BERAT - Pas njoftimit të dhënë nga Ministria e Bujqësisë në lidhje me ngarkesa mandarinash të kthyera nga eksporti. Autoriteti Kombëtar i Ushqimit ka nisur verifikimet lidhur me ngarkesën e eksportit të produktit mandarinë të kthyera mbrapsht, produkt i prodhuar në fshatin Goriçan. Bëhet fjalë me një ngarkesë me Mandarina klementine, të eksportuara nga subjektet grumbulluese ushqimore në fshatin Goriçan, me vendndodhje në Berat dhe Fier.
Dy prej ngarkesave kanë mbërritur në vendin e origjinës. Një nga ngarkesat e asgjësuara nga Pika e Inspektimit Kufitar, ka qenë e prodhuar në fshatin Goriçan në bashkinë Dimal. Ka qënë analizimi laboratorik i kryer në Bari të Italisë, që ka konfirmuar se produkti ka qenë me nivel të lartë pesticidesh.
Lidhur me ngarkesën e eksportuar nga fshati Goriçan, Autoriteti Kombëtar i Ushqimit ka marrë masat për kundravajtjet administrative në subjektin përkatës që ndodhet në fshatin Goriçan në Dimal, duke gjobitur dhe bllokuar aktivitetin e subjektit për moszbatim të legjislacionit në fuqi.
AKU Berat konfirmon se ka marrë masa të menjëhershme, duke ngritur grupe pune për analizimin, vlerësimin e situatës mbi koordinimin për ndjekjen e veprimeve proceduriale në secilën hallkë të zbatimit të kontrollit zyrtar të rastit.
Sipas AKU Berat, subjekti pikë grumbullimi, me pronar shtetasin Arben Dyli, është gjobitur në vlerën 4 milion lekë, pasi nuk ka njoftuar për tregtimin e agrumeve. Sipas AKU Berat, ky subjekt pikë grumbullimi duhet ta shoqëronte ngarkesën me një fletë analizë nga ky institucion.
AKU pohon se po bëhen analiza në parcelën e fermerit Erjon Tafa, parcela e të cilit është në fshatin Goriçan. Ky fermer disponon 270 rrënjë agrumeve të kulturës mandarinë. Sipas AKU Berat, i gjithë prodhimi i kthyer mbrapsht është groposur nga specialistët e AKU-së.
Tirane- Kroacia ktheu mbrapsht 3 ngarkesa me mandarina me origjinë shqiptare për shkak se kanë përmbajtje të lartë të pesticideve të dëmshme për shëndetin e njeriut.
Në tre javët e fundit sistemi RASFF ka evidentuar 5 ngarkesa të cilat rezultojnë me pesticide të rrezikshme. Ndërkohë 3 prej këtyre ngarkesave që janë me mandarina janë me pesticidin Chlorpyrifos dhe Phosmet që janë dy preparate të dala nga qarkullimi në BE dhe që nuk lejohen të përdoren në territorin e Shqipërisë.
Pesticidet e identifikuara nga shtetet e BE, në tre ngarkesa me mandarina të eksportuara nga Shqipëria nuk janë blerë në farmacitë e vendit. Kështu është shprehur në Report TV Martin Jorgaqi Drejtor i Riskut në AKU.
“Pesticidi nuk na rezulton të jetë marrë në farmaci sepse nuk kemi identifikim të situatës, jemi në hetim të të gjithë zinxhirit. Por marrja e këtyre pesticideve, përveç trajtimit të qëllimshëm, mund të merret nga ajri, uji apo toka e ndotur”, u shpreh Jorgaqi.
Ka ardhur kontrabandë shprehet Presidenti i urdhrit veterinar Ervin Resuli.
“Është një preparat që ndoshta qarkullon edhe në rrugë kontrabande në territorin e Shqipërisë”, tha Resuli.
Jorgaqi është shprehur se AKU është vënë në dijeni menjëherë nga RASFF, dhe se kanë marrë masat madje kanë identifikuar 3 operatorët që kanë bërë eksportin.
“Ne na ka ardhur menjëherë njoftimi nga sistemi RAFS, ky njoftim shkon në drejtën rajonale aty ku operatori zhvillon aktivitetin dhe më pas drejtoria shkon tek produktet për verifikime. Është bërë identifikimi i sasisë që 3 operatorët e biznesi ka bërë eksport, është bërë gjurmueshmëria, janë nxjerrë numrat e identifikimit”, tha Jorgaqi.
Gjatë ditës së enjte një ngarkesë prej 20 tonë mandarina të kthyera mbrapsht nga kufijtë e bashkimit evropian do të asgjësohen nga AKU në Divjakë.
Një ngarkesë me mandarina clementine, të eksportuara nga subjektet grumbulluese në fshatin Goriçan të Dimalit është kthyer dhe asgjësuar pasi nga analizimi laboratorik i kryer në Bari të Italisë ka rezultuar me nivel të lartë pesticidesh.
Autoriteti Kombëtar i Ushqimit ka gjobitur subjektin eksportues me pronar shtetasin Arben Dyli me 4 milion lekë, pasi nuk ka njoftuar për tregtimin e agrumeve. Sipas AKU Berat, ky subjekt pikë grumbullimi duhet ta shoqëronte ngarkesën me një fletë analizë nga ky institucion.
Po bëhen analiza në parcelën e fermerit Erjon Tafa, parcela e të cilit është në fshatin Goriçan. Ky fermer disponon 270 rrënjë agrume të kulturës mandarinë. I gjithë prodhimi i kthyer mbrapsht është groposur nga specialistët e AKU-së.
Përtej eksportit, a kontrollohen produktet që prodhohen në vend dhe hidhen në tregun vendas? Kjo është pikëpyetja më e madhe e ngritur pas 3 ngarkesave të kthyera nga shtetet e BE me mandarina të dyshuara me pesticide mbi normë.
Autoriteti Kombëtar i Ushqimit thotë se tregjet dhe prodhimet kontrollohen jo 100% por me bazë risku.
“Autoriteti Kombëtar i Ushqimit e ushtron aktivitetin e tij në bazë të një plani të miratuar me bazë risku, si dhe marrje të mostrave dhe monitorim të pesticideve. Këto analiza kryhen në laboratorin e referencës që është i akredituar me standardet evropiane ISUV”, tha Jorgaqi.
Operatorët e fruta-perimeve ndahen në 3 grupe me risk të ulët, të mesëm dhe të lartë dhe kontrollet kryhen një herë në vit tek subjektet me risk të ulët dhe 4 herë në vit tek operatorët me risk të lartë.
“Kontrolli i fruta-perimeve ushtrohet në dy drejtime. Drejtimi i parë që ka të bëjë me mbrojtjen e bimëve dhe drejtimi i dytë ka të bëjë me produktin që del në treg. Nuk kontrollohen me aksione, por me plane me bazë risku, i ndarë në muaj dhe me operator të biznesit që konsiderohen me risk, qoftë mbi aktivitetin e mëparshëm për mos zbatim të ligjit, dhe mbi bazë të rëndësisë së produktit që ata tregtojnë. Pjesa e operatorëve konsiderohen me risk të ulët, të mesëm dhe të lartë, 1 inspektim në vit për operatorët me risk të ulët dhe 4 herë tek operatorët me risk të lartë. Në operatorët që gjenden në shkelje ushtrohen kontrolle të herëpashershme dhe merren masa për shkeljen”, tha Jorgaqi.
Ndërkohë fermerët nuk e kanë detyrim ligjor të bëjnë analiza të produkteve të tyre, por detyrimi i tyre është të mos përdorin pesticide.
“Analizat që bëhen nuk janë institucionale por janë autokontroll që e bën vetë biznesi në një laborator brenda apo jashtë vendit”, thotë Resuli.
Më 18 dhjetor Ministria e Bujqësisë sqaroi se tre raste ngarkesash me Mandarina clementine, të eksportuara në Berati e Fieri, janë kthyer mbrapsht, ku është bërë bllokimi dhe asgjësimi i produkteve prej dy prej ngarkesave.
Komente
Lajme të tjera
-
AKU/ 20 ton mandarina do të asgjësohen në Divjakë
19 Dhjetor, 16:37 -
Kroacia kthen mbrapsht mandarinat me pesticide/ AKU: Po hetojmë zinxhirin, preparati s'u ble në farmaci! Resuli: Ka ardhur kontrabandë
19 Dhjetor, 16:31 -
Mandarinat me pesticide, Kosova merr masat e para! Kontrolle në kufi dhe testim për çdo ngarkesë
19 Dhjetor, 11:25 -
Mero Baze: SPAK dhe si një radiografi e demokracisë në PD
18 Dhjetor, 22:31
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Berat/ Arrestohet një person, akuzohet për ngacmim seksual ndaj një të mituri! Kamerat e filmuan kur e përndiqte! Ishte recidivist
18 Dhjetor, 17:24 -
Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE
18 Dhjetor, 15:49 -
Dyshohet se ngacmoi seksualisht një të mitur, arrestohet 60 vjeçari në Berat
18 Dhjetor, 13:33 -
Berat/ E zuri poshtë një masiv guri teksa po punonte, arrestohet pronarja e shtëpisë, në kërkim administratori dhe drejtuesja teknike e firmës së ndërtimit
18 Dhjetor, 13:19 -
Aksident në aksin Lushnjë-Berat/ Makina përplas për vdekje 63 vjeçarin nga Durrësi (EMRI)
17 Dhjetor, 13:55 -
E rëndë në Berat/ Ishte duke punuar, ndërron jetë 47 vjeçari! E zuri poshtë një masiv guri (EMRI)
17 Dhjetor, 13:03 -
Aksident në Berat, makina përfundon në kanal! Tre të plagosur (VIDEO)
17 Dhjetor, 08:17
BIO me pak pesticide brenda!
Përgjigjudmthn hame cdo dite kimikate dhe vetem kur na i kthejne eksporti strukturat tona qe paguen per sigurine ushqimore kujtohen te vene gjoba dhe te asgjesojne produktet. thene kjo, mire qe ngopemi me pesticide po pse duhet te mbajme struktura qe paguhen me parate tona per te vegjetuar. punesoni te pakten pensioniste se dhe punen do e bejne me ndergjegje por dh edo te marrin nje shtese te pensionit. meqe ra fjala kur disjutohen grupe kapitujt e sigurise ushqimore me BE?
PërgjigjuAto qe po shiten ne tregun e brendeshem i lini.... qe te fitoje imunitet populli kunder pesticideve..
PërgjigjuDem i madh per imazhin e prodhimeve nga Shqiperia. Institucionet kane fjetur gjume dhe tani po marrin masa po ju heqin leshte prodhuesve. ;) BIOOOOOOOOO
Përgjigju