Arrihet dakordësia qeveri-opozitë! Regjistrimi i popullsisë në Maqedoninë e Veriut shtyhet për në shtator

Regjistrimi i popullsisë në Maqedoninë e Veriut është shtyrë për në muajin shtator, kjo pas takimit të zhvilluar sot mes Kryeministrit Zoran Zaev dhe liderit të VMRO-DPMNE-së, Hristijan Mickoski.

Sipas marrëveshjes regjistrimi në terren pritet të realizohet nga 5 deri në 30 shtator, ndërsa aplikacioni për regjistrimin e diasporës mbetet aktiv deri atëherë.

 “Takimi i sotëm është pozitiv dhe i suksesshëm. Kemi lënë hapësirë edhe për takime tjera”, tha mes tjerash Hristijan Mickoski.

LEXO EDHE:
Rama thumbon Kurtin? Ndërhyrjet në Maqedoni synojnë destabilizim! Lufta për pushtet dobëson dhe përçan faktorin politik shqiptar

Partia maqedonase opozitare VMRO-DPMNE pretendonte se regjistrimi nuk ishte një proces statistikor por politik, duke akuzuar partitë në pushtet për kurdisjen e rezultatit sa i përket përqindjes së popullatës, në veçanti asaj shqiptare. Gjatë fushatës së saj ata arritën të sigurojnë 100.000 nënshkrime kundër procesit të regjistrimit të popullsisë.

Në takimin e sotëm është biseduar edhe për ndryshime në Kodit Zgjedhor. Grupet e punës për Kodin Zgjedhor në Kuvend do të inkurajohen për të bëre ndryshimet e nevojshme për terminalet e shenjave të gishtave, për ndryshime e modelit ne një njësi zgjedhore, për lista te hapura për këshilltare komunash, për zgjedhjen e kryetareve te komunave në një rreth zgjedhor.

 

/B.K./Shqiptarja.com

TAG:
• zoran zaev
• censusi
• Maqedoni e Veriut