainas shekullor në Ukrainën lindore u dëmtua rëndë pasi i rezistoi ende një goditjeje të drejtpërdrejtë nga një predhë shpërthyese nga rusia, thuhet sipas një deklarate nga kisha.

Në mbrëmjen e 12 marsit, një bombë ajrore shpërtheu pranë një ure pranë Lavrës Sviatohirsk, në Donetsk, duke shkatërruar pothuajse të gjitha dritaret e manastirit dhe duke dëmtuar disa ndërtesa.

Shumë njerëz, duke përfshirë murgj dhe të evakuuar të strehuar brenda, u plagosën dhe u transportuan në spital. Nuk ka pasur vdekje të raportuara.

Bodrumet e manastirit tani strehojnë rreth 520 refugjatë, sipas gazetës online, Ukrayinska Pravda. Rreth 200 janë fëmijë.
 

Këshilli rajonal në qytetin e pushtuar Kherson ka votuar për të miratuar një rezolutë që pohon se qyteti mbetet ukrainas, thanë zyrtarët lokalë. Votimi vjen mes akuzave nga zyrtarët ukrainas se rusët po planifikojnë një referendum "pseudo" për krijimin e një "republike popullore" separatiste. Yuriy Sobolevskyi, nënkryetari i këshillit, tha në një postim në Instagram se anëtarët e trupit "pranuan apelin se rajoni Kherson është i Ukrainës" me 44 vota.

Ai shkroi se deputetët "nuk mund të njihnin kurrë përpjekjet për të krijuar një "republikë popullore" në rajonin Kherson dhe për të kapur një pjesë të Ukrainës".

“Rajoni Kherson ishte, është dhe do të jetë pjesë integrale e një shteti të vetëm, Ukrainës”, shtoi ai.

Ministri i Jashtëm Dmytro Kuleba shkroi në Twitter më herët të shtunën se "rusët po përpiqen dëshpërimisht të organizojnë një 'referendum' të rremë për një 'republikë popullore' të rreme në Kherson".

"Sanksionet e rënda kundër Rusisë duhet të pasojnë nëse ato vazhdojnë. Kherson është dhe do të jetë gjithmonë Ukrainë," shkroi ai.
 

Shpërthime ruse janë dëgjuar në qytetet Severodonetsk dhe Rubizhne në rajonin e Luhanskut dhe kanë dëmtuar dhjetëra apartamente e duke kanë shkaktuar zjarre masive, sipas Shërbimit Shtetëror të Emergjencave të Ukrainës (SES). Rreth 60 ndërtesa, duke përfshirë shtëpi private dhe ndërtesa apartamentesh, u goditën gjatë natës, sipas vlerësimeve të qeverisë.

"Armiku nuk do ta thyejë rajonin e Luhanskut!" SES postoi në kanalin e saj Telegram, duke shtuar: "Le të mbajmë! Gjithçka do të jetë UKRAINE!"

Lajmi vjen pasi sirenat e sulmit ajror po bien në pjesën më të madhe të vendit, sipas Kyiv Independent.

"Alarmi për sulm ajror në pothuajse çdo rajon të Ukrainës," postoi gazeta në internet rreth orës 04:00 me kohën lokale (02:00 GMT).

Banorëve u është kërkuar që të kërkojnë strehim menjëherë në qytete duke përfshirë Lviv, në Ukrainën perëndimore, dhe Poltava, një qytet qendror lindor ku mijëra të evakuuar kohët e fundit kanë ikur nga qytetet e vijës së parë.
 

Rezidenca e Roman Abramovich me vlerë rreth 150 milionë funte, në Kensington, së shpejti mund të jetë shtëpia e refugjatëve ukrainas, e kjo falë një propozimi të qeverisë. Burimet e kabinetit kanë zbuluar se sekretari i nivelit të lartë Michael Gove ka paraqitur idenë për të strehuar viktimat e pastrehë të luftës në shtëpitë luksoze të oligarkëve rusë.

Pronari 55-vjeçar i sanksionuar i Kampionëve Evropianë nxori në shitje rezidencën e tij me 15 dhoma gjumi në Kensington Palace Gardens javën e kaluar me një çmim prej 150 milion £. Shtëpia e renditur në klasën II dikur përdorej si ambasadë ruse.

Britanisë dhe BE-së mund t'i duhet të mirëpresin 15 milionë refugjatë ukrainas nëse Vladimir Putin vazhdon fushatën e tij të përgjakshme pushtuese. Kombet e Bashkuara kanë frikë se numri i njerëzve të zhvendosur nga pushtimi gjithnjë e më brutal do të jetë tre herë më i lartë se sa pritej.

Vladimir Putin mund të përballet me një grusht shteti rus që mund ta dërgojë atë 'në varr' pasi 'rezistenca' po rritet, sipas ish-ministrit rus Andrei Kozyrev.

Kozyrev, i cili ishte ministër i Jashtëm nga viti 1990 deri në vitin 1996, beson se Putini së shpejti mund të rrëzohet duke e dërguar atë drejt vdekjes ose në pension.

Në një intervistë për  Daily Express, ai tha: “Shumë car rusë u vranë. Shumë u pushuan në një mënyrë ose në tjetrën. Edhe në Bashkimin Sovjetik, kishte mënyra; Thuhej se Stalini ishte helmuar, Hrushovi u përcoll nga Kremlini. Me Putinin, pres shumë që të ketë rritje të rezistencës dhe rritje të pakënaqësisë që do të zgjidhet në një mënyrë ose në një tjetër. Nuk e di se në cilin drejtim, por historia ruse është plot me rezultate të papritura.”
 
 

Faqja e shitjeve online eBay ka thënë se po bllokon të gjitha transaksionet që përfshijnë adresat ruse.

“Ne qëndrojmë me Ukrainën dhe po ndërmarrim një sërë hapash për të mbështetur popullin ukrainas”, tha një zëdhënës i kompanisë me bazë në Kaliforni për BBC të shtunën.

"Ne kemi pezulluar përkohësisht të gjitha transaksionet që përfshijnë adresat ruse dhe transaksionet që përfshijnë adresat e Ukrainës mund të pësojnë vonesa".
 

Manjati 55 vjeçar Roman Abramovich thuhet se është ka një lidhje romantike me një aktoren 25-vjeçare, Alexandra Korendyuk, e cila ka rrënjë familjare ukrainase. Oligarku i sanksionuar po takohet fshehurazi me Alexandra Korendyuk, e cila është një sipërmarrëse dhe yll televiziv. Sipas mediave të huaja, thuhet se ai është babai i shtatë fëmijëve. Abramovich më heret ishte divorcuar nga gruaja e tij të tretë, Dasha Zhukova. Martesa me të zgjati nga viti 2008 deri në 2018. Alexandra thuhet se është themeluesja e Institutit të Iniciativave të Muzikës, i cili përgatit muzikantët e ardhshëm.

Ekspertët rajonalë thonë se mbiemri i saj lidhet me atë që ka rrënjë familjare ukrainase. Një burim shtoi: “Është ironike që Abramovich është lidhur me një vajzë me prejardhje ukrainase, e ndërsa ai është sanksionuar për shkak të luftës dhe lidhjeve të tij me Putinin.

Abramovich kishte një vlerë pasurie prej 9.4 miliardë paund para sanksioneve të ashpra të javës së kaluar nga qeveria britanike. Atij i janë ngrirë asetet e tij, e po nuk mundet të fitojë para si dhe e ka të ndaluar të shesë ekipin e Chelseas, duke e lënë të ardhmen e klubit në harresë.

Prona e tij më e vlefshme në Londër është një rezidencë me 15 dhoma gjumi në Kensington, afër ambasadës ruse dhe me vlerë 150 milionë funte.

Presidenti ukrainas teksa ka publikuar një fjalim të ri, ka shpallur edhe një numër dekoratash ushtarake për ushtarët ukrainas, shumica prej të cilëve kanë humbur jetën. Ai komentoi gjithashtu situatën në Kherson, një qytet ukrainas nën kontrollin rus. Autoritetet lokale kanë thënë se një referendum po planifikohet nga Rusia me synimin për ta bërë rajonin një republikë separatiste të ngjashme me disa pjesë të tjera të Ukrainës lindore, si Donetsku dhe Luhanska.

"Pushtuesit në rajonin e Khersonit po përpiqen të përsërisin përvojën famëkeqe të formimit të pseudo-republikave. U zhvillua një mbledhje urgjente e Këshillit të Qarkut Kherson. 44 deputetë vendosën që rajoni Kherson është e Ukrainës dhe asnjë pseudo-republikë nuk ka vend atje. Ukraina do t'i rezistojë provës", shprehet Zelensky.

Fjalimi i plotë është në faqen zyrtare presidenciale të Ukrainës.
 

Prokurorja e Përgjithshme e Ukrainës, Iryna Venediktova, ka njoftuar se të paktën 79 fëmijë janë vrarë dhe më shumë se 100 të tjerë janë plagosur në pushtimin e Rusisë kundër Ukrainës.

Ajo shkruan në "Twitter" se çdo vdekje do të hetohet dhe dokumentohet. Po ashtu ajo thekson se do të bëhet më e mira për të vendosur drejtësinë ndaj kriminelëve të luftës. 

Shtatë gra dhe fëmijë kanë mbetur të vrarë kur forcat ruse sulmuan një kolonë që po tentonte të largohej nga një fshat afër Kievit, por që nuk ishin në një korridor humanitar. Informacioni vjen nga ministria e mbrojtjes e Ukrainës, duke kundërshtuar informacionet e mëparshme nga shërbimi i inteligjencës ukrainase.

Shërbimi i inteligjencës kishte thënë se civilët kishin qenë në një "korridor të gjelbër" kur ata u sulmuan pranë Peremoha. Por një deklaratë e ministrisë së mbrojtjes këtë mbrëmje tha se ata ishin përpjekur të arratiseshin vetë "kështu që ata filluan evakuimin pa "korridorin e gjelbër"për  të cilin kishin rënë dakord nga palët".
 

Britanikët që mirëpresin refugjatët ukrainas në shtëpitë e tyre për të paktën gjashtë muaj pa qira do të marrin një shumë prej 350 £ në muaj nga qeveria, shkruan shefi politik i Sky, Jon Craig.

Pas javësh me kritika për reagimin e qeverisë ndaj krizës së refugjatëve, Sekretari i Nivelimit, Michael Gove më në fund po shpall një skemë "Shtëpi për Ukrainën".

Gove po propozon që shuma përkatës në Mbretërinë e Bashkuar të merret nga individët, bamirësit, grupet e komunitetit ose bizneset që do të jenë në gjendje të mirëpresë një person ose familje ukrainase për të qëndruar në shtëpinë e tyre.
 

Rreth 13,000 ukrainas u evakuuan përmes korridoreve humanitare të shtunën, tha zëvendëskryeministja e Ukrainës. Ky është pothuajse dyfishi i numrit që arritën të largoheshin të premten.

Në një mesazh në internet, Iryna Vereshchuk tha se askush nuk kishte arritur të largohej nga qyteti i rrethuar i Mariupolit, duke fajësuar këtë për pengimin nga forcat ruse.

Moska kishte akuzuar më herët forcat ukrainase për bllokimin e qëllimshëm të njerëzve atje.
 

Më herët sot, liderët e Rusisë, Francës dhe Gjermanisë kanë folur në telefon. Një zyrtar i presidencës franceze se presidenti rus "nuk dukej gati" për t'i dhënë fund luftës.

E ndërsa më poshtë keni versionin rus nga Ministria e Punëve të Jashtme të Rusisë për telefonatën e kryer. Aty paraqitet një përmbledhje e shkurtër, e cila thotë se zoti Putin "citoi fakte të shumta të shkeljeve të rënda të ligjit ndërkombëtar humanitar nga ushtria dhe policia ukrainase".

Agjencia ruse e energjisë atomike Rosatom tha më heret se dy termocentrale bërthamore në Ukrainë po drejtoheshin nga stafi ukrainas, pavarësisht se ishin marrë nën kontroll nga trupat ruse.

E ndësa Agjencia Ndërkombëtare e Energjisë Atomike tani thotë se Ukraina thotë se Rusia planifikon të marrë kontrollin e plotë dhe të përhershëm të centralit bërthamor në Zaporizhzhia, diçka që rusët e mohojnë.

IAEA tha: "Presidenti i operatorit të centralit bërthamor të Ukrainës Energoatom, Petro Kotin, tha në një letër drejtuar drejtorit të përgjithshëm se rreth 400 ushtarë rusë ishin "të pranishëm me orar të plotë në terren" (në Zaporizhzhia)".

IAEA iu tha gjithashtu nga rregullatori ukrainas se përpjekjet për të riparuar linjat e dëmtuara të energjisë në centralin e Çernobilit po vazhdojnë.
 

Administrata rajonale e Zaporozhye thotë se një kryebashkiak i ri është vendosur në qytetin ukrainas Melitopol, i cili është nën kontrollin ushtarak rus, pasi kryetari i mëparshëm u mor peng të premten. 

Ivan Fedorov, kryebashkiaku i zgjedhur i Melitopolit, u mor peng nga njerëz të armatosur të premten dhe u akuzua për vepra terrorizmi nga zyra e prokurorit për rajonin separatist të Luhanskut të mbështetur nga Rusia.

Kryebashkiakja i sapovendosur është Galina Danilchenko, një ish-anëtare e këshillit të qytetit, sipas një deklarate në faqen e internetit të administratës rajonale të Zaporozhye.

“Unë kërkoj nga ju që të mos dorëzoheni para këtyre provokimeve”, tha Danilchenko. “U bëj thirrje deputetëve të zgjedhur nga populli në të gjitha nivelet. Meqenëse jeni zgjedhur nga populli, është detyra juaj të kujdeseni për mirëqenien e qytetarëve tuaj. 

Danilchenko propozoi krijimin e një "Komiteti të Zgjedhjes së Popullit" për të "zgjidhur të gjitha çështjet kritike për Melitopolin dhe rajonin e Melitopolit".