POP 5

Lajmet më të lexuara të 5 minutave të fundit

Sociale

Manastirliu në Stokholm: Të forcojmë ligjet për t’i dhënë fund dhunës në familje

Ministrja e Shëndetësisë dhe Mbrojtjes Sociale Ogerta Manastirliu mori pjesë në Forumin Botëror të Barazisë Gjinore që u zhvillua në Stokholm të Suedisë ku merrnin pjesë ministra, drejtues të organizatave ndërkombëtare dhe të shoqërisë civile
Manastirliu në Stokholm: Të forcojmë ligjet për t’i dhënë fund dhunës në familje

Ministrja e Shëndetësisë dhe Mbrojtjes Sociale Ogerta Manastirliu në Forumin Botëror të Barazisë Gjinore në Stokholm të Suedisë

Ministrja e Shëndetësisë dhe Mbrojtjes Sociale Ogerta Manastirliu mori pjesë në Forumin Botëror të Barazisë Gjinore që u zhvillua në Stokholm të Suedisë ku merrnin pjesë ministra, drejtues të organizatave ndërkombëtare dhe të shoqërisë civile nga 100 vende të Botës.

Për qeverinë shqiptare, trajtimi i çështjeve të barazisë gjinore dhe dhunës me bazë gjinore nuk janë vetëm çështje të të drejtave të njeriut por faktorë kyç që ndikojnë në zhvillimin ekonomik dhe progresin social të vendit.

Ministrja Manastirliu

Ministrja u ndal te puna e bërë për përmirësimin e legjislacionit për mbrojtjen e grave, viktima të dhunës me bazë gjinore dhe rezultatet që kanë sjellë këto ndryshime, në 5-fishimin e denoncimeve të dhunës në familje dhe dhunës me bazë gjinore gjatë viteve të fundit.

Nëse në vitin 2008 numri i rasteve të grave që denonconin dhunën në familje ishte 882, me forcimin e mekanizmave ligjorë, gjatë vitit të kaluar 4543 gra kanë denoncuar dhunën. Një dëshmi e rritjes së ndërgjegjësimit në shoqëri se dhuna me bazë gjinore nuk është një sekret që duhet mbajtur brenda mureve të shtëpisë por duhet denoncuar dhe dënuar bazuar në ligjet në fuqi. Një dëshmi gjithashtu e rritjes së besimit në institucionet shtetërore për trajtimin e këtij fenomeni. Por duhet të forcojmë më shumë mekanizmat ligjorë për ti dhënë fund dhunës në familje.

Ministrja e Shëndetësisë dhe Mbrojtjes Sociale Ogerta Manastirliu

Ministrat e Çështjeve Sociale dhe përfaqësuesit e lartë politikë pjesëmarrës në këtë Forum u angazhuan për të punuar së bashku për zgjidhje konkrete të çështjeve që lidhen me barazinë gjinore dhe dhunën me bazë gjinore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Economic Times': Shqipëria mes vendeve ideale evropiane për të vizituar në 2025

'Economic Times': Shqipëria mes vendeve ideale evropiane për të vizituar në 2025

24 Nëntor, 07:20