73-vjeçari Veli Dervishi që ekzekutoi gruan me sëpatë, do dalë para gjykatës për tu përballur me akuzën e ngritur nga Prokuroria e Krimeve të Rënda.
 
 Dervishi, gjatë fazës hetimore ka pranuar krimin e rëndë. Gjatë seancës për caktimin e masës së sigurisë i arrestuari Veli Dervishi, ka pohuar se e kishte vrarë gruan për xhelozi, pasi e tradhtonte me një shtetas Kosovar, që ata i kidhin dhënë ambjente me qëra.
 
 “Unë kam pasur konflikte të vjetra me atë për tradhti. Ne rrinim në një dhomë të vogël, sepse dhomat e tjera i kishim dhënë me qira për plazhistët.Te një nga dhomat ishte një kosovar. Ai dhe pati pirë kafe te ne dhe bënte sikur e kishte njohur prej vitesh. Kur erdhi kosovari, ajo nuk ia quajti një ditë kur i mora lekët. U grindëm dhe i thashë. “Pse atij nuk ia more lekët, kurse të tjerëve të gjitha?!” “E di vetë” – më tha dhe nuk la fjalë pa më thënë: “Plehrë! Legen! Edhe këlysh kurve më tha.” Kam pasur dy sëpata në shtëpi, që i përdornim për bahçen. Ditën e ngjarjes më tha të çoja një dy pushues tek autobusi. Unë i çova ata dhe kur u ktheva e pashë afër shtëpisë duke hedhur plehrat. “Më tha: “O qelbësirë, pse nuk ndalove të më merrje. ”Një llafazane e tmerrshme, një grua shumë e ulët.”-ka deklaruar Dervishi.
 
 
  Redaksia online
 D.M/Shqiptarja.com