Lufta në Ukrainë/ Zelensky prezanton Planin e Fitores në Parlamentin e Kievit! Bën thirrje që vendi i tij të anëtarësohet në NATO

Zelensky iu drejtua parlamentit ukrainas për të prezantuar përmbajtjen e planit të fitores të përmenduar shpesh nga ai së fundmi dhe për të cilin ai bëri edhe një takim me liderët europian të shteteve kryesore aleate jaën e kaluar. Plani i tij ka dy shtylla kryesore ndërsa pika e parë parashikon futjen e saj në aleancën veriatlantike.

"Ne, ukrainasit, së bashku me partnerët tanë, duhet të ndryshojmë rrethanat në mënyrë që lufta të përfundojë pavarësisht se çfarë dëshiron Putin. Nëse fillojmë të lëvizim me këtë ide, me këtë plan specifik të fitores tani, ne mund ta përfundojmë luftën jo më vonë se vitin e ardhshëm" ka thënë Zelensky.

Kjo do të ishte sipas Presidentit ukrainas një lëvizje e pakundërshtueshme për Rusinë dhe Vladimir Putin, pasi do ta detyronte atë të kërkonte paqen. Zelensky kërkon gjithashtu edhe një përforcim të sistemit të mbrojtjes së ukrainës. 

"Pika e dytë është mbrojtja. Një forcim i pakthyeshëm i mbrojtjes ukrainase kundër agresorit. Është realiste të mbrojmë pozicionet tona në fushën e betejës në Ukrainë dhe në të njëjtën kohë është detyra jonë të kthejmë luftën në territorin e Rusisë”, shtoi ai

Zelensky foli edhe për një paketë gjithëpërfshirëse të parandalimit strategjik jo-bërthamor, që do të jetë e mjaftueshme për të mbrojtur Ukrainën nga çdo kërcënim ushtarak nga Rusia dhe që do të ngushtojë maksimalisht gamën e veprimeve ruse duke dobësuar aftësinë e saj për të vazhduar një luftë agresive.

Xh.K/r.k./Shqiptarja.com

TAG:
• Rusi
• plani i fitores
• Volodymyr Zelensky
• lufta ne ukraine