Ndërsa inkursioni ukrainas në Kursk vazhdon, zyrtarët ukrainas kanë njoftuar se po trajtojnë çështjen e hapjes së korridoreve humanitare.
Zëvendëskryeministrja Iryna Vereshchuk tha se Kievi po krijonte një "zonë të sigurt" në rajonin e Kurskut dhe planifikoi të organizojë ndihmë humanitare dhe korridore evakuimi për civilët që duan të shkojnë në Rusi ose Ukrainë. Lajmin e bën të ditur agjencia e lajmeve Reuters.
Po ashtu edhe avokati i popullit ukrainas për të drejtat e njeriut Dmytro Lubinets tha se duhet të garantohet furnizimi me ushqime, medikamente dhe mallra të tjera të nevojshme për popullatën civile.
![](https://shqiptarja.com/template/img/NO_ALFA_Kuadrate shqiptarja.png)
Ditën e sotme forcat ukrainase kryen një nga sulmet më të rënda me dron kundër katër aeroporteve ushtarake ruse.
Ministrja e Jashtme e Letonisë, Baiba Braze mbrojti inkursionin e Ukrainës në Rusi, duke shtuar se Kievi "ka të drejtë" të përdorë armët e furnizuara nga NATO.
Letonia është një nga aleatët më të vendosur të Ukrainës në NATO dhe jep 0.25% të PBB-së së saj në ndihmë ushtarake çdo vit, ka theksuar ajo gjatë një interviste për BBC.
Reagimi i saj vjen pasi presidenti rus Vladimir Putin i cilësoi përdorimin e armëve të NATO-s në territorin rus si vijë të kuqe.
Ndërkohë Braze hodhi poshtë pretendimet e zyrtarëve rusë se civilët po vriten nga forcat ukrainase si “propagandë”.
“Ka qenë shumë e qartë nga komunikimi ukrainas që në momentin e parë se sulmet e tyre janë kundër objekteve ushtarake,” tha ajo.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)