POP 5

Lajmet më të lexuara të 5 minutave të fundit

Sport

Lukaku i kërkon falje dhe rikthim si zikaltër, tifozët e Interit: S'ka rëndësi kush ikën në shi, por kush qëndron në breshër

Romelu Lukaku i ka kërkuar falje tifozëve të Interit për largimin në merkaton e verës. Sulmuesi 28-vjeçar gjithashtu ka kërkuar të rikthehet, por tifozët zikaltër i kanë bërë të qartë sulmuesit se nuk është më në zemrat e tyre.

Ish-futbollisti i Interit që tani luan me kampionët e Europës Chelsea-n, Romelu Lukaku, ka shkatuar furtunë në media me deklaratat e tij. 28-vjeçari, i cili në verë la zikaltërit për t’u transferuar në Premier League, i ka kërkuar falje tifozëve të Interit për braktisjen në një moment delikat të klubit.

Për ‘Sky Sport’ belgu është shprehur se ‘nuk ishte momenti i duhur’, ndërsa ka shtuar se s’është i lumtur te Chelsea. Fjalët e sulmuesit kanë mërzitur pamasë trajnerin e londinezëve Thomas Tuchel, i cili është shprehur se kjo intervistë nuk e ndihmon aspak ambientin.

Për gjithçka është thënë sot nuk kanë munguar as lajmet se Lukaku mund të rikthehet në janar te Interi. Vetë futbollisti ndër të tjera është shprehur ‘se do të rikthehet te zikaltërit sa më shpejt të jetë e mundur dhe jo në fund të karrierës, pasi është një tifoz i Interit’. Për momentin ka shumë detaje që duhen negociuar dhe më e rëndësishmja është paga e sulmuesit, 12 milionë euro në sezon.

Gjithsesi falja e kërkuar nga Lukaku si dhe dëshira për t’u rikthyer nuk është pëlqyer shumë nga tifozët ultras të Interit. Para stadiumit ‘San Siro’ ata kanë vendosur sot një vanderolë ku shkruhet: “Nuk ka rëndësi kush ikën në kohë shirash, rëndësi ka kush qëndron në stuhi. Përshendetje Lukaku”.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

DASH e cilëson 'retorikë të papërgjegjshme' kërcënimin e Medvedevit ndaj NATO-s

DASH e cilëson 'retorikë të papërgjegjshme' kërcënimin e Medvedevit ndaj NATO-s

18 Dhjetor, 20:06