Kemi parë shumë aktivitete kundër dhunës ndaj grave dhe vajzave në gjithë këto vite, por pak dashuri e sidomos, akoma shumë dhunë. Gjithë eksperienca jonë 30 vjeçare, e një shoqërie të dalë nga dhuna më e tmerrshme ideologjike dhe e lirive themelore, reduktohet në atë që ende nuk e kemi mësuar ta bëjmë: Të luftojmë sinqerisht, me zemër, për mbrojtjen e grave dhe vajzave nga dhuna e një shoqërie ende patriarkale. Menduam se do të bëhej në këtë drejtim një revolucion, por mesa duket, kanë të drejtë ata që thonë se revolucioni nuk bëhet dot aty ku të gjithë njihen, e sidomos, kur ata/ato që duhet të mbrojnë, sa mbyllen reflektorët, kamerat e mikrofonat shndërrohen menjëherë në përfitues banalë fondesh, nxitës bulizmi, ushqyes diskriminimi për këdo.
Prandaj i vetmi shembull, e vetmja luftë origjinale dhe e sinqertë, për mbrojtjen e të drejtave të shkelura të të brishtëve të shoqërisë sonë, mbetet lufta e bërë nga përfaqësues të LGBT-së, sepse është një luftë e gjeneruar nga dashuria dhe dëshira e madhe për të qenë të barabartë.
Nëse vërtetë do të bënim një bilanc të kauzave të fituara, ajo e djemve dhe vajzave të LGBT, mbetet deri tani më e arrira, edhe pse tejet e vështirë në një terren si ky i shoqërisë sonë. Sigurisht, ka ende shumë e shumë për të bërë, por të shohësh që familje, institucione dikur dhunuese e persekutuese, sot shpesh jo vetëm që nuk bëjnë horroret e dikurshme, por me krenari janë në krah të personave LGBT, mund të konsiderohet si horizonti i një fitoreje.
Që në 1999 OKB u kërkoi shteteve, qeverive, Ojf-ve të bëjnë aktivitete ku të dënohet me forcë dhuna ndaj grave dhe vajzave. Shohim çfarë ndodh tek ne: Veç ndonjë deklarate që sa vjen e bëhet akoma më e vakët dhe e zbehtë, duket një luftë para të cilave janë dorëzuar jo vetëm kush ndërgjegjëson, por edhe kush e ka për detyrë të ngrejë zërin, të ndihmojë, të ndikojë.
Në këtë ditë media në Itali është e impenjuar duke u dhënë hapësirë fëmijëve, tashmë të rritur, të nënave të vrara nga baballarët e tyre. Vajza që tregojnë pa u trembur histori të tmerrshme, duket qartë se kanë kaluar përmes një rekuperimi dhe kujdesi institucionesh. Sigurisht, ne nuk jemi Italia. Duam të bëhemi një ditë. Po ku janë sot dhe si janë mbështetur për të kuptuar të vërtetën e nënave të tyre ata fëmijë të nënave të vrara dhe të dhunuara?
Lajme të tjera
-
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39 -
Dhuna ndaj grave, KiE: Shqipëria përparim, por ka ende çështje që duhen trajtuar me urgjencë
19 Shtator, 07:23 -
Durrës/ Dhunuan gratë e tyre dhe kundërshtuan punonjësit e policisë, arrestohen tre burra
18 Shkurt, 11:29 -
E vlerësoi Blinken, Dea Rozhani për Report Tv: Si lindi ideja për aplikacionin kundër dhunës ndaj grave
16 Shkurt, 19:45 -
Gjykata Europiane: Dhuna në familje është arsye për azil! Gratë e ekspozuara ndaj dhunës përfitojnë mbrojtje shtesë
17 Janar, 14:58 -
PD: Dhuna në familje alarmante, qeveria të mbështesë gratë
9 Janar, 11:48 -
Balla: Feminicidi, kambanë e madhe alarmi! 47% e grave kanë përjetuar dhunë në familje! Rritje e bashkëveprimit të çdo institucioni
13 Dhjetor 2023, 18:21 -
Ermal Meta publikon këngën e re: Kundër dhunës, le ti edukojmë fëmijët edhe me këngë
5 Dhjetor 2023, 19:59 -
Dhuna ndaj grave, Shtraza: Duhen më shumë fonde për shoqatat! Tusha: Janë rritur rastet e raportimit të dhunës
27 Nëntor 2023, 15:05 -
Dhuna ndaj grave e vajzave në Shqipëri, vijon denoncimi dhe përpjekja për t’i mbrojtur
26 Mars 2023, 08:18 -
Si është rritur ndëshkimi i dhunës ndaj grave nga viti 2012, hapësira në Kodin Penal që shfrytëzohet nga gjyqtarët abuzues për të lehtësuar killerat
7 Mars 2023, 12:26
-
Studim: Dhuna psikologjike dhe fizike te gratë shtatzëna ndikon në zhvillimin e trurit të foshnjes në të ardhmen
22 Shkurt 2023, 15:23
