ITALI – Mediat italiane kanë bërë publik emrin e shqiptarit që u vra pak pas mesnatës së 25 nëntorit në Marghera të Italisë.
Sipas “il Resto del Carlino” shqiptari i vrarë është Van Koxha, 40 vjeç. Në Marghera (një zonë e njohur për aktivitetin e trafikut të drogës) Koxha u godit për vdekje me thikë pas një përleshjeje që ndodhi rreth orës 22:00, në një park pranë via Rizzardi.
Van Koxha kishte shkuar për të takuar vëllain e tij në Veneto, pasi kishte përfunduar një dënim me arrest shtëpiak të caktuar nga gjykata e Fermos për çështje që lidhen me trafik droge. Plagët e thella nga goditjet me thikë rezultuan fatale. Gjithashtu edhe vëllai i tij u plagos gjatë përleshjes, por arriti të mbijetojë.
Tashmë autoritetit italiane janë më të sigurta se bëhet fjalë për larje hesapesh mes dy grupesh rivale lidhur me shitjen e lëndëve narkotike, por janë të forta gjithashtu dyshimet se sherri mund të ketë lindur nga përplasjet për kontrollin e lojës së tre kutive në zonë, që bëhet për të zhvatur turistët.
Lidhur me ngjarjen, policia arrestoi dy persona, të dy shtetas moldavë: njëri akuzohet për vrasje dhe tjetri për përfshirje në përleshje, ku ishin të pranishëm edhe tetë persona të tjerë.
Autori i krimit është identifikuar falë pamjeve të kamerave të sigurisë, dhe autoritetet janë të bindura për identitetin e tij.
Loja e 3 kutive
Lojë e tre kutive (e njohur edhe si “lojë e tre kapakëve” ose “tre gotat”) është një lojë mashtrimi që zakonisht zhvillohet në rrugë ose në ambiente publike. Ajo përfshin një mashtrues që vendos tre kuti, kapakë ose gota mbi një sipërfaqe dhe fsheh një objekt të vogël, zakonisht një top ose një gur, nën njërën prej tyre. Pasi i lëviz shpejt kutitë për t’i hutuar vëzhguesit, ai sfidon të pranishmit të gjejnë se ku është objekti.
Ku qëndron mashtrimi? Mashtruesi i lëviz kutitë me shpejtësi dhe përpiqet të ngatërrojë spektatorët. Përfshihen shpesh bashkëpunëtorë që veprojnë si pjesëmarrës të zakonshëm, për të fituar besimin e njerëzve duke pretenduar se fitojnë para. Kur viktima vendos bast për të treguar se ku është topi ose objekti, ai zakonisht e humbet bastin, pasi mashtruesi e ka manipuluar lojën për ta fshehur objektin ose për të ndryshuar rezultatin.
Lajme të tjera
-
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Xhenova/ Nuk pranonte të ndahej, shqiptari dhunon barbarisht të dashurën italiane dhe i thyen hundën! Policia e arreston 35-vjeçarin
27 Nëntor, 16:26 -
Milano/ I dënuar me 2,5 vite burg për shfrytëzim prostitucioni, arrestohet 31-vjeçari shqiptar i kërkuar! Gjykata e lë në arrest shtëpiak
27 Nëntor, 16:05 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Goditen dy grupe ‘skifterësh’ në Padova dhe Modena, 4 shqiptarë të arrestuar! Akuzohen për të paktën 20 vjedhje në seri, dy kishin prerë bileta avioni për arratisje
26 Nëntor, 16:53 -
Jorida Tabaku takohet me delegacionin nga parlamenti Italian: Procesi i Integrimit s'do të thotë që do mbyllim sytë nga problemet reale
26 Nëntor, 16:30 -
Itali/ I droguar në timon rrezikoi jetën e agjentëve, arrestohet 35-vjeçari shqiptar! Rikthehet në burg që të vuajë dënimin e mbetur për vrasje
26 Nëntor, 16:08 -
Itali/ Shqiptari vritet me thikë, plagoset i vëllai, në pranga 2 shtetas nga Maqedonia e Veriut
26 Nëntor, 11:06 -
Vrasja në Itali pas sherrit në lokal, ja kush është shqiptari Nikolin Nika! Baba i dy fëmijëve të mitur dhe me origjinë nga Shkodra, të panjohura motivet
25 Nëntor, 17:02 -
Media italiane: Plani B i Melonit për qendrën e emigrantëve në Gjadër
25 Nëntor, 11:33
-
E rëndë në Itali, shqiptari vritet me kaçavidë, arrestohet bashkëatdhetari, krimi pas sherrit në lokal (EMRI+VIDEO)
25 Nëntor, 11:18 -
Itali/ I gjejnë në makinë 16 kg kokainë, arrestohet shqiptari (VIDEO)
25 Nëntor, 10:45
