UKRAINË- Ministri i Mbrojtjes në Rusi, Sergei Shoigu ka deklaruar se Rusia i frikësohet një “bombe të pistë ukrainase” dhe këtë shqetësim ia ka shprehur homologëve të tij francez dhe britanik, gjatë dy bisedave telefonike që ka zhvilluar. Mirëpo, Presidenti ukrainas Volodomir Zelensky ka thënë se kjo është një pretekst për një gjenocid. E ashtuquajtura “bombë e pistë” kombinon materialin radioaktiv me eksplozivët konvencionalë.
Nga ana tjetër, Zelensky ka deklaruar se Rusia ka nisur sulme të reja ajrore “në shkallë të gjerë” ndaj ndërtesave të energjisë së Ukrainës, ç’ka ka sjellë ndërprerje të energjisë thuajse në mbarë vendin. Sipas autoriteteve ukrainase 1.5 milion banesa kanë mbetur pa energji ndërsa janë dëmtuar 40 % e stacioneve të energjisë në vend. Mirë, Zelensky tha se shumica e raketave dhe dronëve të Rusisë, 18 nga 33 të lëshuara nga ajri dhe deti janë rrëzuar tashmë.
Sulmet e fundit ruse kanë goditur qytetet perëndimore të Hmelnitskit dhe Lutskut, por edhe qytetin Uman në Ukrainën qendrore, ku ka mungesa të energjisë elektrike. Sulmet ajrore po ashtu kanë shkaktuar ndërprerje të energjisë në Odesa në jug, në Dnipropetrovsk dhe Zaporizhja në juglindje të Ukrainës.
Kompania kombëtare e energjisë në Ukrainë u ka bërë thirrje ukrainase që ta kursejnë rrymën, ndërsa në kryeqytetin Kiev ka nisur reduktimi i energjisë. Zelensky tha se autoritetet kanë arritur të rikthejnë furnizimet me energji në disa rajone, ku rryma u ndërpre për shkak të sulmeve.
Ndërkohë shtabi i përgjithshëm i forcave të armatosura të Ukrainës ka bërë të ditur se që nga fillimi i pushtimit janë vrarë 67,470 ushtarë rusë.
Gjatë ditës është shënuar edhe një tjetër incident, ku një aeroplan ushtarak rus Sukhoi që po kryente një fluturim testues u rrëzua mbi një ndërtesë banimi dykatëshe në qytetin siberian të Irkutsk. Nga përplasja është konfirmuar vdekja e dy pilotëve , ndërsa ky është incidenti i dytë që ndodh brenda një jave pasi një tjetër avion ushtarak u përplas në një ndërtesë në Yeysk , duke vrarë 15 persona.
Njësitë e artilerisë dhe raketave të forcave ukrainase kanë kryer mbrëmë 130 sulme në pozicionet e pushtuesve rusë dhe në zonat ku janë përqendruar forcat armike në jug të vendit. Kjo është bërë e ditur nga komanda operacionale jugore e Kievit.
Ushtria ruse ka raportuat se ka goditur 7 depo ukrainase me karburant. Një bombardim në rajonin ukrainas të Cherkasi , në pjesën qendrore-lindore të vendit, çoi në shkatërrimin e një depoje që përmbante "më shumë se 100 mijë ton" karburant. Sulmi ndodhi në qytetin e Smelës , njoftoi sot zëdhënësi i ushtrisë gjeneral Igor Konashenkov në një deklaratë të mbledhur nga Interfax .
"Një depo karburanti me mbi 100,000 ton karburant aviacioni për forcat ajrore ukrainase u shkatërrua pranë fshatit Smela në rajonin Cherkasy," tha zëdhënësi i Ministrisë së Mbrojtjes Ruse Igor Konashenkov.
Ministri i Mbrojtjes në Rusi, Sergei Shoigu, i frikësohet një “bombe të pistë ukrainase” dhe këtë shqetësim, ia ka shprehur homologëve të tij francez dhe britanik, gjatë dy bisedave telefonike që ka zhvilluar. E ashtuquajtura “bombë e pistë” kombinon materialin radioaktiv me eksplozivët konvencionalë.
Një aeroplan ushtarak rus Sukhoi u rrëzua në një ndërtesë banimi në qytetin siberian të Irkutsk, raporton guvernatori rajonal Igor Kobzev në Telegram. Avioni, i cili po i nënshtrohej një fluturimi testues, u përplas me një shtëpi dykatëshe, duke lënë në flakë zonën e uzinës dhe dy pilotët u raportuan se kishin vdekur. Është incidenti i dytë i tillë që ndodh brenda një jave pasi një Sukhoi Su-32 u përplas në një ndërtesë në Yeysk , duke vrarë 15 persona.
A military plane crashed in Russia, again.
— ТРУХА⚡️English (@TpyxaNews) October 23, 2022
In Irkutsk, the Su-30, which had just taken off from the aircraft factory, fell on a two-story house. pic.twitter.com/TQGyY62clu
Divizioni i 101 i ushtrisë amerikane është spostuar në Evropë për herë të parë nga Lufta e Dytë Botërore. Janë më shumë se 4700 ushtarët elitë të këtij divizioni të sulmit ajror që ndodhen tashmë në Rumani, praktikisht pak kilometra nga fushëbeteja ukrainase.
“Jemi gati të mbrojmë çdo centimetër të territorit të NATO, kemi një kapacitet pothuajse unik, jemi divizion këmbësorie e lehtë por tejet e lëvizshme, me kapacitet sulmi ajror”, ka deklaruar komandanti i divizionit , gjenerali John Lubas.
Këto janë trupat amerikane më të afërta nga konflikti që nga shkurti po sheh Ukrainën e pushtuar në pjesën e saj juglindore nga forcat e dërguar a nga Kremlini. “Po monitorojmë nga afër forcat ruse”, pranuan komandantët amerikanë.
Të njohur edhe si “Screaming Eagle”, Shqiponja ulëritëse, divizioni shquhet për sulmet e saj ajrore, në veçanti të parashutistëve që janë dalluar në betejat më të njohura dhe të përgjakshme të Luftës së Dytë Botërore, si në Normandi, por edhe në Kore, Vietnam, Irak dhe Afganistan. Praktikisht kudo që Shtetet e Bashkuara kanë hyrë në luftë.
Komente
Lajme të tjera
-
Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024
25 Dhjetor, 17:38 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Dronët godasin ndërtesa të larta në Kazan të Rusisë
21 Dhjetor, 21:07
Pse po frikohet Rusija per nji bombe te piste te Ukraines ,xhdo bombe qe perdoret nda popullit te pa fajshem ,te moshuarve ,femijeve,grave te gjitha jane te pista ,pse Rusija mundet te kete te drejten te perdore cka don kurse tjereve tju ndalohet ,Ruset kane nji ideollogji te cuditeshme ku i kerkojne botes qe ta njohin Krimeen,Donbasin ,Luganskun por jane kunder njohjes te Kosoves inteligjenca Ortodokse Sllave .
Përgjigju