Trupat e gjashtë pengjeve të marra nga Hamasi më 7 tetor u gjetën në një tunel në zonën Rafah të Rripit të Gazës. Këtë e konfirmojnë forcat e armatosura të Izraelit. Trupat e Carmel Gat, Eden Yerushalmi, HershGoldberg-Polin, Alexander Lobanov, Almog Sarusi dhe Ori Danino u dërguan në Izrael, thuhet në një deklaratë.
Mes trupave të gjashtë pengjeve, ishte edhe ai i izraelito-amerikanit Hersh Goldberg-Polin. Këtë e ka bërë të ditur presidenti amerikan Joe Biden.
"Sot, në një tunel nën qytetin e Rafah, forcat izraelite gjetën gjashtë trupa pengjesh të mbajtura nga Hamasi", duke përfshirë atë të Hersh Goldberg-Polin, shpjegoi Biden në një shënim, duke thënë se ai ishte "i shkatërruar dhe i indinjuar”.
"Udhëheqësit e Hamasit do t’i paguajnë për këto krime. Dhe ne do të vazhdojmë të punojmë gjatë gjithë kohës për të arritur një marrëveshje që garanton lirimin e pengjeve të mbetura," tha ai.
Ndërkohë Kryeministri izraelit Benjamin Netanyahu tha se ata që vrasin pengjet nuk duan marrëveshje.
"Hamasi refuzon të negociojë. Ata që vrasin pengjet nuk duan një marrëveshje," tha ai.
Familjet e të rrëmbyerve i kishin kërkuar kryeministrit që të fliste publikisht.
Tre policë izraelitë u vranë në Tarqumiyah, një qytet jo shumë larg Hebronit, në Bregun Perëndimor.
Kreu i policisë izraelite, Danny Levy, e konfirmoi këtë kur takoi gazetarët në terren. Tre oficerët, raporton Times of Israel, u qëlluan ndërsa ishin në një makinë.
Tre policë izraelitë u vranë në Tarqumiyah, një qytet jo shumë larg Hebronit, në Bregun Perëndimor.
Kreu i policisë izraelite, Danny Levy, e konfirmoi këtë kur takoi gazetarët në terren. Tre oficerët, raporton Times of Israel, u qëlluan ndërsa ishin në një makinë.
Pas zbulimit të 6 viktimave të reja mes izraelitëve të rrëmbyer nga Hamasi më 7 tetor, forumi i familjeve të pengjeve nis apelin për një grevë të përgjithshme që do të mbahet nesër, duke ndalur ekonominë e shtetit hebre për një ditë.
Qëllimi është të ushtrojë presion të mëtejshëm ndaj qeverisë Netanyahu, e akuzuar se nuk ka bërë përpjekje të mjaftueshme për të liruar pengjet që ende mbahen në Gaza.
‘Udhëheqja kombëtare i ka braktisur të rrëmbyerit dhe kjo është koha që lidershipi social, ekonomik dhe vendor të ngrihet dhe të mbyllë ekonominë nesër’.
Shtabi i familjeve të pengjeve u bën thirrje dhe pushtetit vendor që të mbyllë nesër ekonominë dhe shtetin, të bëjë presion mbi qeverinë dhe kryeministrin për të shpëtuar pengjet që janë ende gjallë dhe për të rimarrë trupat e të vdekurve.
"Unë u them terroristëve të Hamasit që vranë pengjet tanë dhe u them udhëheqësve të tyre: ne nuk do të ndalemi dhe nuk do të heshtim. Ne do t'ju ndjekim, do t'ju kapim dhe do t'ju nxjerrim në gjyq."
Këtë e deklaroi kryeministri izraelit Benjamin Netanyahu në një video-mesazh të publikuar pas zbulimit të trupave të gjashtë pengjeve në një tunel në Rafah, në pjesën jugore të Rripit të Gazës.
Foto: Hersh Goldberg-Polin, viktima izraelito-amerikan
Zyrtari i lartë i Hamasit, Izzat Al-Rishq tha se gjashtë të burgosurit izraelitë të gjetur të vdekur në një tunel në Rripin jugor të Gazës u vranë nga sulmet ajrore izraelite.
Al-Rishq fajësoi gjithashtu Shtetet e Bashkuara për "paragjykimin, mbështetjen dhe partneritetin" e tyre në luftën 11-mujore.
Një nga pengjet që vdiq ishte edhe djali 23-vjeçari izraelito-amerikan, ndërsa një tjetër ishte ruso-izraelit.
Komente
Lajme të tjera
-
Lufta në Rripin e Gazës/ OBSH: Fushata për vaksinimin e 640 mijë fëmijëve fillon nesër! Në 24 orë 89 palestinezë u vranë nga Izraeli
31 Gusht, 15:33 -
Ushtria izraelite vazhdon operacionin ushtarak në Bregun Perëndimor
30 Gusht, 15:35 -
OBSH: Izraeli pranon armëpushim ditor në Gazë për vaksinimin e popullatës
30 Gusht, 15:16 -
Lufta/ Kamala Harris: Nuk do ta ndryshoj politikën e Biden për armët ndaj Izraelit! OKB: Pauzë humanitare në Gaza për vaksinimin ndaj poliomielitit
30 Gusht, 08:06 -
Lufta në Gaza/ Borrell: S’ka unanimitet për sanksionet ndaj ministrave izraelitë! OBSH: Marrëveshje për pauza për vaksinimet kundër poliomielitit
29 Gusht, 22:14 -
Lufta/ Izraeli operacion masiv në Bregun Perëndimor, 10 palestinezë të vrarë! Automjeti i OKB-së goditet nga ushtria izraelite në Gaza
28 Gusht, 22:22 -
VIDEO/ Momenti i frikshëm kur raketa izraelite hedh në erë pallatin në Gaza, shpëtojnë për mrekulli banorët!
28 Gusht, 08:37 -
Zëdhënësi i Shtëpisë së Bardhë, John Kirby: SHBA do ta mbrojë Izraelin në rast të një sulmi nga Irani
27 Gusht, 22:49 -
Ushtria izraelite shpëton një tjetër person të marrë peng nga Hamasi
27 Gusht, 16:48 -
Izraeli bombardon përsëri Gazën, të paktën 9 të vdekur! Kolonët izraelitë sulmojnë fshatin pranë Betlehemit, një i vrarë dhe 2 të plagosur
27 Gusht, 07:45 -
Lufta s’ndalet, Izraeli bombardon përsëri, të paktën 5 të vdekur! Hezbollahu i përgjigjet, sirena alarmi në Golan, kreu i OKB: Thellësisht i shqetësuar
26 Gusht, 08:35 -
Izraeli dhe Hezbollahu buzë konfliktit që asnjëra palë s’e dëshiron
25 Gusht, 22:41
kur sulmuan izraelin dhe vrane me qindra festonin rrugeve me flamuj dhe borie makinash, sot do t paguajne deri ne nje nga i vogli tek i madhi, se edhe ata kur te riten terrorista do te behen
PërgjigjuCa lloj kafshe duhet te jesh te komentosh keshtu?
Ka me mijera palestinez ende nen rrenoja.
PërgjigjuShume pak , ta kujtojnë mir 7 tetorin