Presidenti rus Vladimir Putin ka urdhëruar prodhimin masiv dhe testimin e mëtejshëm të raketës balistike hipersonike të lëshuar kundër Ukrainës, Oreshnik, me rreze të mesme - deri në 5500 kilometra- - i testuar kundër një lokacioni ushtarak në Dnipro, në Ukrainë.
Presidenti rus tha se testet e transportuesit do të vazhdojnë "madje edhe në kushte luftarake, në varësi të situatës dhe natyrës së kërcënimeve të sigurisë" të Rusisë.
Nga ana tjetër, zëdhënësja e NATO-s Farah Dakhlallah lajmëroi se Sekretari i Përgjithshëm i NATO-s Mark Rutte u takua në Florida me presidentin e zgjedhur të SHBA-së, Donald Trump, me të cilin bisedoi mbi "çështjet e sigurisë globale me të cilat përballet aleanca". Sipas aleancës, takimi mes Rutte dhe Trump u zhvillua të premten e 22 nëntorit në Palm Beach.
Sa i përket luftës në terren, mediat e huaja raportojnë se një burrë vdiq dhe një fëmijë u plagos mbrëmë ( 22 nëntor 2024) nga një sulm rus në rajonin e Zaporizhzias, i cili vetëm në 24 orët e fundit ka pësuar 433 sulme, duke përfshirë 183 predha artilerie, shkruan Ukrinform, i cili citon guvernatorin rajonal, Ivan Fedorov.
Ish-komandanti i përgjithshëm i ushtrisë Ukrainës, Valery Zaluzhny, ka ngritur alarmin se Lufta e Tretë Botërore tashmë ka nisur, pasi Rusia po merr mbështetje të hapur nga aleatët e saj autokratikë, përfshirë Korenë e Veriut, Iranin dhe Kinën.
Në një ceremoni në Kiev, Zaluzhny deklaroi se rreth 10,000 ushtarë nga Koreja e Veriut po luftojnë përkrah trupave ruse në rajonin e Kurskut, ndërsa Irani ka dërguar mbi 8,000 dronë sulmues Shahed, duke ndihmuar gjithashtu Moskën të prodhojë teknologjinë për ndërtimin e tyre.
Ai tha se këta dronë po sulmojnë në mënyrë të hapur objektiva civile dhe ushtarake. Ndërkohë, armë të prodhuara në Kinë dhe Kore të Veriut po përdoren kundër Ukrainës.
Rusia, nga ana tjetër, ka nisur sulme me raketa të avancuara hipersonike, përfshirë një raketë "Oreshnik", e cila sipas Moskës është e pamundshme për t'u ndaluar.
Ndërsa Ukraina ka kryer sulme në brendësi të Rusisë me raketa britanike Storm Shadow dhe amerikane ATACMS, Rusia ka raportuar humbje, përfshirë edhe të një gjenerali të lartë nga Koreja e Veriut.
Zaluzhny bëri thirrje për më shumë mbështetje perëndimore, duke theksuar se fitorja është ende e mundur nëse partnerët ndërkombëtarë rrisin ndihmën ushtarake.
Zaluzhny, i njohur si "Gjenerali i Hekurt", u zëvendësua në shkurt, duke u pasuar nga Oleksandr Syrsky, një komandant me lidhje të ngushta me Presidentin Zelensky.
Dmitry Medvedev
Konflikti në Ukrainë mund të përfundojë pa kosto të mëtejshme për sa i përket jetëve njerëzore, nëse NATO ndalon ta ushqejë atë.
Kështu u shpreh në një intervistë për kanalin televiziv Al Arabiya, nënkryetari i Këshillit të Sigurimit rus, Dmitri Medvedev.
“Nëse blloku i NATO-s ndalon së ndezur flakët e luftës në Ukrainë, ky konflikt mund të përfundojë pa ndonjë kosto të mëtejshme për njerëzimin”, tha Medvedev.
Duke komentuar mundësinë e përdorimit të armëve bërthamore nga Rusia, siç është kërcënuar nga presidenti Vladimir Putin, Medvedev vuri në dukje se ky është një "opsion ekstrem".
Kim Jong Un
Paralajmërimi vjen nga Ministria e Mbrojtjes e Koresë së Veriut, e cila flet për një situatë që justifikon marrjen e masave vetëmbrojtëse.
"Ne paralajmërojmë fuqishëm Shtetet e Bashkuara dhe mbështetësit e saj armiqësorë ndaj Republikës Popullore Demokratike të Koresë" që të "ndërpresin menjëherë aktet armiqësore që gjenerojnë provokime dhe paqëndrueshmëri të mëtejshme dhe që mund të sjellin konfrontimin ushtarak në Gadishullin Korean dhe në afërsi të tij në një konflikt të vërtetë të armatosur", thuhet në një deklaratë të raportuar nga agjencia zyrtare e lajmeve KCNA.
Zyrtarët e mbrojtjes thonë më pas se "aventurizmi ushtarak" i SHBA-së "ka kaluar vijën e kuqe në shkallë globale".
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
E akuzon për spiunazh, Rusia dëbon diplomatin britanik
26 Nëntor, 15:33 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32
