Pritjes i erdhi fundit. Sonte në mbrëmje luhet finalja e Euro 2020 Itali-Angli në mitikun “Wembley” në shtëpinë e anglezëve. Do të përcaktohet skuadra që do të pasojë Portugalinë si kampione e Europës në një nga sfidat më të shumëpritura për të dyja e ekipet. 55 vite ka Anglia që nuk fiton një turne të madh ndërsa gati po aq ka edhe Italia që nuk shpallet kampione e Europës.Skuadrat janë gati në çdo detaj me dëshirën dhe vetëbesimin se do të ngrenë në qiell trofeun. “Tre luanët” luajnë në shtëpinë e tyre dhe përpara rreth 50 mijë anglezëve në “Ëembley” ndërsa skuadra e Mancinit do kërkojë që të ndihen ata 10 mijë italianë të pranishëm në stadium. Të dy trajnerët duket se e kanë ndarë mendjen për formacionin dhe tek “të kaltërit” konfirmohet Chiesa e Immobile në sulm apo edhe Emerson në mbrojtje. Trajneri Roberto Mancini vlerëson rivalët anglez si një skuadër të fortë por sqaron se edhe Italia është e tillë dhe deklaron : “Është një nga momentet më të rëndësishme të karrierës time dhe shpresoj që sot të marr ato emocione që si lojtar me Kombëtaren nuk i përjetova” e mbyll Mancini. Italia ka një rekord fantastik me 33 ndeshje pa humbje dhe për këtë ka një meritë të madhe edhe kapiteni Chiellini i cili jep recetën si fitohet finalja: “ Ndaj Anglisë do duhet zemër e ngrohtë e mendje e ftohtë. Kane është një sulmues i jashtëzakonshëm” saktëson mbrojtësi italian.
Për herë të parë në finalen e një Europiani dhe mundësia e artë për trofe pas 55 vitesh bëjnë që kjo e sotmja të quhet si dita e shënuar për Anglinë. Të gjithë besojnë tek triumfi i skuadrës së Southgate dhe po bëjnë gati festën e madhe. Edhe “tre luanët pritet të zbresin në fushë me të njëjtin formacion që mposhti Danimarkën. Për trajneri Gareth Southgate ky është momenti: “Jemi në finale dhe do luajmë për të fituar. Dua të kthehem në shtëpi me kupën në duar pasi duam të bëjmë diçka të rëndësishme, unike. Ky është momenti jonë dhe duam trofeun” e mbyll trajneri i Anglisë. Kapiteni Harry Kane autor i 4 golave thotë se nuk ka vend më të mirë se “Ëembley” që Anglia të fitojë trofeun e dytë dhe sqaron se ndaj me dyshen Chiellini-Bonucci do jetë betejë. Skuadra ka marrë mbështetjen e Mbretëreshës e kryeministrit Johnson dhe tifozëve që mezi presin të festojnë. Vetëm një gol ka pësuar Anglia deri tani ndërsa ka shënuar dhjetë. Në 27 përballjet mes Italisë e Anglisë 10 i kanë fituar të kaltërit e 8 anglezët ndërsa 9 janë mbyllur në barazim por Italia nuk humbet ndaj “tre luanëve” në turnetë madhor.Sonte e gjithë Europa është me sy e veshë në “Ëembley”, përcaktohet kampionia e re e Europës dhe finalja Itali-Angli premton emocione e spektakël.
Lajme të tjera
-
Skandal me bastet sportive në Turqi, mediat: Grupet kriminale blenë ekipe edhe në Shqipëri për trukimin e rezultatit
12 Nëntor, 19:17 -
Futbolli shqiptar në zi, ndahet nga jeta legjenda e futbollit Sefedin Braho
6 Tetor, 13:46 -
Eduard Zaloshnja: Gjasat për katërshen e Ligës së Kampioneve dhe Superiores
23 Gusht, 13:19
-
Shqipëri-Itali/ Ajo energji gjigande kërkon një kanalizim pozitiv
16 Qershor, 12:47
-
‘Lojtarët janë në ankth për listën e Europianit’, Sylvinho: Me Suedinë do ketë ndryshime në formacion
24 Mars, 17:48 -
VIDEO/ U godit nga rrufeja dhe hyri në koma, 16-vjeçarit i cili i pushoi zemra rikthehet të luajë futboll
26 Shkurt, 15:10 -
Kampionati Europian i Futsallës për priftërinj në Shkodër, Duka: Futbolli, forcë e jashtëzakonshme
6 Shkurt, 12:53 -
Wanda Nara përshkruan natën e parë erotike me Icardin: Dysheku u shkatërrua totalisht, të nesërmen pija qetësues
16 Janar, 19:58 -
Shorti i 'Euro2024', Ramadani preferon përballjen me dy ekipe ‘big’ por e pamundur
2 Dhjetor 2023, 11:31 -
Liga e Kombeve/ Irlanda ‘përmbyt’ kombëtaren shqiptare të femrave nën rebeshin e Shkodrës
31 Tetor 2023, 20:00 -
Tiranë/ I mori para një personi që ta bënte pjesë së skuadrës, arrestohet ish-trajneri i futbollit
27 Shtator 2023, 16:30 -
Humbi me Shqipërinë, Polonia shkarkon trajnerin Santos, golat e Asanit dhe Dakut ndëshkojnë portugezin
13 Shtator 2023, 18:29
