POP 5

Lajmet më të lexuara të 5 minutave të fundit

Kultura

‘Lulet e Pranverës’ ‘çelin’ në Teatrin e Operas, Kastriot Tusha dhe Aranit Hoxha rrëfejnë koncertin

Mbrëmjen e së mërkurës pa për herë të parë dritën e skenës me Ansamblin Popullor koncerti “Lulet e pranverës”, i ideuar gjatë pandemisë. Protagonistë të mbrëmjes, dy tenorët Kastriot Tusha dhe Aranit Hoxha rrëfejnë emocionet e të sjellit në skenë këngët më të bukura të traditës sonë

Nis me dedikim për nënën koncerti “Lulet e Pranverës”...

“Ku ka më bukur se sa ti këndosh nanës”, thotë solisti i Ansamblit Aranit Hoxha.

I ideuar gjatë pandemisë, recitali i dy solistëve Kastriot Tusha e Aranit Hoxha, u jetësua për herë të parë në skenën e Teatrit të Operas këtë mesjavë, për ta shijuar edhe publiku.

“Jo pa qëllim e zgjodhëm në muajin mars, në muajin më të bukur të vitit, kur çel lulja, është Festa e Nënës, e Ditës së Verës..., dhe e titulluam ‘Lulet e pranverës’. Ky si koncert u mbajt gjatë pandemisë, por jo me spektatorë dhe ne na kishte mbetur merak”, thotë tenori Kastriot Tusha.

Dikur pedagog-student, dy tenorët, Tusha e Hoxha rrëfejnë bashkëpunimin mes tyre.

“Ka qenë student i imi, krenohemi me Aranitin sepse me të vërtetë e meriton emrin si solist i Ansamblit të Shtetit.”, thotë Tusha.

“E kam filluar bashkëpunimin e parë me të në koncertin e ‘Tre tenorëve’ ku kam qenë student me të në Akademinë e Arteve dhe e kemi vijuar me një sërë aktivitetesh të tjera. Dhe, për çdokënd, bashkëpunimi me një artist si Kastriot Tusha do të ishte nder dhe privilegj shumë i madh”, shton Hoxha.

Përmes kostumeve, këngëve e valleve, Ansambli i Këngëve dhe Valleve Popullore ‘feston’ me traditën muajin e pranverës, gruas, mësuesit. Orkestra, solistët, Grupi i Valleve dhe ai Koral i Ansamblit, përshkojnë Shqipërinë përmes një repertori të pasur dhe bëjnë publikun pjesë të spektaklit.

Koncertit iu bashkuan edhe solistët Lekë Pecnikaj, Malvina Likaj, Raimond Kllogjeri, Adela Bezhani dhe Irini Nikolla. Recitali “Lulet e Pranverës” risolli këngët më të bukura popullore, larmishmëri vallesh dhe etnografinë e vendit tonë.

B.K//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Ç'na tregoi më 23 Nëntor Altin Dumani?

Ergys Mërtiri: Ç'na tregoi më 23 Nëntor Altin Dumani?

24 Nëntor, 08:47 nga Ergys Mërtiri