POP 5

Lajmet më të lexuara të 5 minutave të fundit

Bota

Lufta në Gaza, 11 të vrarë dhe 15 të plagosur nga bombardimet e Izraelit në strehimoren e Al-Mawasi! Mes viktimave gra dhe fëmijë

IDF vijon të bombardojë Rripin e Gazës edhe në nisje të vitit 2025, shtohet numri i viktimave. Al Jazeera pezullon transmetimet në Bregun Perëndimor. Siria bisedime paqeje në Arabinë Saudite

Lufta në Gaza, 11 të vrarë dhe 15 të plagosur nga bombardimet e Izraelit në strehimoren e Al-Mawasi! Mes viktimave gra dhe fëmijë

Pamje pas bombardimeve izraelite në Al-Mawasi

Lufta në Lindjen e Mesme vijon me intensitet të lartë dhe viktima.

Të paktën 11 persona vdiqën dhe 15 të tjerë u plagosën në një sulm ajror izraelit, që goditi gjatë natës dhe mëngjesit të sotëm (1-2 Janar) një strehimore tendë që pret familjet e zhvendosura në Rripin jugor të Gazës, sipas burimeve mjekësore palestineze të cituara nga mediat lokale. 

Mes viktimave kishte edhe gra dhe fëmijë. Bastisja me sa duket ka ndodhur në zonën humanitare të al-Mawasi.

Ndërkohë, Autoriteti Kombëtar Palestinez ka njoftuar pezullimin e transmetimeve të Al Jazeera në Bregun Perëndimor për shkak të "shkeljeve të përsëritura të ligjeve". Këtë e raporton Wafa, duke saktësuar se pezullimi është i përkohshëm. 

Autoritetet akuzuan transmetuesin e Katarit për "përhapjen e dezinformatave dhe ndërhyrjen në punët e brendshme palestineze, nxitjen e ndarjes dhe jostabilitetit".

Nga ana tjetër, duket sikur Siria ka rënë në paqe të përkohëshme. Ministri i ri i Jashtëm sirian, Hasan al Shibani, tha gjatë vizitës së tij të parë zyrtare jashtë vendit, që nga marrja e detyrës pas rënies së regjimit të Bashar al Asad, se ai shpreson se udhëtimi i tij në Arabinë Saudite do të hapë një "një faqe të re të ndritshme" në marrëdhëniet dypalëshe midis dy shtete. 

"Sapo kam mbërritur në mbretërinë simotër të Arabisë Saudite, i shoqëruar nga Ministri i Mbrojtjes, Murhaf Abu Qasra dhe kreu i inteligjencës, Anas Jatab, raporton “La Repubblica”. 

Përmes kësaj vizite të parë në historinë e një Sirie të lirë, ne aspirojmë të hapim një faqe të re dhe e shkëlqyer në marrëdhëniet siriano-saudite, në përputhje me historinë e gjatë të përbashkët”, shkroi al Shibani në një postim në X.
 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cifuti: 02/01/2025 10:31

    Sa te ndyre qe jane cifutet dhe ata qe i perkrahin per te kryer kete masaker ndaj nje populli te pambrojtur , vendet perendimore te vetequajtura “demokratike “ duhet te kuptojne se bota po i urren dhe me keto masakra qe kane ndodhur do te ndryshojne shume gjera .

    Përgjigju
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Ndryshimet që priten në politikat arsimore në Shtetet e Bashkuara

Ndryshimet që priten në politikat arsimore në Shtetet e Bashkuara

4 Janar, 21:28