Lideri i Aleancës për Shqiptarët, Arben Taravari, është politikani i parë që shpall kandidaturën e tij për zgjedhjet presidenciale në Maqedoninë e Veriut. Pas betimit të Talat Xhaferit si kryeministri i parë shqiptar, Taravari është shqiptari i dytë që synon të marrë post politik në nivele të larta në Maqedoninë e Veriut.
Gjatë një vizite në Gostivar, ai Taravari tha se ka ardhur për një president shqiptar duke kërkuar mbështetjen e qytetarëve.
“Me propozim të ASH-së dhe mbështetjes së Lëvizjes Europiane për Ndryshim (LEN), unë sot jam këtu për të shpall kandidaturën për president të shtetit…Unë besoj se kjo ditë është ditë e duhur për t’ia filluar. Jam i sigurt në përkrahjen tuaj, pres me respekt votën e çdonjërit prej jush. Vendit i ka ardh koha që të ketë një president shqiptar por jo teknikisht. Ndryshimi ka filluar dhe kjo tani po shihet’.
Por zgjedhja e një presidenti shqiptar në Maqedoninë e Veriut duket praktikisht e pamundur nëse ai nuk mbështetet nga një forcë politike maqedonase. Plani i Taravarit është që kandidatura e tij të regjistrohet duke dorëzuar 10.000 nënshkrime në KQZ, të cilat pret t’i mbledhë brenda dy ditëve për tu përballur me kreun aktual të shtetit Stevo Pendarovski.
Maqedonia e Veriut do të mbajë zgjedhjet në dy raunde, i pari zhvillohet në 24 prill dhe i dyti së bashku me zgjedhjet parlamentare në 8 maj. Presidenti zgjidhet duke përdorur një sistem të modifikuar dy rundesh. Një kandidat mund të zgjidhet në rundin e parë të votimit vetëm nëse ata marrin ekuivalentin e mbi 50% të votave nga të gjithë votuesit e regjistruar. Në rundin e dytë, pjesëmarrja e votuesve duhet të jetë së paku 40% që rezultati të konsiderohet i vlefshëm. Zgjedhjet do të organizohen nga qeveria teknike e kryeministrit Talat Xhaferi, i cili u zgjodh më 28 janar të këtij viti, 100 ditë para zgjedhjeve.
Lajme të tjera
-
Gjykata Penale e Shkupit refuzon ankesën e Grubit, vendimi për paraburgim mbetet në fuqi
24 Dhjetor, 22:48 -
Ligji për Gjuhët në Maqedoninë e Veriut do të shqyrtohet në mars të vitit tjetër
23 Dhjetor, 18:19 -
Arben Taravari paralajmëron ‘arrestimin’ e Ali Ahmetit
20 Dhjetor, 10:11 -
Grubi në kërkim ndërkombëtar, reagon BDI: Propozuam ligj për mos futjen e non gratave në zgjedhje, e rrëzuan ata që na akuzojnë sot
19 Dhjetor, 11:32 -
Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar
18 Dhjetor, 11:12 -
Shkup, Gjykata i cakton masën e paraburgimit ish-zv/kryeministrit Artan Grubi
17 Dhjetor, 17:39 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Katër të arrestuar në rajonin e Strugës dhe të Gostivarit, të dyshuar për veprimtari terroriste
16 Dhjetor, 17:48 -
Policia maqedonase bastis shtëpitë e Artan Grubit dhe Përparim Bajramit
16 Dhjetor, 11:09 -
'S’jam politikan i salloneve dhe biskotave', Ali Ahmeti: Nuk lejoj të preket ligji për gjuhën shqipe
13 Dhjetor, 10:34 -
Siria pas rrëzimit të Assad/ Elezi për Report Tv: Vendi kontrollohet nga 3 grupe, mes tyre të paktën 60 shqiptarë nga Kosova! Shqiptari nga RMV, Avdyl Jashari, post kyç në Frontin për Çlirimin e Sirisë
12 Dhjetor, 15:55 -
Frrok Çupi: S’kemi edhe aq të drejtë për mburrje nacionale
12 Dhjetor, 15:37
