Lufta/ Irani sulmon Izraelin me 200 dronë, shumica goditen në ajër! Franca dhe SHBA afrojnë avionët luftarakë

Irani ka nisur mbrëmjen e sotme sulmin hakmarrës që kishte paralajmëruar ndaj Izraelit duke lëshuar 200 dronë, në tre sulme të njëpasnjëshme. 

Kryeministri izraelit, Benjamin Netanyahu aktivizoi sistemet për mbrojtje ajrore si dhe vuri në gatishmëri të plotë ushtrinë.

Teksa dronëve iu desh disa orë që të mbërrinin shumë prej tyre janë goditur prej sistemit izraelit për mbrojtje ajrore, duke ua pamundësuar pajisjeve ndikimin në tokë. Disa prej raketave që kanë depërtuar në Izrael kanë shkaktuar “dëm të vogël në instalime ushtarake në jug”.

Pas nisjes së sulmit nga Irani, Izraeli ka mbyllur hapësirën ajrore deri në orën 7 të mëngjesit.

Shtëpia e Bardhë, thotë se "Shtetet e Bashkuara do të qëndrojnë me popullin e Izraelit dhe do t'i mbështesin që të mbrohen". 

Presidenti Joe Biden ndërpreu një udhëtim të fundjavës në Delauer dhe u kthye në Uashington për konsultime urgjente në Shtëpinë e Bardhë me ekipin e tij të sigurisë kombëtare, mes zhvillimeve të fundit. 

Teherani ishte zotuar të hakmerrej për një sulm në Damask javën e kaluar nga i cili gjetën vdekjen një komandant i lartë i Gardës Revolucionare iraniane dhe gjashtë oficerë të tjerë, për të cilin Irani akuzon Izraelin.

Rendit zhvillimet sipas orarit:
Ora 00:44
BE dënon sulmin e Iranit ndaj Izraelit

1713048405_be.webp

BE-ja dënon ashpër sulmin e Iranit kundër Izraelit.

"Ky është një përshkallëzim i paprecedentë dhe një kërcënim serioz për sigurinë", shkroi Përfaqësuesi i lartë i BE-së për politikën e jashtme Josep Borrell enë X.

Ora 00:33
Avioni i nisur nga Roma për në Tel Aviv ulet në Kajro

1713047764_eryjtrjytrjytryj.JPG

Një aeroplan i kompanisë greke Bluebird Airways, i cili u largua nga Roma Fiumicino në orën 19:55 dhe u nis për në Tel Aviv, u ul në Kajro pas lëshimit të dronëve nga Irani drejt Izraelit. Sipas asaj që mësojmë, nuk do të ishte i vetmi fluturim drejt Izraelit që do të ishte riplanifikuar në aeroporte të tjera.

Ora 00:05
Sulmi i Iranit ndaj Izraelit, avionët luftarakë amerikanë dhe francezë shkojnë drejt hapësirës ajrore të Irakut

Të paktën katër avionë luftarakë amerikanë dhe dy francezë u ngritën pas sulmit të Iranit ndaj Izraelit dhe po shkojnë drejt hapësirës ajrore të Irakut. 

Ora 23:53
Burimet amerikane: 400-500 dronë janë nisur nga Irani drejt Izraelit

1713041582_ccccxx.JPG

Burimet amerikane vlerësojnë numrin e dronëve të lëshuar nga Irani drejt Izraelit në 400-500". Kjo është raportuar nga faqja e internetit Ynet.

Ora 23:51
Teherani: Përgjigje vendimtare ndaj vendeve që hapin hapësirën ajrore për llogari të Izraelit

1713045154_fzbsdhshtrerht.JPG

Mohammad Reza Gharaei Ashtiani

“Çdo vend që hap hapësirën ajrore ose territorin e tij ndaj Izraelit për të sulmuar Iranin, do të marrë një përgjigje vendimtare”.

Kështu ka thënë ministri i Mbrojtjes i Iranit, Mohammad Reza Gharaei Ashtiani.

Ora 23:47
Sulmi i Iranit, Ministria e Jashtme thirrje qytetarëve shqiptarë në Izrael: Zbatoni udhëzimet e sigurisë, për çdo nevojë kontaktoni në këto numra

1713044956_iran.jpg

Ministria e Jashtme e Shqipërisë ka reaguar pas sulmeve me dronë të Iranit ndaj Izraelit. Në një njoftim për shtyp bën me dije se janë në komunikim me ambasadën e Shqipërisë në Izrael, ndërsa u bën thirrje shqiptarëve që jetojnë atje të zbatojnë udhëzimet e sigurisë.

"Ministria për Evropën dhe Punët e Jashtme është në komunikim të pandërprerë me ambasadën e Republikës së Shqipërisë në Izrael si edhe me të gjithë shtetasit shqiptarë, me qëndrim të përkohshëm apo të përhershëm në Izrael. U bëjmë thirrje të ndjekin e të zbatojnë udhëzimet e sigurisë, të bëra publike së fundmi nga autoritetet vendase", njofton ministria.

Për çdo nevojë të mundshme ministria thosë se të gjithë shqiptarët mund të kontaktojnë në telefon dhe WhatsApp me numrat e kontaktit të ambasadës së Republikës së Shqipërisë në Izrael:

+972 54-904-2813

+972 54-480-6601

Ora 23:40
Ushtria izraelite: Sulmi i nisur nga Irani është një përshkallëzim serioz dhe i rrezikshëm i konfliktit

1713044552_fdshshdshdshds.JPG

Daniel Hagari

"Një përshkallëzim serioz dhe i rrezikshëm",- e ka cilësuar sulmimn e nisur iranian, zëdhënësi ushtarak i Izraelit Daniel Hagari.

"Ne po monitorojmë dronët vrasës iranianë që po fluturojnë drejt Izraelit nga Irani",-shtoi ai.

Ora 23:37
VIDEO/ Dhjetra raketa të Hezbollahut nga Libani në drejtim të Izraelit: Momenti kur kapen nga sistemi i mbrojtjes ajrore

 

Grupi i militantëve Hezbollah ka lëshuar dhjetra raketa Katyusha nga jugu i Libanit drejt Galileo, në veri të Izraelit. Sirenat janë aktivizuar në vendbanimet Dafna, Snir, Hagoshrim, Dan dhe në vendbanime të tjera.

Në Izrael është vënë në funksion sistemi Iron Dome, (sistem i lëvizshëm izraelit i mbrojtjes ajrore i zhvilluar nga Rafael Advanced Defense Systems dhe Israel Aerospace Industries)  që neutralizon pjesën më të madhe të raketave. Sipas njoftimeve për shtyp nga autoritetet izraelite, nuk raportohet për të lënduar apo dëme.

Ora 23:23
Sulmet me dronë nga Irani, kryeministri izraelit mbledh kabinetin e luftës

1713044492_xxxxxxx.JPG

Izraeli ka mbledhur kabinetin e luftës në Tel Aviv pas nisjes së sulmeve me dronë nga Irani. Kabineti po kryesohet nga kryeministri izraelit Benyamin Netanyahu.

 

Ora 23:20
VIDEO/ Irani lëshon dronë drejt Izraelit, dëgjohet zhurma në qiellin mes Iranit dhe Irakut

 

Siç konfirmohet edhe nga burime izraelite, Irani nisi sulmin me dronë ndaj Izraelit. Në videot e publikuara nga Reuters, janë pamje të filmuara, e para në provincat perëndimore të Iranit, e dyta në provincën Wasit në Irakun lindor, ku dallohet qartë zhurma e dronëve që kalojnë.

Ora 23:16
Mediat në Teheran: Një valë e tretë dronësh niset drejt Izraelit

Irani nuk ndalet. Ka nisure grupin e tretë të dronëve në drejtim të Izraelit. Kjo është bërë e ditur nga mediat e Teheranit.

Ora 23:14
Jordania: Do të rrëzojmë dronët iranianë që kalojnë në hapësirën tonë ajrore

1713043151_eryjrtjytrjytr.JPG

Mbrojtja ajrore e Jordanisë është e gatshme të rrëzojë çdo dron apo avion iranian që shkel hapësirën e saj ajrore, raporton "Times of Israel".

Po ashtu, autoritetet jordaneze thonë se ushtria është në gjendje gatishmërie të lartë dhe se sistemet e radarëve po monitorojnë aktivitetin e dronëve.

Ora 22:50
Media: Irani i lëshoi dronët drejt Izraelit nga territori i Jemenit

1713041720_1705051733jemen.jpg

Dronët u nisën nga Jemeni drejt Izraelit. Transmetuesi iranian Press TV e raporton këtë pa shtuar detaje, duke theksuar një sulm të ri kundër shtetit hebre që supozohet të jetë nisur nga rebelët Houthi, aleatë të Teheranit.

Ora 22:49
Shtëpia e Bardhë konfirmon: Irani filloi sulmin ndaj Izraelit

1713041517_izrael.JPG

Shtëpia e Bardhë konfirmoi fillimin e sulmit kundër Izraelit nga Irani duke nënvizuar se Joe Biden është informuar dhe po ndjek situatën.

Ora 22:32
Iraku mbyll hapësirën ajrore

1713040861_yjrtjtrjytrjtrjtr.JPG

Iraku ka mbyllur hapësirën e tij ajrore, ka thënë ministria e transportit e vendit.

I gjithë trafiku ajror është ndalur përkohësisht, shtoi ai.

Kjo vjen pasi ushtria izraelite konfirmoi se Irani ka lëshuar një avion dronësh drejt vendit, të cilët pritet të mbërrijnë brenda disa orësh, shkruan Sky News, transmeton Klankosova.tv.

Ora 22:18
Alarmi për sulmin iranian në Izrael/ Anulohen fluturimet për në Tel Aviv

1713039726_wqfwqfwqfwqfwqfe.JPG

Dy avionë që u ngritën nga Tajlanda me destinacion Tel Avivi u kthyen në aeroportin e tyre të nisjes pikërisht në momentin që filloi sulmi iranian kundër Izraelit. Këtë e kanë raportuar mediat izraelite.

Ora 22:09
Jordania mbyll hapësirën ajrore për shkak të sulmit iranian ndaj Izraelit

1713039153_ikkikikikki.JPG

Jordania 

Autoriteti i Aviacionit Civil të Jordanisë ka vendosur të mbyllë përkohësisht hapësirën e tij ajrore si një masë "parandaluese" kundër kërcënimit të një sulmi të mundshëm iranian ndaj Izraelit, njoftuan mediat zyrtare.

“Autoriteti Rregullator i Aviacionit Civil Jordanez ka vendosur të mbyllë përkohësisht dhe në mënyrë parandaluese hapësirën ajrore jordaneze për të gjithë avionët që mbërrijnë, nisen dhe kalojnë duke filluar nga ora 20:00 GMT” (22:00 me orën italiane) deklaroi ai agjencia zyrtare jordaneze e lajmeve Petra. Pezullimi do të zgjatet "për orët e ardhshme" dhe "do të përditësohet dhe rishikohet vazhdimisht ndërsa situata evoluon".

Ora 22:09
'Sulmi nga Irani ka nisur', kryeministri izraelit largohet me avion: Të gatshëm për çdo skenar, si në mbrojtje dhe në sulm

 

Ndërkohë që mediet e huaja raportojë se Irani ka nisur sulmin ndaj Izraelit, avioni i kryeministrit Benyamin Netanyahu u ngrit nga Izraeli për arsye sigurie. Këtë e raporton faqja e internetit Ynet. Në reagimin e tij Netanyahu shprehetNë vitet e fundit, dhe aq më tepër në javët e fundit, Izraeli është duke u përgatitur për mundësinë e një sulmi të drejtpërdrejtë nga Irani Sistemet tona të mbrojtjes janë të vendosura, ne jemi të përgatitur për çdo skenar, si në mbrojtje ashtu edhe në sulm. Shteti i Izraelit është i fortë, ushtria është e fortë”.

Ora 21:46
Media: Irani nis sulmin ndaj Izraelit me dhjetëra dronë

1713038493_yerjhryjtrjtrjtrjtrjy.JPG

Irani nisi një sulm ndaj Izraelit duke përdorur dhjetëra dronë. Gazetari i Axios, Barak Ravid e raportoi këtë në rrjetin social "X", duke cituar katër zyrtarë amerikanë dhe izraelitë.

Po ashtu, vetë Izraeli ka konfirmuar sulmin pasi ka arritur të shohë nëpërmjet satelitëve dronët e nisur nga Irani, të cilët pritet të mbërrijnë në target pas 5-6 orësh. 

Ora 21:27
Media: Irani mund të sulmojë Izraelin sonte

1713036590_rhteherherh.JPG

Ushtarë iraninë

Një zyrtar i lartë amerikan ka deklaruar për Al Jazeera-n se "ka një probabilitet të lartë që Irani të nisë një sulm kundër Izraelit sonte, në orët e para të së dielës".

Kjo është raportuar nga transmetuesi izraelit Channel 14.

 Sipas këtij burimi, sulmi mund të ndodhë "me pjesëmarrjen e filialeve të tij në Irak dhe Siri".

Ndërkohë, kryeministri izraelit Benjamin Netanyahu ka thirrur një mbledhje urgjente të kabinetit të sigurisë në Ministrinë e Mbrojtjes në Tel Aviv për këtë mbrëmje.

Ora 21:19
Tensionet me Iranin, ushtria izraelite në gatishmëri të plotë: Dhjetëra avionë gati të ngrihen

 

Ushtria izraelite shpalli “gadishmëri të plotë” për t'u hakmarrë ndaj Iranit, pasi pjesëtarë të Gardës Revolucionare kanë zbritur të shtunën nga një helikopter në një anije me mallra afër Ngushticës së Hormuzit, duke pretenduar se anija është “e lidhur me Izraelin”. Zëdhënësi i ushtrisë izraelite nënvizoi se "dhjetëra avionë janë gati të ngrihen".

Ora 21:12
SHBA: Irani ta lirojë menjëherë anijen e 'rrëmbyer' bashkë me ekuipazhin

1713035695_anije.JPG

"Ne dënojmë fuqishëm bllokimin e anijes nga Irani në ujërat ndërkombëtare dhe bëjmë thirrje për lirimin e menjëhershëm bashkë me ekuipazhin." Kështu ka shkruar Zëdhënësja e Këshillit të Sigurisë Kombëtare Amerikane, Adrienne Watson, në një postim në X, duke shtuar se “ekuipazhi përbëhet nga qytetarë indianë, filipinas, pakistanezë, rusë dhe estonezë”.

Izraeli, në anën tjetër, ka thënë se Irani do t’i paguajë pasojat e përshkallëzimit të tensioneve në Lindje të Mesme.

Ora 20:59
Biden kthehet në Uashington për shkak të kërcënimit të Iranit ndaj Izraelit

Presidenti amerikan Joe Biden do të kthehet në Uashington të shtunën pasdite për konsultime urgjente me ekipin e tij të sigurisë kombëtare, mes alarmit për një sulm të mundshëm të Iranit ndaj Izraelit

Zoti Biden e ndërpreu udhëtimin e tij të fundjavës në Delauer herët, tha Shtëpia e Bardhë të shtunën, për të diskutuar mbi zhvillimet në Lindjen e Mesme. Teherani është zotuar të hakmerret për një sulm në Damask javën e kaluar nga i cili gjetën vdekjen një komandant i lartë i Gardës Revolucionare iraniane dhe gjashtë oficerë të tjerë, për të cilin Irani akuzon Izraelin.

Menjëherë pasi Shtëpia e Bardhë njoftoi ndryshimin e planeve të Presidentit Biden, Pentagoni tha se Sekretari i Mbrojtjes Lloyd Austin kishte folur me homologun e tij izraelit "për të diskutuar kërcënimet urgjente rajonale ... dhe e bëri të qartë se Izraeli mund të mbështetet plotësisht tek Shtetet e Bashkuara për t’u mbrojtur nga çdo sulm i Iranit dhe grupeve të mbështetura prej tij.”

Zyrtarët amerikanë kanë paralajmëruar për një sulm të masiv iranian ndaj Izraelit në përgjigje të sulmit izraelit në ambasadën e Iranit në Damask.

Mes tensioneve të shtuara, Garda Revolucionare e Iranit konfiskoi të shtunën një anije transporti që “lidhet me regjimin zionist (të Izraelit)” afër Ngushticës së Hormuzit” njoftuan mediat shtetërore në Teheran.

Më vonë, operatori i anijes, konsorciumi italiano-zvicerian “MSC” konfirmoi njoftimet se autoritetet iraniane kishin hipur në bordin e anijes së transportit.

Shtëpia e Bardhë kritikoi konfiskimin e anijes së transportit, e cila është pronë britanike.

“Ne bëjmë thirrje që Irani të lirojë anijen dhe personelin e saj menjëherë”, tha zëdhënësja e Këshillit të Sigurisë Kombëtare, Adienne Watson.
 

“Konfiskimi pa provokim i anijeve civile është një shkelje e rëndë e ligjit ndërkombëtar dhe një veprim pirat nga Korpusi i Gardës Revolucionare Islamike.”

Ndërkohë, Izraeli të shtunën vendosi të ndërpresë ekskursionet e shkollave dhe aktiviteteve të tjera për të rinjtë në ditët e ardhshme dhe vuri në gatishmëri të lartë forcat e tij ushtarake në përgjigje të kërcënimit për një sulm të mundshëm nga Irani.

Gjatë një konference televizive për shtypin, zëdhënësi i ushtrisë izraelit nënadmirali Daniel Hagari tha se dhjetëra avionë luftarakë po patrullojnë hapësirën ajrore në kuadër të masave të gatishmërisë së lartë.

Ai tha se "Irani do të vuajë pasojat nëse e përshkallëzon më tej situatën".

“Izraeli është në gatishmëri të lartë. Ne kemi rritur gatishmërinë për të mbrojtur Izraelin nga agresioni i mëtejshëm iranian. Ne jemi gjithashtu të përgatitur të përgjigjemi”, shtoi zëdhënësi Hagari në një deklaratë video.

Të premten, zoti Biden paralajmëroi Iranin kundër veprimeve hakmarrëse edhe pse tha se një sulm i Iranit mund të jetë i afërt. "Ne jemi të përkushtuar ndaj mbrojtjes së Izraelit. Ne do ta mbështesim Izraelin. Ne do të ndihmojmë në mbrojtjen e Izraelit dhe Irani nuk do të ketë sukses", tha ai.

Të enjten, Pentagoni tha se komandanti i forcave amerikane në Lindjen e Mesme ka shkuar në Izrael për bisedime mbi kërcënimet e sigurisë me udhëheqësit e ushtrisë izraelite.

Ngushtica e Hormuzit lidh Gjirin Persik me Oqeanin Indian dhe, sipas Administratës Amerikane të Informacionit mbi Energjinë, më shumë se një e pesta e konsumit vjetor të karburantit kalon përmes tij çdo vit./ vOA

Ora 18:42
Ushtria: Gjendet i vdekur 14-vjeçari izraelit që u zhduk në West Bank! Kryeministri Netanyahu: Do t'i kapim vrasësit

1713027234_netanyahu.jpg

14 vjeçari Benjamin Ahimeir, i cili u zhduk të premten në mëngjes në Bregun Perëndimor (West Bank) të pushtuar, është gjetur i vdekur. Lajmin e dhanë Forcat e Mbrojtjes së Izraelit. 

Në një reagim për vdekjen e 14 vjeçarit Kryeministri izraelit Benjamin Netanyahu u shpreh se "ushtria po ndjek vrasësit dhe këdo që bashkëpunoi me ta."

"Ne do të arrijmë te vrasësit dhe bashkëpunëtorët e tyre, siç bëjmë me këdo që dëmton qytetarët e shtetit të Izraelit", shtoi ai.

Ora 15:54
Gaza/ Afro 34 mijë palestinezë të vrarë dhe mbi 76 mijë të plagosur që nga fillimi i luftës

1713016551_Gaza.JPG

Ministria e Shëndetësisë në Gaza, e cila udhëhiqet nga Hamas, ka deklaruar se 33,686 palestinezë janë vrarë që nga fillimi i luftës me Izraelin, më 7 tetor të vitit 2023.

Ministria palestineze shton se 76.309 të tjerë janë plagosur si pasojë e luftimeve të ashpra.

Ora 07:45
SHBA pozicionon anije luftarake për t'u mbrojtur kundër Iranit

1712844513_luftanerripinegazes.JPG

Wall Street Journal raporton se Shtetet e Bashkuara kanë vendosur anije luftarake në pozicione për të mbrojtur jo vetëm Izraelin, por forcat e veta në Lindjen e Mesme, mes shqetësimeve në rritje se Irani mund të nisë një sulm të drejtpërdrejtë ndaj shtetit hebre.

M.Q./B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • poli: 14/04/2024 02:37

    nuk ia sel kollaj me arixhiun,,,,kane inat te keq arixhijte,,megjithese dhe izraelitet si jevgj jane...

    Përgjigju
  • Shkodrani-Belgjikë: 14/04/2024 00:13

    Amerika ka ngordhur dhe ska më forcë për asgjë. Biden plak matuf që srri dot në kambë. Forca Irani Turqia Palestina. Izraeli do të shfaroset.

    Përgjigju
  • San Giovanni: 13/04/2024 23:19

    Do t'a fitojë edhe këtë betejë Izraeli!

    Përgjigju
  • Israeli: 13/04/2024 23:16

    RROFT ISRAELI DHE SHQIPERIA MISIA E KETYRE DY KOMBEVE DO TE JETE E PA VDEKSHME. ISRAELI DUHET TE PERGJIGJESH SHUM ME ASHPER KUNDER ARABVE TE PRAPAMBETYR FELLIQESIRA OTOMANE. K"LLINI QE TE GJITH ATO SHTETE QE KENI PER RRETH.

    Përgjigju
    • Shkodrani-Belgjikë: 14/04/2024 00:10

      Injorant, me gjith çifutët vrasës izraelit, ne skemi asgjë të përbashkët me ju, Shqiptarës skan vrarë kurrë gra e fëmije o çifut. Çifutët çfarë kan lypur do gjejnë dhe do sharosen të gjithë.

  • Kasap Hysejn: 13/04/2024 22:40

    Opo shikoni ato iranjajt qe jon aty ne shqiperi . Leni ato te tjeret .

    Përgjigju
  • Ben: 13/04/2024 22:36

    Perfundimisht harrohet Ukraina,qari Putinit

    Përgjigju
  • USA: 13/04/2024 22:33

    Fitore Izraeli, duket se Lufta e shenjte sapo ka fillu

    Përgjigju
  • Bim: 13/04/2024 22:10

    Arben pij me pak raki se nuk qenke ne gjendje me e perballu

    Përgjigju
  • Arben: 13/04/2024 09:09

    Eshte e habitshme pse Amerika pret qe Irani te sulmoje e pastaj te pergjigjet. Amerika duhet te sulmoje e para qe te mos i jape mundesine Iranit te sulmoje i pari! Siç beri ne Irak qe nuk i dha mundesine Sadamit te perdorte arme kimike kunder popullit te tij!

    Përgjigju
    • Vata: 13/04/2024 22:53

      Arben sitë duket tya që janë vrarë 34,000 mijë jetë njerzish dhe Amerika ta sulmojë?Arben mos je edhe ti qifut që e përkrah krimet mizore që po bojnë qifutët,dhe prandaj lind pytja pse Gjermani nuk i ç'farosi si komb.

    • o beno: 13/04/2024 14:37

      ndoshta eshte vete ajo(amerika,si gjithmone) qe do e beje sulmin..sic beri ne Rusi ku paralajmeroi neneshtetasit e vet perpara sulmit te fundit

  • Tahipi: 13/04/2024 09:09

    Qa mbjell do korresh

    Përgjigju
  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Durrës/ 24-vjeçari plagoset me armë zjarri, paraqitet në spital! Rrethanat e paqarta

Durrës/ 24-vjeçari plagoset me armë zjarri, paraqitet në spital! Rrethanat e paqarta