Lufta/ Shkëmbimi i të burgosurve për Pashkët Ortodokse! BE për Poloninë dhe Hungarinë: Veprimet e njëanshme të papranueshme

Presidenti rus Vladimir Putin u takua me Ministrin e Mbrojtjes të Republikës Popullore të Kinës Li Shanfu. Putin i tha ministrit kinez të Mbrojtjes Li Shangfu se vizita e fundit e presidentit kinez Xi Jinping në Rusi ishte "shumë produktive". Putin tha gjithashtu se ministritë e mbrojtjes të Rusisë dhe Kinës shkëmbejnë rregullisht informacione të dobishme dhe mbajnë stërvitje të përbashkëta.

"Ne jemi duke punuar në mënyrë aktive përmes agjencive ushtarake, duke ndarë rregullisht informacione të dobishme për ne, duke bashkëpunuar në fushën e ndërveprimit ushtarak-teknik dhe duke kryer stërvitje të përbashkëta”, tha ai.

Ministri kinez i Mbrojtjes Li Shangfu përsëriti lidhjet "e forta" me Moskën.

"Ne kemi lidhje shumë të forta, të cilat shkojnë përtej aleancave politiko-ushtarake të kohës së Luftës së Ftohtë" dhe janë "shumë të qëndrueshme", tha ai.

Trupat ruse kanë ndryshuar taktikat e tyre të granatimit të territorit ukrainas që nga fillimi i pranverës 2023, sipas Yurii Ihnat , zëdhënës i Komandës së Forcave Ajrore të Ukrainës, cituar nga Ukrinform .

"Të gjithë kishin dëgjuar për sulme masive në të gjithë Ukrainën që nga vjeshta dhe dimri, kur armiku në fakt përdori të gjithë arsenalin e tij strategjik të raketave të lundrimit dhe i gjuajti në infrastrukturën tonë kritike. Tani gjërat kanë ndryshuar," tha Ihnat. “Me fillimin e pranverës, armiku filloi të sulmojë kryesisht rajonet jugore, lindore dhe veriore.

Të dhënat e inteligjencës ukrainase raportojnë se Rusia kishte një rezervë prej 7,000 raketash S-300 deri disa muaj më parë. Që nga ajo kohë, shumë prej tyre janë përdorur, ndaj tani “duhet të kuptohet gjendja e këtyre raketave, nëse janë gati për përdorim, si janë ruajtur dhe nëse janë lagur apo jo”, shpjegon Inhat.

“Sot lutemi për ata që vuajnë nga lufta dhe persekutimi”. Kështu Joe Biden dërgoi urimet e tij më të mira për komunitetin e krishterë ortodoks që feston sot Pashkët , duke falënderuar gjithashtu njerëzit që "në të gjithë botën po shërojnë plagët dhe po mbrojnë dinjitetin e të gjithëve, duke mirëpritur refugjatët dhe duke mbrojtur të drejtat e njeriut".

Një total prej 130 ushtarësh ukrainas janë liruar nga robëria në fundjavën e Pashkëve Ortodokse, kanë autoritetet ukrainase. “Këmbimi i madh për Pashkë”, ka thënë Andriy Yermak, shef i zyrës presidenciale në Ukrainë, përmes një postimi në Telegram.

Ai e ka postuar një fotografi, në të cilën shihen dhjetëra burra të mbuluar me flamurin ukrainas blu e verdhë. “Janë duke u kthyer 130 njerëz tanë”.

Këmbimi i të burgosurve është bërë në zona të ndryshme në ditët e fundit, ka thënë Yermak. Pala ruse nuk ka konfirmuar ende diçka të tillë.

Rusia e ka nisur luftën në Ukrainë, më 24 shkurt të vitit të kaluar. Këmbimi i të burgosurve është pika e vetme në të cilin janë duke bashkëpunuar palët në luftë. Javën e kaluar, një total prej rreth 200 ushtarëve ukrainas dhe rusë janë këmbyer nga autoritetet.

Beteja e ashpër në territorin ukrainas vijon të jetë një përballje e frikshme dhe e rëndë për t’u kapërdirë në kohët moderne. Pamjet janë filmuar në zonën e Bakhmutit, atje ku dhe përleshjet mes palëve aktualisht janë më të rënda në javët e fundit.

Imazhe të pabesueshme vijnë nga lufta e ashpër në Ukrainë, ku një ushtar rus shpëtoi për një fill nga vdekja teksa u godit në kokë nga një plumb nga një snajper.

Ushtari, pjesë e mercenarëve të Wagner, shihet teksa goditet nga plumbi në helmetë dhe kontrollon vetën duke thënë “Jam ende gjallë”.

“Në Bakhmut po zhvillohen luftime të përgjakshme”, tha zëdhënësi i komandës ushtarake të Ukrainës Lindore, Sergy Cherevati për kanalin televiziv 1+1.          

“Në zemër të zonës urbane të qytetit po zhvillohen beteja të përgjakshme. Ushtarët tanë po bëjnë gjithçka për të ulur aftësinë luftarake të armikut dhe për të ulur moralin e tij. Çdo ditë, në çdo cep të qytetit, po ia dalin”, tha ai.