POP 5

Lajmet më të lexuara të 5 minutave të fundit

Shëndeti

Manastirliu në Maternitetet e Tiranës: Nga sot bonusi i bebes për çdo të porsalindur

Ministrja e Shëndetësisë dhe Mbrojtjes Sociale Ogerta Manastirliu vizitoi sot dy maternitetet e Tiranës, ku natën e ndërrimit të viteve kanë ardhur në jetë 14 fëmijë.

“Bonusi i bebes do të përfitohet menjëherë nëse fëmija regjistrohet në zyrën e posaçme të hapur pranë çdo materniteti në vend dhe përfitohet në dy pjesë nëse prindërit zgjedhin ta regjistrojnë të porsalindurin më vonë në gjendjen civile”.

Deklarata u bë nga Ministrja e Shëndetësisë dhe Mbrojtjes Sociale Ogerta Manastirliu vizitoi sot dy maternitetet e Tiranës, ku natën e ndërrimit të viteve kanë ardhur në jetë 14 fëmijë.

Ministrja Manastirliu falenderoi nga materniteti “Mbretëresha Geraldinë” ekipet mjekësore në të gjithë vendin për shërbimin gjatë natës së ndërrimit të viteve.

Fëmija i parë lindi në maternitetin “Mbretëresha Geraldinë”, 1 minutë pas mesnate. Ndërsa bebi i parë në Maternitetin “Koço Gliozheni” erdhi në jetë në 12:02 dhe është fëmija i tretë i një çifti nga Tirana, i cili përfiton 120 mijë lekë bonus. Nga sot nis të zbatohet politika e re sociale e Qeverisë që mbështet familjet e reja, me pagesën universal të Bonusit të Bebes, e cila jepet për çdo familje, pavarësisht statusit social-ekonomik. 

Pagesa për lindjen e fëmijës së parë është 40 mijë Lekë; Për fëmijën e dytë 80 mijë Lekë; Për fëmijën e tretë, të katërt e në vijim bonusi i bebes është 120 mijë Lekë për çdo fëmijë; Për nënat që lindin binjakë masa e përfimit do të jetë në masën 80 000 (tetëdhjetë mijë lekë) për secilin fëmijë; Për nënat që lindin trinjakë dhe më shumë, masa e përfimit do të jetë në masën 120 000 (njëqind e njëzetë mijë lekë) për secilin fëmijë.

Duke filluar nga sot, prindërit e kryejnë regjistrimin e fëmijës së porsalindur në Maternitet në sportelin e gjendjes civile të hapura në 37 maternitete të vendit, duke lehtësuar dhe procedurën e regjistrimit fillestar të të porsalindurve.

Bonusi i bebes është i ndarë në dy pjesë. Çeku i parë përfitohet menjëherë (35 mijë lekë për fëmijën e parë; 75 mijë për fëmijën e dytë dhe 115 mijë për fëmijën e tretë) ndërsa çeku I dytë me vlerë 5 mijë lekë përfitohet pas regjistrimit të fëmijës në gjendjen civile.

Pagesa do të kryhet në bankë dhe çeku ka vlefshmëri deri në 12 muaj nga data e lëshimit të tij.

Bonusi është universal, ndaj përfitohet nga të gjitha familjet, pavarësisht se ku vendos nëna që të sjellë në jetë fëmijën. Për fëmijët që lindin në spitale private, në shtëpi ose jashtë vendit, çeku i bebes do të lëshohet nga Ministria e Shëndetësisë dhe Mbrojtjes Sociale pas regjistrimit të të porsalindurit në zyrat e gjendjes civile.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 01/01/2019 18:34

    Kjo e shkreta ose burri i saj do fillojne te shperndajne paret neper doktore e infermjere biles edhe pastruese.Nuk do i mbetet asgje nga ceku!Kjo eshte shqiperia me te ashtuquajturin shtet te saj!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Nesër zhvillohet takimi i 4-ët vjetor i Këshillit Koordinues të Diasporës

Nesër zhvillohet takimi i 4-ët vjetor i Këshillit Koordinues të Diasporës

18 Dhjetor, 19:59