POP 5

Lajmet më të lexuara të 5 minutave të fundit

Lukaku në Milano javën e ardhshme, sot dita e Mkihtaryan te Interi! Zikaltërit në negociata për shitjen e Skriniar

1 vit pasi Chelsea pagoi një mal me lek Inter ka arritur marrëveshjen për huazimin e Romelu Lukakut. Belgu javën e ardhshme do jetë në Milano, ndërsa klubi zikaltër po negocion me Paris Sg për shitjen e mbrojtësit Skrianiar.

Mungon vetëm zyrtarizimi, por Romelu Lukaku mund të cilësohet pa frikë si rikthimi i madh te Inter vetëm pas një sezoni te Chelsea, klubi që verën e shkuar e bleu për 113 milionë euro. Mediat në Itali dhe Angli, por mbi të gjitha gazetari më ekspert i merakatos Fabrizio Romano saktëson se zikaltërit kanë arritur marrëveshjen për huazimin 1-vjeçar.

Për Chelsea-n do shkojnë 8 milionë euro plus 4 të tjerë në formë bonusesh, ndërsa nuk ka asnjë klauzolë për blerje përfundimtare. Ishte dëshira e madhe e futbollistit për t’u rikthyer në Milano pas sezonit të dobët në Premier League. Për t’u bashkuar me ekipin ku u shpall kampion 28-vjeçari hoqi dorë nga rroga 12 milionë euro në sezon, pasi tani do marrë 8 milionë euro.

Vizita mjeksore Lukaku do t’i kryej javën e ardhshme, ndërsa më pas do bëhet edhe zyrtarizimi. Sot ndërkohë është rradha e Mkihtaryan që të kryejë testet, ndërsa ka firmosur një kontratë ku do fitojë 4 milionë euro në sezon te Interi. Një ditë më parë klubi rinovoi kontratën me trajnerin Inzaghi, i cili do jetë pesë e zikaltërve deri në qershor të 2024.

Inter gjithashtu po negocion edhe me merkaton në dalje, pasi Skriniar mund të përfundojë te Paris SG. Klubi i sheikëve deri më tani ka ofruar 60 milionë euro për sllovakun, por italianët duan 70 në tavolinë për të nisur negociata. Për lojtarin është gati kontrata deri në 8 milionë euro në sezon. Në ditët e ardhshme pritet të arrihet edhe marrëveshja, teksa Skriniar pritet të zëvendësohet nga Bremer.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

27 Janar, 20:43