Alexander Lukashenko, sunduesi autoritar i Bjellorusisë, tha se ka urdhëruar mbylljen e plotë të kufirit me Ukrainën, me pretendimet se nga vendi fqinj po hyn një sasi e madhe armësh.
Njoftimi u bë përmes medias shtetërore, më 2 korrik. Lukashenka nuk i vërtetoi me asnjë fakt pretendimet e tij. Regjimi i tij po përballet me presion ndërkombëtar për shtypjen e opozitës dhe protestuesve, pas rezultateve të kundërshtuara të zgjedhjeve presidenciale të mbajtura në gusht të vitit 2020.
Bashkimi Evropian, Shtetet e Bashkuara dhe vendet e tjera kanë vendosur sanksione ndaj entiteteve bjelloruse dhe rrethit të ngushtë të Lukashenkos për dhunën ndaj aktivistëve pro-demokracisë dhe politikanëve të opozitës. Rezultatet e zgjedhjeve e nxorën fitues Lukashenkon, por opozita thotë se zgjedhjet ishin të manipuluara dhe Perëndimi ka refuzuar të njohë rezultatet zyrtare si dhe nuk e konsideron Lukashenkon si udhëheqësin legjitim të vendit.
Lukashenko gjithashtu pretendoi se disa “qeliza të fjetura terroriste” të lidhura me Gjermaninë, Shtetet e Bashkuara, Lituaninë, Poloninë dhe Ukrainën janë ekspozuar në Bjellorusi, sipas agjencisë së lajmeve BelTA. Vendet e përmendura nga Lukashenko ende nuk i kanë komentuar deklaratat e tij.
Më herët, autoritetet lituaneze thanë se migrantët vazhdojnë të arrijnë nga Bjellorusia. Shërbimi i Sigurisë së Kufirit Shtetëror tha përmes një deklarate se 150 emigrantë të paligjshëm ishin zënë derisa po përpiqeshin të kalonin në mënyrë të paligjshme kufirin Bjellorusi-Lituani. Që nga janari, numri i përgjithshëm i emigrantëve të paligjshëm, të cilët hynë ilegalisht në Lituani nga Bjellorusia është 822, shtoi deklarata. Lituania ka kërkuar ndihmën e agjencisë evropiane për kufijt, Frontex, për shkak të fluksit të migrantëve.
Lituania ka qenë një nga vendet më kritike ndaj Lukashenkss. Shteti baltik i ka ofruar strehë, Svyatlana Tsikhanouskaya, për të cilën mbështetësit thonë se ishte fituesja e vërtetë e zgjedhjeve në Bjellorusi./REL
Lajme të tjera
-
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet
26 Dhjetor, 13:23 -
Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat
26 Dhjetor, 08:46 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Ukraina godet me dronë në thellësi të territorit rus
21 Dhjetor, 15:40 -
Dëmtimi i Ambasadës së Shqipërisë në Ukrainë, SHBA dënon sulmin me raketa të Rusisë
21 Dhjetor, 09:40 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
Sulmet me raketa ruse dëmtojnë ambasadën shqiptare në Kiev! Reagon Tirana: Brutale! Hasani thërret ambasadorin rus, i shpreh protestën e qeverisë shqiptare (VIDEO+FOTO)
20 Dhjetor, 14:50 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Demush Shasha: Kokëfortësia e dilemës evropiane
19 Dhjetor, 21:02
-
Polonia regjistron më shumë migrantë në kufi me Bjellorusinë
19 Dhjetor, 16:49 -
Shqipëria dërgon ushtarë në komandën e NATO-s për të trajnuar forcat e Armatosura të Ukrainës
18 Dhjetor, 18:08
