POP 5

Lajmet më të lexuara të 5 minutave të fundit

Kronikë

Luleshtrydhja shqiptare në tregjet Europiane, fermeri nga Kafaraj: Importuesit kryesor Italia, Maqedonia e Veriut dhe Bullgaria! Kërkojmë subvencione nga qeveria

Tashmë jemi në sezonin e luleshtrydheve e cila po kultivohet masivisht nga fermerët e Kafarajt në Fier. Aktualisht 85% e prodhimit shkon për eksport, thonë fermeri Kostandin Troka. Italia zë vendin e parë, e pas saj Bullgaria e Maqedonia

Fermerët e Kafarajt në Fier e kanë bazuar ekonominë familjare tek kultivimi i luleshtrydheve. Sot ata janë ndër eksportuesit kryesor të këtij fruti.

Dy javë nga nisja e sezonit të vjeljes, nga serat e prodhuesve të Kafarajt janë transportuar drejt Italisë rreth 100 ton luleshtrydhe.

Me një përvojë 11 vjeçare në kultivimin e luleshtrydhes, fermeri Kostandin Troka tregon se vetëm 10-15 % e prodhimit shitet ne tregun vendas, ndërsa pjesa më e madhe për eksport.

'Sipërfaqja që është këtu në Kafarajt gati zë 500 dynym, rreth 50 ha. Cilësia është shumë e mirë për arsye se ekziston edhe një përvojë shumëvjeçare e bashkëfshatarëve'- tha fermeri Kostandin Troka.

Sipërfaqja e tokës së mbjellë në Kafaraj shkon në rreth 50 ha. Cilësia e lartë e prodhimit e bën atë të preferuar për të huajt.

'Ky vit është një vit më i mbarë nga vitet e tjera pasi ka pasur eksport. Zakonisht në vendin tonë konsumohen rreth 15 % jo më shumë, ndërsa pjesa tjetër shkon për eksport . Destinacion është Italia, Serbia, Maqedonia, Kosova dhe Bullgaria.'- tha më tej fermeri.

Fermeri i drejton një apel qeverisë për të mbështetur me subvencione kultivuesit e kësaj zone.

'Ne kërkojmë që në sera të ketë subvencionime nga shteti se mirë unë që i kam jashtë njerëzit, po ka dhe nga ata që s’kanë mundësi për të krijuar sera'- tha fermeri Kostandin Troka.

Shumë banorë në fshatin Kafaraj të Fierit, kultivojnë luleshtrydhen në serat e tyre duke e shndërruar në një biznes fitimprurës gjatë 10 viteve të fundit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vizitori: 26/02/2021 20:04

    Po kur xhiron kamera,vini dorashka e ndo1 maskë të paktën???!!!..hajde fshati ,po pse mbyteni në një pikë ujë?!

    Përgjigju
  • vera: 26/02/2021 18:32

    BRAVO KAFARAJ,,,,EKSPORTONI SA ME SHUME POR MUNDOHUNI TE KAPNI CMIME TE LARTA,,,JO TI SHISNI BADIAVA,,,,DHE RUANI CILESINE E TOKES.....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46