POP 5

Lajmet më të lexuara të 5 minutave të fundit

Bota

Lukashenko fiton mandatin e shtatë në Bjellorusi, BE-ja i cilëson votimet si të rreme

Aleksandër Lukashenko shpalli fitoren e zgjedhjeve presidenciale të së dielës në Bjellorusi, ku mori 86.8% të votave duke marrë mandatin e tij të 7 pas 31 vitesh në pushtet. Perëndimi nuk e njeh rezultatin ndërsa Lukashenko thotë se nuk i intereson kjo gjë

Udhëheqësi i Bjellorusisë, Alexander Lukashenko, zgjati sundimin e tij 31-vjeçar me një fitore masive të zgjedhjeve. Vendi mbajti zgjedhjet presidenciale të dielën dhe sipas rezultateve të komisionit qendror të zgjedhjeve, Lukashenko mori 86.8% të votave.

Qeveritë perëndimore i kanë hedhur poshtë rezultatet dhe i cilësojnë ato si të pavërteta. Politikanët evropianë thanë se votimi nuk ishte as i lirë dhe as i drejtë, sepse mediat e pavarura janë të ndaluara në shtetin ish-sovjetik dhe të gjitha figurat kryesore të opozitës janë dërguar në ndjekje penale ose janë detyruar të ikin jashtë vendit. Lukashenko, një aleat i ngushtë i presidentit rus Vladimir Putin, ka thënë se nuk i intereson nëse Perëndimi i njeh zgjedhjet.

“Disa zgjodhën burgun, disa zgjodhën internimin, siç thoni ju. Ne nuk dëbuam askënd nga vendi dhe për më tepër, ne e hapëm vendin”, tha Lukashenko.

Zyrtarët bjellorusë thanë se pjesëmarrja ishte 85.7% në zgjedhje, në të cilat 6.9 milionë njerëz kishin të drejtë të votonin. Ministri i Jashtëm i Polonisë shprehu habinë tallëse në një postim në X se vetëm 87.6% e votave të parashikuara duket se mbështesin Lukashenkon, duke vënë në dyshim nëse pjesa tjetër mund të futeshin brenda burgjeve Në rrugët e Minskut përpara zgjedhjeve, votuesit dukej se mendonin se rezultatet ishin vendosur tashmë.

“Njëlloj si më parë, kështu ka shkuar gjithmonë. Çfarë ka për tu menduar”, tha një votuese.

BE dhe SHBA kanë thënë se nuk e njohin Lukashenkon si liderin legjitim të Bjellorusisë pasi ai përdori forcat e sigurisë për të shtypur protestat në zgjedhjet e fundit në 2020. Këto zgjedhje, Lukashenko nuk u përball me asnjë sfidë serioze nga katër kandidatët e tjerë në fletëvotim. Ndërsa rezultati nuk ishte kurrë në dyshim.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi