SARANDE - Mbjellja e mandarinave dhe kulturave të tjera bujqësore konsiderohet krim sot në Konispol. Edhe pse nga njëra anë bëhet propagandë për të stimuluar fermerët që t’i rikthehen bujqësisë, nga ana tjetër institucionet, polici e Shtetit, polici Bashkiake e zyrtarë të tjerë, të shtyrë madje edhe nga një pretendim i kishës vihen në dispozicion t’u prishin 250 rrënjë mandarina fermerëve të Konispolit, pasi siç edhe e gjithë zona kishte kthyer tokën djerrë (tokë e papunuar), në pemtari.
Situata e krijuar, ishte e ngjashme me ndërhyrjet e policisë në asgjesimin e kanabisit, por vetëm se në këtë rast po shkuleshin maderinat, kultura që edhe fqinjët jugorë të Shqipërisë tentuan ta zhduknin nga kjo zonë vite më parë për çështje konkurence. Të gjitha institucionet e shtetit ishin vënë në lëvizje dje në Konispol dhe siç thonë edhe ata vetë: Me urdhër të kryetarit.
“Mos guxo më të futesh në këtë tokë se do të marrim edhe bagëtitë, i drejtohen punonjësit e policisë dhe bashkisë fermerit, tokë e cila është shenjtëruar me urdhër të kryetarit”, bëhet fjalë për Shuaip Beqirin kryetari i Bashkisë Konispol.
Me lot nën sy e të revoltuar, fermerët Koço dhe Margarita Jani shprehen se policia asgjësoi gjithë mundin e tyre sikur të ishin kriminelë. Përballë këtij veprimi të paprecedentë e palogjikshëm nga ana e shtetit, ata shprehen se ishin gati dhe ua kishin thënë që mund t’ia falnin kishës apo Bashkisë ata fidanë mandarinë nëse nuk do t’u linte kohë t’i hiqnin vetë, por vetëm bimët të mosdëmtoheshin.
Na more na… ça shkulëm more? Hashash more? Të ishte e kishës, le ta shkulnin. Me drogë s’jam marrë, kam rritur 2 fëmijë me 10 mijë lekë të deleve. Iu luta, iu thashë më lini 2 ditë. S’më dëgjoi njeri.
Koço dhe Margarita Jani, dy fermerët që mbollën mandarina në Xarrë në Konispol
Ajo çfarë dëshmojnë dy fermerët konstatohet gjerësisht në këtë zonë, që tokat djerrë të Bashkisë merren me qera nga fermerët dhe kthehen në pemtore, pa u subvencionuar nga shteti, siç edhe rasti në fjalë, por Bashkia e Konispolit ka zgjedhur që në këtë rast jo vetëm të prish kontratën e qerasë por edhe të asgjesojë bimët duke angazhuar edhe forcat e rendit, që nga numri dukeshin sikur ishte zhvendosur i gjithë komisariati.
Koço dhe Margarita Jani pranojnë që kanë bërë shkelje, por jo të kenë kryer krim. Ata kanë mbjellë 250 rrënje mandarina me të ardhurat e tyre modeste në një tokë djerrë e të marrë me qera po nga Bashkia e Konispolit dhe pa kërkuar ndihmë nga shteti.
Report Tv do të ndjekë edhe në ditët në vijim këtë rast flagrant, pasi shumë pikpyetje ngrihen me qëllimin e moslejimit të një fermeri të kultivojë në një tokë dierrë, të dhënë po nga bashkia me qera.
Policia e shtetit është vënë në dispozicion të Bashkisë së Konispolit, dhe mesa është mësuar deri më tani nuk ka asnjë vendim gjykate apo konflikt. Fakti që toka pretendohet nga Kisha deri më tani është bërë me dije vetëm nga kryebashkiaku Shuaip Beqiri, i cili është edhe personi që ka firmosur urdhërin për asgjesimin e mandarinave.
I kontaktuar nga Report Tv, Shuaip Beqiri ka deklaruar se fermeri është vënë në dijeni dhe i është thënë se nuk duhet të mbjelli mandarina, por deri më tani akoma nuk ka një përgjigje se pse duhet të asgjesoheshin 250 bimë me polici, sikur të ishin bimë kanabisi e jo produkt bujqësor që duhet inkurajuar e të kultivohet në mbarë zonën.
Deri më tani, Policia e Shtetit e kontaktuar nga Report Tv nuk ka dhënë sqarime, se mbi ç’baza ligjore apo urdhëri, ka ndërhyrë për të asgjësuar mandarinat.
Komente
Lajme të tjera
-
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
AKU/ 20 ton mandarina do të asgjësohen në Divjakë
19 Dhjetor, 16:37 -
Kroacia kthen mbrapsht mandarinat me pesticide/ AKU: Po hetojmë zinxhirin, preparati s'u ble në farmaci! Resuli: Ka ardhur kontrabandë
19 Dhjetor, 16:31 -
Mandarinat me kimikate/ AKU gjobit 4 mln lekë grumbulluesin në Goriçan të Beratit! Groposet ngarkesa e kthyer mbrapsht! Po bëhen analiza në një fermë
19 Dhjetor, 16:26
-
Mandarinat me pesticide, Kosova merr masat e para! Kontrolle në kufi dhe testim për çdo ngarkesë
19 Dhjetor, 11:25 -
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE
18 Dhjetor, 15:49 -
Konispoli prodhon 50 mijë ton mandarina, prek tregjet më të mëdha nga Polonia deri në Rusi
7 Dhjetor, 10:49
-
Si u bë mandarina e Hingës ‘e famshme’ në tregjet e Ballkanit! Fermerët e kthyer nga Greqia prodhojnë mbi 1300 ton në vit, por s’kanë punëtorë
23 Nëntor, 13:38
-
Vrau babanë, zbardhet dëshmia e djalit: Ishte xheloz dhe me probleme mendore, pashë si nëna dha frymën e fundit!
10 Gusht, 13:20 -
Konispol/ Hodhi babanë nga shkallët pasi i vrau të ëmën, 41-vjeçari: Ishte i dhunshëm me nënën! E shtyva, por s’kisha qëllim ta vrisja
7 Gusht, 10:21
-
Konispol/ Zjarr në malin e Saraqinit (VIDEO)
4 Gusht, 08:22
Nuk eshte toka e tyre çfaredo lloj peme te mbjellin siper !
PërgjigjuOre pse se sqaroni problemin ishte ne tok te saj zonja apo ne tok te huaj sepse po ngaterroni njerezit ne gjykime
PërgjigjuTurp. Kallzoi direkt tek Edi Rana.
PërgjigjuOre ju doni qe ai pronari asaj tokes te bente vet drejtesim me ju Qe hyni ne tok te tjetrit jo mbolla moll nuk mbolla karrota
PërgjigjuVetgjyqesi, sh perdorimi i detyres. Cpret prokuroria
Përgjigju