POP 5

Lajmet më të lexuara të 5 minutave të fundit

Sociale

Manastirliu takon ministrin kinez të Shëndetësisë: Forcojmë bashkëpunimin

Gjatë takimit të zhvilluar në Tiranë mes Ministrave të Shëndetësisë të Shqipërisë dhe Republikës Popullore të Kinës, u theksua angazhimi për të jetësuar Planin e Veprimit 2018-2020 për shkëmbimin e eksperiencave dhe trajnimin e profesionistëve të shëndetit të dy vendeve tona.

Manastirliu takon ministrin kinez të Shëndetësisë: Forcojmë bashkëpunimin

Minitrja e Shëndetësisë Ogerta Manastirliu priti në një takim zyrtar Ministrin Kinez të Shëndetësisë, z. Ma Xiaowei dhe delegacionin që e shoqëronte, ku theksuan rëndësinë e bashkëpunimit mes dy vendeve në fushën e shëndetësisë.

“Është një hap përpara që po ndërmarrim së bashku, për të jetësuar Planin e Veprimit 2018-2020 në fushën e shëndetësisë mes dy vendeve tona, që i shërben shkëmbimit të eksperiencave dhe përmirësimit të sistemeve shëndetësore, marrjes së eksperiencave dhe praktikave më të mira”, u shpreh Ministrja Manastirliu.

Duke prezantuar arritjet e deritanishme në fushën e shëndetësisë, Manastirliu theksoi rëndësinë e trajnimit të profesionistëve të shëndetit.

 “Pavarësisht investimeve që po realizojmë, është shumë e rëndësishme të kemi profesionistë që i përditësojnë dijet, profesionistë të aftë për të zhvilluar sistemin e kujdesit shëndetësor, në mënyrë që të shkojmë drejt objektivave që ne kemi për sa i përket cilësisë dhe standarteve që duhet të ofrojmë në kujdesin shëndetësor”, tha Manastirliu.

Ndërsa Ministri kinez i Shëndetësië, z. Ma Xiaowei prezantoi zhvillimet në sistemin shëndetësor të Republikës Popullore të Kinës, I cili po fokusohet te mbështetja e spitaleve të zonave rurale nga spitalet e mëdha në zonat urbane. Z. Xiaowei vlerësoi progresin e bërë nga qeveria shqiptare për të siguruar akses në shërbimin shëndetësor afër vendbanimit.

“Jam i impresionar nga arritjet e deritanishme në shëndetësinë shqiptare dhe shpreh angazhimin për të vijuar bashkëpunimin mes dy vendeve dhe dy popujve tanë që kanë një miqësi të thellë”, u shpreh z. Xiaowei.

Takimi i dy Ministrave të Shëndetësisë vjen në kuadër të zbatimit të Planit të Veprimit mes dy vendeve tona, të nënshkruar në Sofie të Bullgarisë, në Korrik 2018, gjatë Samitit 16+1 të vendeve të Europës Juglindore dhe Kinës. Plani i veprimit 2018-2020 në fushën e shëndetësisë synon forcimin e bashkëpunimit në disa fusha. Më konkretisht, Plani i Veprimit parashikon bashkëpunimin në fushën e sistemit shëndetësor, parandalimin dhe kontrollin e sëmundjeve kronike, të sëmundjeve ngjitëse, në mjekësinë rehabilituese, në ekzaminimin mjekësor afër vendbabimit, etj. Shkëmbimi i personelit, ekspertëve dhe grupeve studimore do të jetë i vazhdueshëm, në zbatim të këtij plani veprimi. Bashkëpunimi i vendosur mes institucioneve shëndetësore të të dy vendeve, do të konkretizohet me trajnimin afatmesëm të personelit mjekësor. Delegacioni kinez po zhvillon një vizitë zyrtare 3 ditore në Shqipëri, ku do të kenë takime në institucionet kryesore shëndetësore në vendin tonë, me synim forcimin e bashkëpunimit mes dy vendeve tona.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58