POP 5

Lajmet më të lexuara të 5 minutave të fundit

Kultura

Lajme nga emisionet

Maestro Zhani Ciko rrëfen në 'Esencë' periudhat e jetës që kanë dashur guxim: Gjithmonë kam llogaritur dështimin

Në këtë takim të radhës të "Esencë" ishte maestro Zhani Ciko. Një prej profesionistëve më fisnikë, fin dhe elegant. Një karrierë e gjatë dhe dedikim ndaj muzikës, që gjenezën e ka në fëmijëri. Ai e konsideron këtë periudhë si një bosht të rëndësishëm të jetës së tij. Prindërit e kanë angazhuar artistikisht që në vogëli, ndërsa ai nisi të studionte violinë në moshën 5-vjeçare.

TIRANË- Në këtë takim të radhës të "Esencë" ishte maestro Zhani Ciko. Një prej profesionistëve më fisnikë, fin dhe elegant. Një karrierë e gjatë dhe dedikim ndaj muzikës, që gjenezën e ka në fëmijëri. Ai e konsideron këtë periudhë si një bosht të rëndësishëm të jetës së tij. Prindërit e kanë angazhuar artistikisht që në vogëli, ndërsa ai nisi të studionte violinë në moshën 5-vjeçare.

Ishte vetëm 24 vjeç kur iu besua një pozicion i rëndësishëm, ai i drejtorit artistik të Teatrit të Operas. Një angazhim që u pasua me dyshime për shkak të moshës.

"Jam treguar i guximshëm në punën time, e kam thënë fjalën time pa bërë kompromise"- tregon ai.

Gjimnazi i Patosit mban emrin e Zhani Cikos, si një nderim për figurën e tij, për 3 vitet riedukim që kaloi në atë qytet për mendime anti-konformiste.

Shtypi i kohës, qëllimisht nuk shkroi asokohe asnjë artikull për punën e tij. Mes kujtimeve dhe shfaqjeve ai sjell edhe prezencën e shumë artistëve italianë në Shqipëri, në fillimet e demokracisë.

Për sfidat dhe vështirësitë ndër vite ai shprehet: "Gjithë jetën time kam llogaritur dështimin".

Mes të tjerash ai përmendi edhe konceptin e ri të logos së Teatrit Kombëtar të Operas dhe Baletit, për të cilën shpreh skepticizëm. Ai ka mbështetur artistë, sot të rëndësishëm në muzikë, të hedhin hapat e parë. Prej tyre këngëtarë që kanë dalë nga "Ethet e Së Premtes Mbrëma". Këngëtarët Klajdi Musabelliu, Orgesa Zaimi dhe Vesa Luma i dërguan video mesazhe të ngrohta maestros, duke ndarë përjetimet dhe kujtimet e tyre me të.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Lamtumira për Kadarenë/ Rama: Nën hijen e Nënë Tereza, Ismaili symbyllur ndihet i mbrojtur nga ata që s’e donin! Tregon dhe polemikat për varrin: Çmë panë sytë

Lamtumira për Kadarenë/ Rama: Nën hijen e Nënë Tereza, Ismaili symbyllur ndihet i mbrojtur nga ata që s’e donin! Tregon dhe polemikat për varrin: Çmë panë sytë

3 Korrik, 12:06